ଗତ କିଛି ଦିନ ହେବ ସାମସଙ୍ଗ ଗାଲାକ୍ସି S25 ସିରିଜ୍ ସମ୍ବନ୍ଧୀୟ ଖବର ବାହାରକୁ ଆସୁଛି । ସାମସଙ୍ଗ ଫ୍ୟାନ୍ସମାନେ ଉତ୍ସାହର ସହିତ ଏହାକୁ ଅପେକ୍ଷା କରିଛନ୍ତି । ଗାଲାକ୍ସି S25 ସିରିଜ୍ ଆସିବାର କିଛି ସମୟ ଅଛି କିନ୍ତୁ ଏହାପୂର୍ବରୁ ସ୍ମାର୍ଟଫୋନ୍ ନିର୍ମାତା କମ୍ପାନୀ ଆଇଟେଲ୍ ଏକ ବଡ ଧମାକା କରିଛି । ଆଇଟେଲ୍ ସାମସଙ୍ଗ ପୂର୍ବରୁ ବଜାରରେ ଏହାର S25 ସିରିଜ୍ ଉପସ୍ଥାପନ କରିସାରିଛି । ଆଇଟେଲ୍ ଏହାର ନୂଆ ସିରିଜରେ ଆଇଟେଲ୍ S25 ଏବଂ ଆଇଟେଲ୍ S25 ଅଲଟ୍ରା ଲଞ୍ଚ କରିଛି ।
ଆଇଟେଲ୍ S25 ଏବଂ S25 ଅଲ୍ଟ୍ରା ସ୍ମାର୍ଟଫୋନ୍ ବିଷୟରେ ସବୁଠାରୁ ବଡ ବିଶେଷ କଥା ହେଉଛି ଏହି ସ୍ମାର୍ଟଫୋନ୍ ଗୁଡ଼ିକର ଡିଜାଇନ୍ ସାମସଙ୍ଗର ଗାଲାକ୍ସି S24 ଏବଂ ଆଗାମୀ ଗାଲାକ୍ସି S25 ସିରିଜ୍ ପରି ଦେଖାଯାଉଛି । ପ୍ରିମିୟମ୍ ଡିଜାଇନ୍ ଥିବା ସତ୍ତ୍ୱେ କମ୍ପାନୀ ଏହାକୁ ଏକ ସୁଲଭ ମୂଲ୍ୟରେ ରେଞ୍ଜରେ ଲଞ୍ଚ କରିଛି । ତେବେ ଆସନ୍ତୁ ଆଇଟେଲର ନୂତନ ସିରିଜର ମୂଲ୍ୟ ଏବଂ ଫିଚର୍ସ ବିଷୟରେ ଜାଣିବା ।
itel S25 ଏବଂ S25 Ultra ଦାମ୍:
କମ୍ପାନୀ ୮GB RAM ସହିତ ଉଭୟ ଆଇଟେଲ୍ S25 ଏବଂ S25 ଅଲଟ୍ରା ସ୍ମାର୍ଟଫୋନ୍ ଲଞ୍ଚ କରିଛି । ତଥାପି, ଉଭୟ ସ୍ମାର୍ଟଫୋନର ଷ୍ଟୋରେଜ୍ ଅପ୍ସନରେ ବଡ଼ ପାର୍ଥକ୍ୟ ଅଛି । Itel S25ରେ ଆପଣ ୧୨୮GB ଷ୍ଟୋରେଜ୍ ପାଇପାରିବେ । ଯେଉଁଠାରେ itel S25 Ultra ରେ ଆପଣ ୨୫୬GB ଷ୍ଟୋରେଜ୍ ଅପ୍ସନ୍ ପାଇପାରିବେ । ଆପଣଙ୍କୁ କହି ରଖୁଛୁ ଯେ ଫିଲିପାଇନ୍ସ ବଜାରରେ ଆଇଟେଲ୍ ନୂତନ ସିରିଜ୍ ଉପସ୍ଥାପନ କରିଛି । ପ୍ରାୟ ୮,୯୫୦ ଟଙ୍କା ମୂଲ୍ୟରେ କମ୍ପାନୀ ଦ୍ୱାରା Itel S25 ଆରମ୍ଭ କରାଯାଇଛି । ଏହା ବ୍ୟତୀତ କମ୍ପାନୀ ୧୫,୮୮୦ ଟଙ୍କାରେ ଆଇଟେଲ୍ S25 ଅଲଟ୍ରା ଲଞ୍ଚ କରିଛି ।
