ଆପଣଙ୍କର ଗୁଗଲ୍ ଫଟୋ ଲୁଚାଇବା ପାଇଁ ଜାଣନ୍ତୁ ନୂଆ ଟ୍ରିକ୍

ଆଜିର ଯୁଗରେ ଟେକ୍ନୋଲଜି ଯେତେ ମାତ୍ରାରେ ଉନ୍ନତି କରୁଛି ସେତେ ମାତ୍ରାରେ ବଢୁଛି ଫ୍ରଡ ଓ ଅନଲାଇନ ହ୍ୟାକିଂ। ସେଥିପାଇଁ ବଢୁଛି ଗୁଗଲ ପ୍ରୋଟେକ୍ସନ୍। ଗୁଗଲ ବାରମ୍ବାର ଫୋନ୍ ବ୍ୟବହାରକାରୀଙ୍କୁ ସଜାଗ କରିବା ପାଇଁ ନୂଆ ନୂଆ ଫିଚର୍ ଲଞ୍ଚ କରୁଛି। ପ୍ରଥମେ ମେ ମାସ ୨୦୨୧ ରେ ପରିଚିତ ହେଲା ଗୁଗଲ୍ ଫଟୋରେ ଲକ୍ ଫିଚର୍। ଯାହାର ଫିଚର୍ ପିକ୍ସେଲ ସ୍ମାର୍ଟଫୋନ୍ ପାଇଁ ଥିଲା, କିନ୍ତୁ ପରେ ଗତ ବର୍ଷ ଅକ୍ଟୋବରରେ ଗୁଗଲ୍ ଘୋଷଣା କରିଥିଲା ​​ଯେ ଏହି ଫିଚର୍ ସମସ୍ତ ଆଣ୍ଡ୍ରଏଡ୍ ସ୍ମାର୍ଟଫୋନରେ ପହଞ୍ଚିବ।

ଗୁଗଲ୍ ଫଟୋରେ ଲକ୍ ହୋଇଥିବା ଫୋଲ୍ଡର ଫିଚର୍ ଉପଭୋକ୍ତାମାନଙ୍କୁ ଏକ ପାସୱାର୍ଡ ରିଜର୍ଭେସନ ଫୋଲ୍ଡର ପଛରେ ଫଟୋ ସେଭ୍ କରିବାକୁ ଅନୁମତି ଦେବ। ଯେତେବେଳେ ଏକ ଫଟୋ ଲକ୍ ହୋଇଯାଏ, ଏହା ଗୁଗୁଲ୍ ଫଟୋ ଗ୍ରୀଡ୍, ମେମୋରୀ, ସର୍ଚ୍ଚ, କିମ୍ବା ଆଲବମରେ ଦେଖାଯିବ ନାହିଁ। କିନ୍ତୁ ଏହି ଫିଚର୍ ଖୁବ ଶୀଘ୍ର iOS ରେ ଉପଲବ୍ଧ ହେବ, ଯାହାକି ଏପର୍ଯ୍ୟନ୍ତ ଉପଲବ୍ଧ ନାହିଁ । ତେଣୁ ଆପଣ କିପରି ଲକ୍ ହୋଇଥିବା ଫୋଲ୍ଡର ଫିଚରକୁ ସେଟଅପ୍ କରିପାରିବେ ଏବଂ ଆପଣଙ୍କ ବ୍ୟକ୍ତିଗତ ଫଟୋ ଲୁଚାଇବା ପାଇଁ ଏହାକୁ କିପରି ବ୍ୟବହାର କରିପାରିବେ ସେ ବିଷୟରେ ଜାଣିବା ଏହାର ଷ୍ଟେପ୍ ଗାଇଡ୍।

ଆସନ୍ତୁ ଜାଣିବା ଲକ୍ ହୋଇଥିବା ଫୋଲ୍ଡରଗୁଡ଼ିକୁ କିପରି ବ୍ୟବହାର କରିବେ:

୧. ସର୍ବପ୍ରଥମେ ଗୁଗୁଲ୍ ଫଟୋ ଖୋଲନ୍ତୁ।
୨. ବର୍ତ୍ତମାନ ବଟମରେ ଆସୁଥିବା ଲାଇବ୍ରେରୀ ସେକ୍ସନ ଉପରେ ଟ୍ୟାପ୍ କରନ୍ତୁ।
୩. ପରବର୍ତ୍ତୀ ପର୍ଯ୍ୟାୟରେ Utilities ସେକ୍ସନ ଉପରେ ଟ୍ୟାପ୍ କରି ସ୍କ୍ରୋଲ୍ କରନ୍ତୁ ।
୪. ଏହାପରେ ବର୍ତ୍ତମାନ ଲକ୍ ହୋଇଥିବା ଫୋଲ୍ଡର୍ ବା ‘ଲକ୍ଡ ଫୋଲ୍ଡର’ ଉପରେ ଟ୍ୟାପ୍ କରନ୍ତୁ । ଗୁଗଲ ପ୍ଲେ ଏହା କିପରି କାମ କରେ ଆପଣଙ୍କୁ କହିବ।
୫. ଡାହାଣ ପାର୍ଶ୍ଵରେ ତଳ ଭାଗରେ ଥିବା ‘ସେଟ୍ ଅପ୍’ ଅପ୍ସନ୍ ଉପରେ ଟ୍ୟାପ୍ କରନ୍ତୁ ।
୬. ବର୍ତ୍ତମାନ ଆପଣ ସ୍କ୍ରିନ୍ ଲକ୍ ପାସୱାର୍ଡ କିମ୍ବା ଫିଙ୍ଗର ପ୍ରିଣ୍ଟ ଏଣ୍ଟ୍ରି କରନ୍ତୁ ଯାହା ଆପଣ ସେଟ୍ କରିଥିଲେ। ଏହା କରିବା ପରେ ଆପଣ ଲକ୍ ହୋଇଥିବା ଫୋଲ୍ଡରକୁ ଆସିବେ।

୭. ବର୍ତ୍ତମାନ, ଆପଣ ଯେତେଥର ଲକ୍ ହୋଇଥିବା ଫୋଲ୍ଡରକୁ ଏଣ୍ଟର କରିବେ, ଆପଣଙ୍କୁ ଆପଣଙ୍କର ପାସୱାର୍ଡ / ଫିଙ୍ଗର ପ୍ରିଣ୍ଟ ଏଣ୍ଟର କରିବାକୁ ପଡିବ। ଲକ୍ ହୋଇଥିବା ଫୋଲ୍ଡରରେ ଫଟୋ
ଆଡ୍ କରିବା ପାଇଁ ଆପଣ ‘ ମୁଭ୍ ଆଇଟମ୍ସ୍’ ଉପରେ କ୍ଲିକ୍ କରିପାରିବେ। କହିବାକୁ ଗଲେ ବିକଳ୍ପ ଭାବରେ, ଲକ୍ ହୋଇଥିବା ଫୋଲ୍ଡର ଭିତରେ ଫଟୋ ରଖିବା ପାଇଁ ଆପଣ ଉପର ଡାହାଣ ପାର୍ଶ୍ୱରେ ଫଟୋ ଆଡ୍ ବଟନ୍ ଉପରେ କ୍ଲିକ୍ କରିପାରିବେ। ଏପରି ଭାବେ ଆପଣ ନିଜ ଫଟୋ ପ୍ରାଇଭେଟ୍ କରିପାରିବେ।