ଜିଓ ଏବଂ ଏୟାରଟେଲ କମ୍ପାନୀ ୟୁଜରଙ୍କ ପାଇଁ ପ୍ରିପେଡ୍ ପ୍ଲାନର ଦାମ୍ ଆସନ୍ତାକାଲି ଅର୍ଥାତ ଜୁଲାଇ ୩ ରୁ ମହଙ୍ଗା କରିବାକୁ ଯାଉଛନ୍ତି । ବର୍ତ୍ତମାନ ଆପଣଙ୍କ ପାଖରେ କେବଳ ଗୋଟିଏ ଅପ୍ସନ ବାକି ଅଛି ଏବଂ ତାହା ହେଉଛି ବର୍ଷକ ପାଇଁ ରିଚାର୍ଜ । ଉଭୟ କମ୍ପାନୀର ବାର୍ଷିକ ରିଚାର୍ଜ ପ୍ଲାନ୍ ୬୦୦ ଟଙ୍କା ବଢ଼ିବାକୁ ଯାଉଛି ।
ଏପରି ପରିସ୍ଥିତିରେ ଆପଣ ଜିଓ ଏବଂ ଏୟାରଟେଲର ବାର୍ଷିକ ରିଚାର୍ଜ ପ୍ଲାନ୍ ଦ୍ୱାରା ରିଚାର୍ଜ କରିପାରିବେ ଯାହା ୩୬୫ ଦିନ ପର୍ଯ୍ୟନ୍ତ ଚାଲିବ ଯାହା ଦ୍ୱାରା ଆପଣ ଆପଣଙ୍କର ଟଙ୍କା ସଞ୍ଚୟ କରିପାରିବେ । ଉଭୟ କମ୍ପାନୀର ବାର୍ଷିକ ରିଚାର୍ଜ ପ୍ଲାନ୍ ବିଷୟରେ ଆସନ୍ତୁ ଜାଣିବା ।
ଜିଓର ବାର୍ଷିକ ରିଚାର୍ଜ ପ୍ଲାନର ଦାମ୍ ୨,୯୯୯ ଟଙ୍କା । ୩୬୫ ଦିନର ଭାଲିଡିଟି ସହିତ ଏହା ହେଉଛି ସବୁଠାରୁ ଶସ୍ତା ବାର୍ଷିକ ପ୍ଲାନ୍ , ଯାହା ପ୍ରତିଦିନ ୨.୫ GBର 4G ଡାଟା ଏବଂ ଅନଲିମିଟେଡ୍ 5G ଡାଟା ଦେଇଥାଏ । ଜୁଲାଇ ୩ ପରେ ଏହାର ଦାମ୍ ୩୫୯୯ ଟଙ୍କାକୁ ବୃଦ୍ଧି ପାଇବ । ଆପଣ ଜିଓର ଏହି ପ୍ଲାନକୁ ଶୀଘ୍ର ଆକ୍ଟିଭ୍ କରିପାରିବେ ଯାହା ଦ୍ୱାରା ଆପଣ ଅନଲିମିଟେଡ୍ 5G ସର୍ଭିସର ମଜା ନେଇ ପାରିବେ, ନଚେତ୍ ଆପଣଙ୍କୁ ଅଧିକ ଟଙ୍କା ଦେବାକୁ ପଡିବ ।
ଯଦି ଆପଣଙ୍କର ବର୍ତ୍ତମାନର ରିଚାର୍ଜ ପ୍ଲାନର ଭାଲିଡିଟି ବାକି ଅଛି, ତେବେ ଆପଣ ଏହି ପ୍ଲାନ୍ ଦ୍ୱାରା ରିଚାର୍ଜ କରି ଏହାକୁ ସିଡ୍ୟୁଲ୍ କରିପାରିବେ । ବର୍ତ୍ତମାନ ପ୍ଲାନର ଭାଲିଡିଟି ଶେଷ ହେବା ପରେ, ନୂଆ ରିଚାର୍ଜ ପ୍ଲାନ୍ ଅଟୋମେଟିକ୍ ଭାବେ ଆକ୍ଟିଭ୍ ହୋଇଯିବ ।
ଜିଓ ପରି ଏୟାରଟେଲ ମଧ୍ୟ ଜୁଲାଇ ୩ରୁ ରିଚାର୍ଜ ପ୍ଲାନ୍ ଦାମ୍ ବଢ଼ାଇବାକୁ ଯାଉଛି । ଯଦି ଆପଣ ଜୁଲାଇ ୩ ପୂର୍ବରୁ ବାର୍ଷିକ ପ୍ଲାନ୍ ରେ ରିଚାର୍ଜ କରନ୍ତି, ତେବେ ଆପଣ ଏହି ପ୍ଲାନକୁ ବର୍ଷସାରା ଶସ୍ତା ଦାମରେ ପାଇବେ । ବର୍ତ୍ତମାନ ଏୟାରଟେଲର ବାର୍ଷିକ ପ୍ଲାନର ଦାମ୍ ହେଉଛି ୨,୯୯୯ ଟଙ୍କା । ଏହି ପ୍ଲାନରେ ଆପଣ ୩୬୫ ଦିନର ଭାଲିଡିଟି ପାଇବେ । ଏହି ରିଚାର୍ଜ ପ୍ଲାନରେ କମ୍ପାନୀ ଆପଣଙ୍କୁ ପ୍ରତିଦିନ ୨ GB ଡାଟା ଦେବ । ଜୁଲାଇ ୩ ପରେ ଯଦି ଆପଣ ଏହି ପ୍ଲାନରେ ରିଚାର୍ଜ କରନ୍ତି ତେବେ ଆପଣଙ୍କୁ ୬୦୦ ଟଙ୍କା ଅଧିକ ଦେବାକୁ ପଡିବ ।