itel S25 ଏବଂ S25 Ultra କଲର୍ ଅପ୍ସନ୍:
ଏହି ସିରିଜର ଉଭୟ ସ୍ମାର୍ଟଫୋନରେ ୟୁଜର୍ସ ଭିନ୍ନ ଭିନ୍ନ କଲର୍ ଅପ୍ସନ୍ ପାଇପାରିବେ । Bromo Black, Mambo Mint ଏବଂ Sahara Gleam କଲର୍ ଅପ୍ସନ୍ ସହିତ ଆଇଟେଲ୍ ବଜାରରେ S25 ଲଞ୍ଚ କରିଛି । ଯେଉଁଠାରେ ଆଇଟେଲ୍ S25 ଅଲଟ୍ରା ରେ ଆପଣ Meteor Titanium, Bromo Black ଏବଂ Komodo Ocean କଲର୍ ଅପ୍ସନ୍ ପାଇପାରିବେ ।
Itel S25 Ultra ଫିଚର୍ସ:
Itel S25 Ultra ରେ ଆପଣ ୬.୭୮ ଇଞ୍ଚ କର୍ଭଡ୍ ଡିସପ୍ଲେ ପାଇବେ । ବଜେଟ୍ ସେଗମେଣ୍ଟରେ ଲଞ୍ଚ ହେବା ସତ୍ତ୍ୱେ ଏହି ସ୍ମାର୍ଟଫୋନର ୧୨୦Hz ରିଫ୍ରେସ୍ ରେଟ୍ ରହିଛି । ଡିସପ୍ଲେ ପ୍ରୋଟେକ୍ସନ୍ ପାଇଁ Gorilla Glass 7i ମଧ୍ୟ ପ୍ରଦାନ କରାଯାଇଛି । ପରଫରମାନ୍ସ ଫିଚର୍ସଗୁଡିକ ବିଷୟରେ କହିବାକୁ ଗଲେ, ଆପଣ ଏହି ବଜେଟ୍ ସେଗମେଣ୍ଟ ଫୋନରେ ଆଉଟ୍ ଅଫ୍ ଦି ବକ୍ସ ଆଣ୍ଡ୍ରଏଡ୍ 14 ର ସପୋର୍ଟ ପାଇପାରିବେ । ଭବିଷ୍ୟତରେ ଆପଣ ଏହାକୁ ଅପଗ୍ରେଡ୍ କରିବାକୁ ମଧ୍ୟ ସକ୍ଷମ ହେବେ ।
ପ୍ରୋସେସିଙ୍ଗ ପାଇଁ ଆଇଟେଲ୍ S25 ଅଲଟ୍ରା ସ୍ମାର୍ଟଫୋନରେ ୟୁନିସୋକର ଟାଇଗର T620 ଅକ୍ଟା-କୋର ପ୍ରୋସେସର୍ ପ୍ରଦାନ କରିଛି । ଏହି ଚିପସେଟ ୧.୮GHz ରୁ ୨.୨GHz ପର୍ଯ୍ୟନ୍ତ କ୍ଲକ୍ ସ୍ପିଡ୍ ଯୋଗାଇବାରେ ସକ୍ଷମ । ଏଥିରେ ୮GB RAM ର ସପୋର୍ଟ ଅଛି । ଏହାର RAM କୁ ଆପଣ ୮GB ପର୍ଯ୍ୟନ୍ତ ଏକ୍ସପାଣ୍ଡ କରିପାରବେ । ଏଥିରେ ଆପଣ ୨୫୬ ଜିବି ଇଣ୍ଟରନାଲ୍ ଷ୍ଟୋରେଜ୍ ପାଇପାରିବେ । ଏଥିରେ ୫୦ ମେଗାପିକ୍ସେଲ ପ୍ରାଇମେରୀ କ୍ୟାମେରା ଅଛି । ସେଲଫି ଏବଂ ଭିଡିଓ କଲିଂ ପାଇଁ S25 ଅଲଟ୍ରାରେ ୩୨ ମେଗାପିକ୍ସେଲ କ୍ୟାମେରା ଅଛି । ସ୍ମାର୍ଟଫୋନକୁ ପାୱାର ଦେବା ପାଇଁ ୫୦୦୦mAh ବ୍ୟାଟେରୀ ମଧ୍ୟ ରହିଛି ।