Gmailରେ ଆସିଲା ବଢ଼ିଆ ଫିଚର୍, ଏବେ ମେଲର ରିପ୍ଲାଏ ଦେବା ପାଇଁ ଆଉ କରିବାକୁ ପଡ଼ିବନି ଟାଇପ୍
Tech giant Google ସମଗ୍ର ବିଶ୍ୱରେ ସ୍ମାର୍ଟଫୋନ୍ ଏବଂ କମ୍ପ୍ୟୁଟର ୟୁଜର୍ସଙ୍କୁ ବିଭିନ୍ନ ପ୍ରକାରର ସର୍ଭିସ ଯୋଗାଇଥାଏ । ଏଥିମଧ୍ୟରୁ ଗୁଗୁଲର Gmail ସର୍ଭିସ ସର୍ବାଧିକ ବ୍ୟବହୃତ ହୁଏ । ବିଦ୍ୟାଳୟର ପିଲାମାନଙ୍କ ଠାରୁ ଆରମ୍ଭ କରି ଅଫିସ୍ କର୍ମଚାରୀଙ୍କ ପର୍ଯ୍ୟନ୍ତ ଏହା ବହୁଳ ଭାବରେ ବ୍ୟବହୃତ ହୁଏ । ନିଜ ୟୁଜର୍ସମାନଙ୍କ ସୁବିଧା ପାଇଁ, କମ୍ପାନୀ ସମୟ ସମୟରେ Gmail ରେ ନୂଆ ଫିଚର୍ ଯୋଡିଥାଏ । ସେହିଭଳି Gmail ୟୁଜର୍ସଙ୍କ ସୁବିଧା ପାଇଁ ଗୁଗୁଲ୍ ପ୍ଲାଟଫର୍ମରେ ଏକ ନୂଆ ଫିଚର୍ ଯୋଡା ଯାଇଛି ।
ଗୁଗୁଲ Gmailରେ Contextual Smart Replies ନାମକ ଏକ ନୂଆ ଫିଚର୍ ଯୋଡିଛି । Gmail ର ଏହି ଫିଚର୍ ଆପଣଙ୍କୁ ଏକ ନୂତନ ଅଭିଜ୍ଞତା ଦେବାକୁ ଯାଉଛି । ଏହି ଫିଚର୍ ସାହାଯ୍ୟରେ, ଆପଣ ଯେକୌଣସି ଇମେଲକୁ ସ୍ମାର୍ଟ ଉପାୟରେ ରିପ୍ଲାଏ ଦେବାକୁ ସମର୍ଥ ହେବେ । Google IO ୨୦୨୪ ଇଭେଣ୍ଟ ସମୟରେ ଗୁଗୁଲ ଏହି ଫିଚର୍ ବିଷୟରେ ଘୋଷଣା କରିଥିଲା । Gmailର Contextual Smart Repliesର ସବୁଠାରୁ ବଡ ସୁବିଧା ହେଉଛି ଯେ ବର୍ତ୍ତମାନ ୟୁଜର୍ସମାନଙ୍କୁ ଇମେଲର ରିପ୍ଲାଏ ଦେବାକୁ ଟାଇପ୍ କରିବାକୁ ପଡିବ ନାହିଁ ।
ଗୁଗୁଲ ଏହାର ବ୍ଲଗ୍ ପୋଷ୍ଟରେ କହିଛି ଯେ ସ୍ମାର୍ଟ ରିପ୍ଲାଏ ଫିଚର୍ ୨୦୧୭ ମସିହାରେ ଗୁଗୁଲ୍ ଦ୍ୱାରା ରୋଲଆଉଟ୍ କରାଯାଇଥିଲା । ବର୍ତ୍ତମାନ ଏହାର ଅପଗ୍ରେଡ୍ ଭର୍ସନ୍ Contextual Smart Replies ପ୍ରକାଶ ପାଇଛି । ଗୁଗୁଲ କହିଛି ଯେ ଏହି ଫିଚର୍ ଯେକୌଣସି ଇମେଲକୁ ଜବାବ ଦେବା ପାଇଁ Google Geminiର ସାହାଯ୍ୟ ନେଇଥାଏ । Google Gemini ଇମେଲ ରିଡ୍ କରି ସ୍ମାର୍ଟ ତାରିକରେ ରିପ୍ଲାଏ ଦେଇଥାଏ ।
ଏହି ସୂଚନା ଦେବାବେଳେ ଗୁଗୁଲ୍ କହିଛି ଯେ Gmailର ନିମ୍ନରେ ୟୁଜର୍ସମାନଙ୍କୁ ରିପ୍ଲାଏ ସଜେସନ୍ ଦେଖାଯିବ । ଯେତେବେଳେ ୟୁଜର୍ସମାନଙ୍କ ଦ୍ୱାରା ଏଥି ମଧ୍ୟରୁ କୌଣସିଟି ମନୋନୀତ ହେବ, ଏହି ଫିଚର୍ ମେଲର ସମ୍ପୂର୍ଣ୍ଣ ଉତ୍ତର ପ୍ରସ୍ତୁତ କରିବ । ଏହି ଫିଚରର ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ଏଥିରେ ରିପ୍ଲାଏ ସଜେସନ୍ ଏଡିଟ୍ ମଧ୍ୟ ହୋଇପାରିବ । କହିରଖୁଛୁ, ଯେ ଗୁଗୁଲ୍ Gmailର ଏହି ନୂଆ ଫିଚର୍ କେବଳ ଇଂରାଜୀ ଭାଷାକୁ ସମର୍ଥନ କରେ ।
