ଜିଓର ଜବରଦସ୍ତ ରିଚାର୍ଜ ପ୍ଲାନ୍, ୯୯୯ ଟଙ୍କାରେ ମିଳିବ ୯୮ ଦିନର ଲଙ୍ଗ୍ ଭାଲିଡିଟି

ଶସ୍ତା ଏବଂ ସୁଲଭ ରିଚାର୍ଜ ପ୍ଲାନ୍ ବିଷୟରେ କହିବାକୁ ଗଲେ ରିଲାଏନ୍ସ ଜିଓର ନାମ ପ୍ରଥମେ ଆସେ । ରିଲାଏନ୍ସ ଜିଓ ହେଉଛି ଦେଶର ସବୁଠାରୁ ବଡ ଟେଲିକମ୍ କମ୍ପାନୀ । ସାରା ଦେଶରେ ପ୍ରାୟ ୪୯ କୋଟି ୟୁଜର୍ସ ରିଲାଏନ୍ସ ଜିଓ ବ୍ୟବହାର କରନ୍ତି । ଗ୍ରାହକଙ୍କ ସୁବିଧା ପାଇଁ, ଜିଓ ଏହାର ରିଚାର୍ଜ ପ୍ଲାନଗୁଡିକର ପୋର୍ଟଫୋଲିଓରେ ଅନେକ ବଡ଼ ପ୍ଲାନ୍ ଯୋଡିଛି । ଜିଓର ଲିଷ୍ଟରେ ଆପଣ ଉଭୟ ଶସ୍ତା ଏବଂ ମହଙ୍ଗା ପ୍ଲାନ୍ ପାଇପାରିବେ । ଆପଣ ନିଜର ସୁବିଧା ଏବଂ ବଜେଟ୍ ଅନୁଯାୟୀ ଯେକୌଣସି ପ୍ଲାନ୍ ଚଏସ୍ କରିପାରିବେ ।

ଯଦି ଆପଣ ନିଜ ସ୍ମାର୍ଟଫୋନରେ ଜିଓ ସିମ୍ ବ୍ୟବହାର କରନ୍ତି ତେବେ ଏହି ଖବର ଆପଣଙ୍କ ପାଇଁ ଅତ୍ୟନ୍ତ ଉପଯୋଗୀ ହେବାକୁ ଯାଉଛି । ଯେହେତୁ ଜିଓ ଏହାର ରିଚାର୍ଜ ପ୍ଲାନଗୁଡିକର ମୂଲ୍ୟ ବୃଦ୍ଧି କରିଛି, ୟୁଜର୍ସମାନେ ଅଧିକ ଭାଲିଡିଟି ସହିତ ରିଚାର୍ଜ ପ୍ଲାନ୍ ଖୋଜୁଛନ୍ତି । ଏଥିପାଇଁ କମ୍ପାନୀର ଅନେକ ଅପ୍ସନ୍ ଅଛି । ଜିଓ ଲିଷ୍ଟରେ ଏକ ରିଚାର୍ଜ ପ୍ଲାନ୍ ମଧ୍ୟ ଅଛି ଯେଉଁଥିରେ ୟୁଜର୍ସମାନେ ୩ ମାସରୁ ଅଧିକ ଭାଲିଡିଟି ପାଇପାରିବେ ।

ଆମେ ଆପଣଙ୍କୁ ରିଲାଏନ୍ସ ଜିଓର ଏକ ଏଭଳି ପ୍ଲାନ୍ ବିଷୟରେ ସୂଚନା ଦେବାକୁ ଯାଉଛୁ ଯେଉଁଥିରେ ଆପଣ କେବଳ ଲଙ୍ଗ୍ ଭାଲିଡିଟି ନୁହେଁ ବରଂ ମନୋରଞ୍ଜନ ଏବଂ ଅନ୍ୟାନ୍ୟ ଇଣ୍ଟରନେଟ୍ ସମ୍ବନ୍ଧୀୟ କାର୍ଯ୍ୟ ପାଇଁ ମଧ୍ୟ ଅନେକ ଡାଟା ପ୍ରଦାନ କରାଯାଇଥାଏ । ତେବେ ଆସନ୍ତୁ ଏହି ରିଚାର୍ଜ ପ୍ଲାନ୍ ବିଷୟରେ ବିସ୍ତୃତ ଭାବରେ ଜାଣିବା । ରିଲାଏନ୍ସ ଜିଓର ରିଚାର୍ଜ ପ୍ଲାନ୍ ଯାହା ବିଷୟରେ ଆମେ କହୁଛୁ ଏହାର ଦାମ୍ ହେଉଛି ୯୯୯ ଟଙ୍କା । ଏହି ରିଚାର୍ଜ ପ୍ଲାନରେ Jio ଏହାର ଗ୍ରାହକମାନଙ୍କୁ ୯୮ ଦିନର ଲଙ୍ଗ୍ ଭାଲିଡିଟି ପ୍ରଦାନ କରୁଛି ।

ଆପଣ ୯୮ ଦିନ ପାଇଁ ଯେକୌଣସି ନେଟୱାର୍କରେ ଅନଲିମିଟେଡ୍ ଫ୍ରି କଲିଂ କରିପାରିବେ । ରିଚାର୍ଜ ଫ୍ଲାନରେ ଉପଲବ୍ଧ ଇଣ୍ଟରନେଟ୍ ଡାଟା ସୁବିଧା ବିଷୟରେ କହିବାକୁ ଗଲେ, ଆପଣ ୯୮ ଦିନ ପାଇଁ ମୋଟ ୧୯୬ ଜିବି ଡାଟା ପାଇବେ । ଅର୍ଥାତ୍ ଆପଣ ପ୍ରତିଦିନ ୨GB ହାଇ ସ୍ପିଡ୍ ଡାଟା ବ୍ୟବହାର କରିପାରିବେ । ଏହା ବ୍ୟତୀତ, ଜିଓର ଏହି ରିଚାର୍ଜ ଟ୍ରୁ 5G ପ୍ଲାର ଏକ ଅଂଶ, ତେଣୁ ଆପଣ ଏଥିରେ ଅନଲିମିଟେଡ୍ 5G ଡାଟା ମଧ୍ୟ ପାଇପାରିବେ ।

ତଥାପି, 5G ଡାଟା ବ୍ୟବହାର କରିବାକୁ, ଆପଣଙ୍କ ଅଞ୍ଚଳରେ 5G କନେକ୍ଟିଭିଟି ରହିବା ଆବଶ୍ୟକ । ଏହି ରିଚାର୍ଜ ପ୍ଲାନରେ, ଜିଓ ଅନ୍ୟ ରେଗୁଲାର୍ ପ୍ଲାନ୍ ପରି ଗ୍ରାହକଙ୍କୁ କିଛି ଏକ୍ସଟ୍ରା ବେନିଫିଟ୍ସ ଦେଇଥାଏ । ଯଦି ଆପଣ OTT ଷ୍ଟ୍ରିମିଂ କରନ୍ତି ତେବେ ଆପଣ ଜିଓ ସିନେମାର ଲାଭ ଉଠାଇ ପାରିବେ । ଏହା ବ୍ୟତୀତ, ଆପଣ ଏହି ପ୍ଲାନରେ Jio TV ଏବଂ Jio Cloud ର ଫ୍ରି ସବସ୍କ୍ରିପସନ୍ ମଧ୍ୟ ପାଇପାରିବେ ।