HD ଡ଼ିସପ୍ଲେ ଏବଂ ୫୦୦୦mAh ବ୍ୟାଟେରୀ ସହ ଲଞ୍ଚ ହେଲା Lava Yuva 4, ଜାଣନ୍ତୁ ଫିଚର୍ସ ଏବଂ ଦାମ୍

ସ୍ମାର୍ଟଫୋନ୍ ଉତ୍ପାଦନକାରୀ କମ୍ପାନୀ ଲାଭା ଭାରତରେ ଏହାର ଏକ ନୂଆ ସ୍ମାର୍ଟଫୋନ୍ Lava Yuva 4 ଲଞ୍ଚ କରିଛି । ଏହି ସ୍ମାର୍ଟଫୋନରେ କମ୍ପାନୀ HD ଡିସପ୍ଲେ ସହିତ ୫୦୦୦ mAh ବ୍ୟାଟେରୀ ପ୍ରଦାନ କରିଛି । ଏଥିସହ ଏହା ହେଉଛି ଏକ ବଜେଟ୍ ଫ୍ରେଣ୍ଡଲି ସ୍ମାର୍ଟଫୋନ୍ ଯାହା କମ୍ପାନୀ ୧୦,୦୦୦ ରୁ କମ୍ ମୂଲ୍ୟରେ ବଜାରରେ ଲଞ୍ଚ କରିଛି । ତେବେ ଆସନ୍ତୁ ଫୋନର ଫିଚର୍ସ ବିଷୟରେ ବିସ୍ତୃତ ଭାବରେ ଜାଣିବା ।

Lava Yuva 4 ସ୍ପେସିଫିକେସନ୍ସ:

ଆପଣଙ୍କ ସୂଚନା ପାଇଁ କହି ରଖୁଛୁ ଯେ Lava Yuva 4 ରେ ୬.୫୬ ଇଞ୍ଚ HD + ପଞ୍ଚ ହୋଲ୍ ଡିସପ୍ଲେ ପ୍ରଦାନ କରାଯାଇଛି । ଏହି ଡିସପ୍ଲେ ୯୦Hz ର ରିଫ୍ରେସ ରେଟକୁ ସପୋର୍ଟ କରେ । ଏହା ସହିତ, ଏହି ସ୍ମାର୍ଟଫୋନ୍ UNISOC T606 ଚିପସେଟ ପ୍ରୋସେସର ସହିତ ଲେସ୍ ହୋଇଛି । କମ୍ପାନୀ ଏହି ସ୍ମାର୍ଟଫୋନକୁ ଦୁଇଟି ଭ୍ୟାରିଏଣ୍ଟରେ ଲଞ୍ଚ କରିଛି । କମ୍ପାନୀ ୪ GB + ୬୪ GB ଷ୍ଟୋରେଜ୍ ଭାରିଆଣ୍ଟ ଏବଂ ୪ GB + ୧୨୮ GB ଷ୍ଟୋରେଜ୍ ଭ୍ୟାରିଏଣ୍ଟରେ ଫୋନ୍ ଲଞ୍ଚ କରିଛି ।

କ୍ୟାମେରା ସେଟଅପ୍:

ବର୍ତ୍ତମାନ ଏହି ସ୍ମାର୍ଟଫୋନର କ୍ୟାମେରା ସେଟଅପ୍ ବିଷୟରେ କହିବାକୁ ଗଲେ, Yuva 4 ରେ ୫୦MP ପ୍ରାଇମେରୀ କ୍ୟାମେରା ଯୋଗାଇ ଦିଆଯାଇଛି । ସେଲଫି ଏବଂ ଭିଡିଓ କଲ୍ ପାଇଁ ଡିଭାଇସରେ ୮MP ଫ୍ରଣ୍ଟ କ୍ୟାମେରା ପ୍ରଦାନ କରାଯାଇଛି । ଏହା ବ୍ୟତୀତ ଏହି ଫୋନର ଡିଜାଇନ୍ ମଧ୍ୟ ବହୁତ ଆକର୍ଷଣୀୟ । ପାୱାର ପାଇଁ, ଫୋନରେ ଏକ ଶକ୍ତିଶାଳୀ ୫୦୦୦mAh ବ୍ୟାଟେରୀ ଯୋଗାଇ ଦିଆଯାଇଛି । ଏହି ବ୍ୟାଟେରୀ ଫାଷ୍ଟ ଚାର୍ଜିଂକୁ ମଧ୍ୟ ସପୋର୍ଟ କରେ । ଏହା ବ୍ୟତୀତ, ଏହି ସ୍ମାର୍ଟଫୋନ୍ ଆଣ୍ଡ୍ରଏଡ୍ 14 ଅପରେଟିଂ ସିଷ୍ଟମରେ କାମ କରେ ।

ମୂଲ୍ୟ କେତେ?

ବର୍ତ୍ତମାନ ଏହି ଫୋନର ମୂଲ୍ୟ ବିଷୟରେ କହିବାକୁ ଗଲେ କମ୍ପାନୀ ଏହି ସ୍ମାର୍ଟଫୋନକୁ ୬୯୯୯ ଟଙ୍କା ମୂଲ୍ୟରେ ବଜାରରେ ଲଞ୍ଚ କରିଛି । ଏଥିସହ କମ୍ପାନୀ ଏହି ସ୍ମାର୍ଟଫୋନକୁ Sea White, Glossy Purple ଏବଂ Glossy Black ଭଳି ତିନୋଟି କଲରରେ ଲଞ୍ଚ କରିଛି । କମ୍ପାନୀ ଏହି ଫୋନର ସେଲ୍ ଗତକାଲି ଠାରୁ ଅର୍ଥାତ୍ ୨୮ ନଭେମ୍ବରରୁ ଆରମ୍ଭ କରିଛି । ଆପଣ ଏହାକୁ ଲାଭା ଷ୍ଟୋରରୁ ମଧ୍ୟ କିଣିପାରିବେ ।