ଆଣ୍ଡ୍ରଏଡ ୟୁଜର୍ସଙ୍କ ପାଇଁ ସତର୍କ ସୂଚନା, ଏହି ଆପ୍‌ ବ୍ୟବହାର କରୁଥିଲେ ତୁରନ୍ତ କରନ୍ତୁ ଡିଲେଟ

ଗୁଗଲ ପ୍ଲେ ଷ୍ଟୋରକୁ ପୁଣି ଥରେ ଫେରିଛି ‘ଜୋକର ଭାଇରସ୍‌’। ଏହା ଏମିତି ଏକ ଭାଇରସ କୋଡ ଯାହା ଆଣ୍ଡ୍ରଏଡର କିଛି ଆପ୍ଲିକେସନରେ ଲୁଚି ରହିଥାଏ। ସବୁଠୁ ବଡ଼ କଥା ହେଉଛି ଏହା ସମ୍ପର୍କରେ ୟୁଜର୍ସଙ୍କୁ କିଛି ଜଣା ପଡ଼ିନଥାଏ। ମସ୍କୋର Tatyana Shishkova ସନିଅର ମାଲେଓ୍ଵର ଆନାଲିଷ୍ଟ, Kasperskyଙ୍କ ସୂଚନା ଅନୁଯାୟୀ ଏହି ଭାଇରସ୍‌ ଏବେ ୧୪ଟି ଆପରେ ଲୁଚି ରହିଛି। ଏହାକୁ ନେଇ ସେ ଟ୍ଵିଟ ମଧ୍ୟ କରିଛନ୍ତି। ଏହା ଏକ ଖତରନାକ ଭାଇରସ୍‌ । ନୁଆ ୟୁଜର୍ସ ମାନଙ୍କ ପାଇଁ ଏହି ଭାଇରସ୍‌ ସବୁଠୁ ବିପଦପୂର୍ଣ୍ଣ । ତେଣୁ ଏଥିପାଇଁ ସତର୍କ ରହିବାକୁ ସେ ନିର୍ଦ୍ଦେଶ ଦେଇଛନ୍ତି। ସୂଚନା ଅନୁଯାୟୀ, ଏହା ଏମିତି ଏକ ଭାଇରସ୍‌ ଯାହା ଗୁଗଲ ପ୍ଲେ ଷ୍ଟୋରରେ ଅନେକ ସମୟ ଥର ରିଟର୍ଣ୍ଣ ଆସିଥାଏ।

ଏହା ଏମିିତି ଭାଇରସ୍‌ ଯାହା ଆପଣଙ୍କ ଫୋନରୁ ସବୁ ତଥ୍ୟକୁ ଚୋରି କରିଦେଇଥାଏ। ତେବେ ୟୁଜର୍ସ ମାନଙ୍କ ବ୍ୟବହାରକୁ ଦେଖି ଏହି ଭାଇରସ୍‌ ନିଜ ରାସ୍ତା ବାଛି ଦେଇଛି। ଏବେ ଗୁଗଲ ପ୍ଲେ ଷ୍ଟୋରରୁ  ଆପଣ କୌଣସି ବି ଆପ୍‌ ଇନଷ୍ଟଲ କରିବା ଆଗରୁ ସତର୍କ ରୁହନ୍ତୁ। ଏହାସହ ଭଲ ଭାବେ ଯାଞ୍ଚ କରନ୍ତୁ। କାରଣ ଏହିି ଭାଇରସ୍‌ ଥରେ ଆପଣଙ୍କ ଡିଭାଇସ୍‌ ଭିତରକୁ ଗଲେ ଏହା ଆପଣଙ୍କ  ଏସଏମଏସ୍‌ , କଣ୍ଟାକ୍ଟ ଓ ଓଟିପି ସମେତ ଡିଭାଇସ୍‌ର ସବୁ ତଥ୍ୟ ଆଦିକୁ ଚୋରି କରିନିଏ।

ତେବେ ଜାଣି ରଖନ୍ତୁ ଯେ, ଏହି ଭାଇରସ୍‌ ସମ୍ପର୍କରେ ପ୍ରଥମେ ୨୦୧୭ ମସିହାରେ ଜଣାପଡ଼ିଥିଲା। ଏହାପରେ ୨୦୧୯ ମସିହାରେ ଗୁଗଲ ନିଜ ପକ୍ଷରୁ ଏହା ସମ୍ପର୍କରେ ସୂଚନା ଦେଇଥିଲା। ପରେ ୨୦୨୦ ମସିହା ଜୁଲାଇ ମାସରେ ଏହା ପ୍ଲେ ଷ୍ଟୋରରେ ପୁଣିଥରେ ଆସିଥିଲା। ଯେଉଁଥିରେ ମୋଟ ୧୧ଟି ଆପ୍‌ କୁ ନିଜ ଶିକାର ବନାଇଥିଲା। ଏବେ ପୁଣି ଥରେ ଫେରି ମୋଟ ୧୪ଟି ଆପ୍‌ ଉପରେ ନିଜର ଜାଲ ବିଛାଇଛି। ଜାଣି ନିଅନ୍ତୁ ୧୪ଟି ଆପ୍‌ ଲିଷ୍ଟରେ କେଉଁ ସବୁ ଆପ୍ଲିକେସନ ଅଛି, ଯାହାକୁ ଆପଣ ଡାଉନଲୋଡ କରିଥିଲେ ତୁରନ୍ତ ଡିଲେଟ କରିଦିଅନ୍ତୁ।

1-Super –Click VPN
2-Volume booster Hearing Aid


3-Battery Charging Animation Bubble Effects
4-Flashlight Flash Alert on Call

5-Easy PDF Scanner

6-Smart TV remote
7-Halloween Coloring

8-Classic Emoji Keyboard
9-Volume Booster Louder Sound Equalizer

10-Super Hero-Effect
11-Battery Charging Animations Battery Wallpaper
12-Dazzling Keyboard

13-EmojiOne Keyboard
14-Now QRcode Scan

ଆନାଲିଷ୍ଟଙ୍କ କହିବା ଅନୁଯାୟୀ ଏହା କିଛି ମାସର ବ୍ୟବଧାନ ପରେ ପୁଣି ଥରେ ରିଟର୍ଣ୍ଣ କରିଥାଏ। ତେଣୁ ପ୍ରତ୍ୟେକ ଆଣ୍ଡ୍ରଏଡ ୟୁଜର ଏଥିପାଇଁ ସତର୍କ ରହିବା ସହ ପ୍ଲେ ଷ୍ଟୋରରୁ କୌଣସି ଆପ୍‌ କୁ ମନମୁଖି ଡାଉନଲୋଡ କରିବା ଅନୁଚିତ।

Leave A Reply

Your email address will not be published.