ମୋଟରୋଲା ଆଜି ନିଜର ବହୁ ପ୍ରତୀକ୍ଷିତ ସ୍ମାର୍ଟଫୋନ୍ Motorola G45 5Gକୁ ଭାରତୀୟ ବଜାରରେ ଲଞ୍ଚ କରିଛି । କମ୍ପାନୀ ଏହି ସ୍ମାର୍ଟଫୋନକୁ ୫୦ ମେଗାପିକ୍ସେଲ ପ୍ରାଇମେରୀ କ୍ୟାମେରା ଏବଂ ୨ଟି ଭାରିଆଣ୍ଟ ସହିତ ଲଞ୍ଚ କରିଛି । ଏଥି ସହିତ, ଏହା ଏକ ବଜେଟ୍ ଫ୍ରେଣ୍ଡଲି ସ୍ମାର୍ଟଫୋନ୍ ଯାହାର ମୂଲ୍ୟ କମ୍ପାନୀ ଦ୍ୱାରା ବହୁତ କମ୍ ରଖାଯାଇଛି । ଏହା ଏକ ଦମଦାର ପ୍ରୋସେସର ମଧ୍ୟ ସହିତ ଆସିଥାଏ । ମୋଟରୋଲାର ଏହି ନୂଆ ସ୍ମାର୍ଟଫୋନରେ Qualcomm SD 6s Gen 3 6nm ପ୍ରୋସେସର ଅଛି ।
ଏହା ବ୍ୟତୀତ ସ୍ମାର୍ଟଫୋନରେ ୬.୫ ଇଞ୍ଚ IPS LCD HD + ଡିସପ୍ଲେ ଅଛି । ଏହି ଡିସପ୍ଲେ ୧୨୦Hz ର ରିଫ୍ରେସ ରେଟକୁ ମଧ୍ୟ ସପୋର୍ଟ କରେ । କମ୍ପାନୀ ସ୍ମାର୍ଟଫୋନକୁ ବଜାରରେ ୪ GB ଏବଂ ୮ GB ଭଳି ଦୁଇଟି RAM ସହିତ ପରିଚିତ କରାଇଛି । ଇଣ୍ଟରନାଲ ଷ୍ଟୋରେଜ୍ ଭାବରେ, କମ୍ପାନୀ ଏଥିରେ ୧୨୮ GB ଷ୍ଟୋରେଜ୍ ପ୍ରଦାନ କରିଛି । ପାୱାର ପାଇଁ, Motorola G45 5G ଫୋନରେ ୫୦୦୦mAhର ଏକ ଶକ୍ତିଶାଳୀ ବ୍ୟାଟେରୀ ଅଛି । ଏହି ବ୍ୟାଟେରୀ ୧୮W ଫାଷ୍ଟ ଚାର୍ଜିଂକୁ ମଧ୍ୟ ସପୋର୍ଟ କରେ ।
କ୍ୟାମେରା ସେଟଅପ୍ ବିଷୟରେ କହିବାକୁ ଗଲେ, ଏହି ମୋଟରୋଲା ଫୋନରେ କମ୍ପାନୀ ୮MP ସେକେଣ୍ଡାରୀ କ୍ୟାମେରା ସହିତ ୫୦MP ପ୍ରାଇମେରୀ କ୍ୟାମେରା ଦେଇଛି । ସ୍ମାର୍ଟଫୋନରେ ସେଲଫି ପାଇଁ ୧୬MP ଫ୍ରଣ୍ଟ କ୍ୟାମେରା ମଧ୍ୟ ଅଛି । କମ୍ପାନୀ ଏହି ମୋଟରୋଲା ଫୋନର ପ୍ରାରମ୍ଭିକ ମୂଲ୍ୟ ୯,୯୯୯ ଟଙ୍କା ରଖିଛି । ସେହିଭଳି ଏହାର ୪GB + ୧୨୮GB ଭାରିଆଣ୍ଟର ମୂଲ୍ୟ ହେଉଛି ୧୦,୯୯୯ ଟଙ୍କା । ଯେତେବେଳେ କି ସ୍ମାର୍ଟଫୋନର ୮GB + ୧୨୮GB ଭାରିଆଣ୍ଟର ମୂଲ୍ୟ ୧୨,୯୯୯ ଟଙ୍କା ରଖାଯାଇଛି ।
ଏହି ସ୍ମାର୍ଟଫୋନ୍ କମ୍ପାନୀର ଅଫିସିଆଲ୍ ୱେବସାଇଟ୍ ତଥା ଇ-କମର୍ସ ସାଇଟ୍ ଫ୍ଲିପକାର୍ଟରୁ କିଣାଯାଇପାରିବ । ଏହି ଫୋନର ଫାଷ୍ଟ ସେଲ୍ ୨୮ ଅଗଷ୍ଟ ୨୦୧୪ ଦିନ ଦ୍ୱିପ୍ରହରରେ ଆରମ୍ଭ ହେବାକୁ ଯାଉଛି । ଏହି ଫୋନ୍ କିଣିବା ପାଇଁ ଲୋକଙ୍କୁ ଆକ୍ସିସ୍ ବ୍ୟାଙ୍କ କ୍ରେଡିଟ୍ କାର୍ଡ ଏବଂ IDFC First Bank Credit Cardରେ ତୁରନ୍ତ କ୍ୟାସବ୍ୟାକ୍ ମଧ୍ୟ ଦିଆଯାଉଛି । ତେବେ ଯଦି ଆପଣ କମ୍ ଦାମରେ ଏକ ବଢିଆ ସ୍ମାର୍ଟଫୋନ କିଣିବାକୁ ଚାହୁଁଛନ୍ତି ଏହି ବଜେଟ୍ ଫ୍ରେଣ୍ଡଲି ସ୍ମାର୍ଟଫୋନ୍ ଆପଣଙ୍କ ପାଇଁ ବେଷ୍ଟ ଅପ୍ସନ ହେବାକୁ ଯାଉଛି ।