ଜିଓ ୟୁଜର୍ସଙ୍କୁ ଫ୍ରିରେ ମିଳିବ ୩୬୫ ଦିନର ମୋବାଇଲ୍ ରିଚାର୍ଜ, ଜାଣନ୍ତୁ କିପରି ଉଠାଇବେ ଏହି ଫାଇଦା
ଜିଓ ପୁଣି ଥରେ ନିଜର କୋଟି କୋଟି ୟୁଜର୍ସଙ୍କୁ ଏକ ବଡ଼ ସରପ୍ରାଇଜ ଦେଇଛି । ଦେଶର ସର୍ବବୃହତ ଟେଲିକମ୍ କମ୍ପାନୀ ଜିଓ ନିଜ ୟୁଜର୍ସଙ୍କୁ ୩୬୫ ଦିନର ଫ୍ରି ମୋବାଇଲ୍ ରିଚାର୍ଜ ପ୍ଲାନ ପ୍ରଦାନ କରୁଛି । କମ୍ପାନୀ ଏବେ ନିଜର ଅଫିସିଆଲ ୱେବସାଇଟରେ ଏହି ଅଫର ଘୋଷଣା କରିଛି । ଏହି ଅଫରର ଲାଭ ଉଠାଇ, ଜିଓ ୟୁଜର୍ସମାନେ ବର୍ଷସାରା ରିଚାର୍ଜ କରିବା ଅସୁବିଧାରୁ ମୁକ୍ତି ପାଇପାରିବେ । ଏହି ଅଫର ଦେଶର ସମସ୍ତ ଟେଲିକମ୍ ସର୍କଲ ପାଇଁ ଉପଲବ୍ଧ ଏବଂ ବିଶେଷକରି ଜିଓର ପ୍ରିପେଡ୍ ୟୁଜର୍ସମାନେ ଏହାର ଫାଇଦା ନେଇପାରିବେ ।
ଅଫର୍ କ’ଣ?
ବର୍ତ୍ତମାନ ଜିଓ ନିଜର ଫାଇବର ବ୍ରଡବ୍ୟାଣ୍ଡ ସର୍ଭିସକୁ ଏକ୍ସପାଣ୍ଡ କରିବାକୁ ୟୁଜର୍ସମାନଙ୍କ ପାଇଁ ଏହି ଅଫର ଲଞ୍ଚ କରିଛି । ଜିଓ ୟୁଜର୍ସମାନେ ଏକ ନୂଆ ଏୟାରଫାଇବର ପ୍ଲାନ ବୁକିଂରେ ଏହି ଫ୍ରି ମୋବାଇଲ୍ ରିଚାର୍ଜର ଲାଭ ପାଇପାରିବେ । ଜିଓ ୱେବସାଇଟ୍ ରିପୋର୍ଟ ଅନୁଯାୟୀ, ୟୁଜର୍ସମାନଙ୍କୁ ୩୫୯୯ ଟଙ୍କାର ମାଗଣା ଅନୁଆଲ ମୋବାଇଲ୍ ରିଚାର୍ଜ ପ୍ଲାନ ପ୍ରଦାନ କରାଯିବ । ଏହି ପ୍ଲାନ ୩୬୫ ଦିନର ଭାଲିଡିଟି ସହିତ ଆସିଥାଏ । ଏଥିରେ ୟୁଜରମାନେ ଦୈନିକ ୨.୫ ଜିବି ହାଇ ସ୍ପିଡ୍ ଡାଟାର ଲାଭ ମଧ୍ୟ ପାଇପାରିବେ ।
କିପରି ଲାଭ ପାଇବେ?
ତେବେ ଯଦି ଆପଣ ଏହି ମାଗଣା ଅନୁଆଲ ରିଚାର୍ଜ ପ୍ଲାନର ଲାଭ ଉଠାଇବାକୁ ଚାହୁଁଛନ୍ତି ତେବେ ଆପଣଙ୍କୁ କମ୍ପାନୀର ୱେବସାଇଟ୍ ଏବଂ ମୋ ଜିଓ ଆପ୍ ମାଧ୍ୟମରେ ଏକ ନୂଆ ଏୟାରଫାଇବର ବୁକ୍ କରିବାକୁ ପଡିବ । କମ୍ପାନୀ ଏୟାର ଫାଇବର ବ୍ରଡବ୍ୟାଣ୍ଡ ପାଇଁ ବୁକିଂ ଚାର୍ଜକୁ ମାତ୍ର ୫୦ ଟଙ୍କା ରଖିଛି । କେବଳ ଏତିକି ନୁହେଁ ଏହି ଏୟାରଫାଇବର ଫ୍ରିଡମ୍ ଅଫର ଅଧୀନରେ ୩ ମାସର ପ୍ଲାନ ସହିତ ୟୁଜରମାନଙ୍କୁ ୩୦ ପ୍ରତିଶତ ଡ଼ିସକାଉଣ୍ଟ ମଧ୍ୟ ଦିଆଯାଉଛି । ଜିଓ ଏୟାର ଫାଇବରର ଏହି ପ୍ଲାନ ୨୧୨୧ ଟଙ୍କାରେ ଉପଲବ୍ଧ ହେବ । ଏଥିରେ ୟୁଜରମାନେ ୮୦୦ ରୁ ଅଧିକ ଡିଜିଟାଲ ଟିଭି ଚ୍ୟାନେଲ, ୧୩ ରୁ ଅଧିକ OTT ଆପ୍ସ ଏବଂ ଅନଲିମିଟେଡ୍ ୱାଇ-ଫାଇ ପାଇପାରିବେ ।
୩୫୯୯ ଟଙ୍କା ପ୍ଲାନ:
ତେବେ ଏହି ଏୟାରଫାଇବର ବୁକ୍ କରୁଥିବା ୟୁଜର୍ସଙ୍କ ମଧ୍ୟରେ କିଛି ଲକି ୟୁଜର୍ସ ହିଁ ଏହି ଅନୁଆଲ ରିଚାର୍ଜ ପ୍ଲାନ ମାଗଣାରେ ପାଇପାରିବେ । ଏହି ପ୍ଲାନରେ ଆପଣଙ୍କୁ ପ୍ରତିଦିନ ୨. ୫ ଜିବି ହାଇ ସ୍ପିଡ୍ ଡାଟା ମିଳିବ । ଏହା ବ୍ୟତୀତ ୟୁଜର୍ସମାନେ ଫ୍ରି ଅନଲିମିଟେଡ୍ 5G ଡାଟାର ଲାଭ ମଧ୍ୟ ପାଇପାରିବେ । ଏହା ସହିତ, ଏହି ପ୍ଲାନ ପ୍ରତିଦିନ ୧୦୦ ଫ୍ରି SMS ଏବଂ ଦେଶର ଯେକୌଣସି ନେଟୱାର୍କରେ ଫ୍ରି ନ୍ୟାସନାଲ ରୋମିଂର ସୁବିଧା ମଧ୍ୟ ପ୍ରଦାନ କରିଥାଏ ।
