ଅବାଞ୍ଛିତ ଗ୍ରୁପରୁ ରକ୍ଷା କରିବାପାଇଁ ହୁଆଟସପ ନେଇ ଆସିଛି ଏକ ନୂତନ ଫିଚର, ଜାଣନ୍ତୁ କଣସବୁ ରହିଛି ଏହି ଫିଚରରେ
ଅନଲାଇନ ଚାଟିଙ୍ଗ ଆପ Whatsappରେ ଉପଲବ୍ଧ ଥିବା ଗ୍ରୁପ ଚାଟ ମାଧ୍ୟମରେ ଏକା ସମୟରେ ଅନେକ ଲୋକ ସହିତ କଥା ହେବାରେ ବା ଖବର ପହଞ୍ଚାଇବାରେ ସୁବିଧା ହୋଇଥାଏ । କିନ୍ତୁ ବେଳେ ବେଳେ ଆପଣଙ୍କ ବିନା ଅନୁମତିରେ ବା ଅଜାଣତରେ ଆପଣଙ୍କୁ କିଛି ଲୋକ ହୁଆଟସପ୍ ଗ୍ରୁପରେ ଆଡ କରିଥାନ୍ତି । ଅନେକ ସମୟରେ ଏହି ସବୁ ଗ୍ରୁପରୁ ଆସୁଥିବା ଅଦରକାରୀ ମେସେଜର ନୋଟିଫିକେସନ ଆପଣଙ୍କୁ ବିରକ୍ତ କରାଇଥାଏ । ଏପରି ପରିସ୍ଥିତିରେ ଗ୍ରୁପରେ ଆଡ କରିଥିବା ବ୍ୟକ୍ତିଙ୍କ ମନକୁ ଆଘାତ ନଦେବା ପାଇଁ ଇଚ୍ଛା ଥାଇ ମଧ୍ୟ ଗ୍ରୁପରୁ ଲେଫ୍ଟ ହୋଇପାରିନଥାନ୍ତି । ବର୍ତ୍ତମାନ ଏସମସ୍ତ ପରିସ୍ଥିତିରୁ ଆପଣ ବଞ୍ଚି ଯାଇ ପାରିବେ । Whatsapp ନିଜ ଗ୍ରୁପ ଇନଭିଟେସନ ଫିଚରକୁ ଅପଗ୍ରେଡ କରିଛି ଯାହା ଦ୍ୱାରା ଆପଣ ଅବାଞ୍ଛିତ ଗ୍ରୁପରେ ଆଡ ହେବାରୁ ରକ୍ଷା ପାଇ ପାରିବେ ।
ପୂର୍ବରୁ ଆପଣଙ୍କ ଅନୁମତି ବିନା କୌଣସି ବି Whatsapp ୟୁର୍ଜସ ଅଦରକାରୀ ଗ୍ରୁପରେ ଆଡ କରିପାରୁଥିଲେ । କିନ୍ତୁ ବର୍ତ୍ତମାନ ତାହା ସମ୍ପୂର୍ଣ୍ଣ ରୂପରେ ବଦଳି ଯାଇଛି । ଏଣିକି ଆପଣଙ୍କ ବିନା ଅନୁମତିରେ କେହି ଜଣେ ୟୁର୍ଜସ ଯେକୌଣସି ଗ୍ରୁପରେ ଆଡ କରି ପରିବେ ନାହିଁ । ସେହିପରି ଆପଣ ଏହି ଫିଚରକୁ ଆପଣଙ୍କ କିଛି ଖାସ କଣ୍ଟାଣ୍ଟଙ୍କ ପାଇଁ କଷ୍ଟମାଇଜ ମଧ୍ୟ କରିପାରିବେ । ଏହି ନୂତନ ଫିଚର ଉଭୟ Android ଏବଂ Ios ଉଭୟ ପାଇଁ ଉପଲବ୍ଧ ରହିଛି ।
Android ଫୋନରେ Group Invitation featureକୁ କଷ୍ଟମାଇଜ କରନ୍ତୁ :
– ଆଣ୍ଡ୍ରୋଏଡ ଫୋନରେ ସର୍ବ ପ୍ରଥମେ ହୁଆଟସପର ସେଟିଙ୍ଗ> ଆକାଉଣ୍ଟ> ପ୍ରାଇବେସି> ଗ୍ରୁପ୍ସ କୁ ଯିବେ ।
– ସେଠାରେ ପ୍ରାଇଭେସି ସେଟିଙ୍ଗରେ ଗ୍ରୁପ ଇନଭିଟେସନକୁ ନିୟନ୍ତ୍ରଣ କରିବା ପାଇଁ ତିନୋଟି ଅପସନ ରହିଛି – Everyone, My Contacts ଏବଂ Nobody ।
– ଏଠାରେ ଆପଣ ଆପଣଙ୍କ ଇଚ୍ଛାନୁସାର ଅପସନ ଚୟନ କରି ପାରିବେ ।Nobody ଅପସନ ଉପରେ କ୍ଲିକ କଲେ ଆପଣଙ୍କୁ କୌଣସି ବି ୟୁର୍ଜସ ବିନା ଅନୁମତିରେ ଗ୍ରୁପରେ ଆଡ କରି ପାରିବେ ନାହିଁ । ଗ୍ରୁପରେ ଆଡ ହେବା ପାଇଁ ଆପଣଙ୍କ ନିକଟକୁ ଏକ ରିକ୍ୱେଷ୍ଟ ଆସିବ । ତେବେ ଏହି ରିକ୍ୱେଷ୍ଟକୁ ସ୍ୱିକାର କରିଲା ପରେ ଆପଣ ଗ୍ରୁପରେ ଆଡ ହୋଇ ପାରିବେ ।
iPhone Group Invitation feature କୁ କଷ୍ଟମାଇଗ କରନ୍ତୁ :
– ହ୍ଵାଟସଅପ୍କୁ ଓପେନ କରିବା ପରେ ସେଟିଙ୍ଗକୁ ଯାଇ ଆକାଉଣ୍ଟ ସେକ୍ସନରୁ ପ୍ରାଇଭେସିକୁ ଚୟନ କରନ୍ତୁ ।
– ବର୍ତ୍ତମାନ ଗ୍ରୁପ୍ସରେ କ୍ଲିକ କରନ୍ତୁ । ଏଠାରେ ମଧ୍ୟ ଆପଣ Everyone, My Contacts ଏବଂ Nobodyର ଅପସନ ମଧ୍ୟରୁ ନିଜ ଇଚ୍ଛାନୁସାର ଅପସନ ଚୟନ କରି ପାରିବେ ।
-ଏହା ସହିତ ଏହି ଫିଚରରେ ଗ୍ରୁପ ଲିଙ୍କ ନାମକ ଅନ୍ୟ ଏକ ଲିଙ୍କ ମଧ୍ୟ ରହିଛି । ଏହି ଲିଙ୍କକୁ କ୍ଲିକ କରି ଆପଣ ଯେକୌଣସି ଗ୍ରୁପ ସହିତ ଯୋଡି ହୋଇ ପାରିବେ । ଗ୍ରୁପ ତିଆରି କରୁଥିବା ସମୟରେ ଏହି ଲିଙ୍କ ମଧ୍ୟ କ୍ରିଏଟ ହୋଇଥାଏ । ପ୍ରାଇଭେସିରେ Nobody ଅପସନ କ୍ଲିକ କଲା ପରେ ମଧ୍ୟ ଏହି ଲିଙ୍କକୁ ବ୍ୟବହାର କରି ଗ୍ରୁପରେ ଆଡ ହୋଇ ପାରିବେ ।
-Whatsappର ନୂତନ ଫିଚରକୁ ଏହିଭଳି ଭାବରେ ବ୍ୟବହାର କରି ଆପଣ ଅବାଞ୍ଛିତ ଗ୍ରୁପରୁ ଆଡ ହେବାରୁ ରକ୍ଷା ପାଇ ପାରବେ ।