ଆଜିକାଲି ଅନଲାଇନ୍ ସପିଂ ଖୁବ ସାଧାରଣ ହୋଇଗଲାଣି । ଯଦି ଆମେ କୌଣସି ଆଇଟମ୍ କିଣିବାକୁ ଚାହୁଁ ତେବେ ଆମକୁ ଆଉ କୌଣସି ସ୍ଥାନକୁ ଯିବା ଆବଶ୍ୟକ ନାହିଁ । କେବଳ ଫୋନ୍ ଉଠାଇ ଅନଲାଇନ୍ ଅର୍ଡର କରିବାକୁ ପଡିବ ଏବଂ ଯଦି ଆପଣ ସେହି ପ୍ରଡ଼କ୍ଟକୁ ପସନ୍ଦ କରୁନାହାନ୍ତି ତେବେ ଅର୍ଡର କ୍ୟାନସଲ୍ କରିଦିଅନ୍ତୁ । ଯଦି ଆପଣ ଅନଲାଇନରେ ଜିନିଷ ଅର୍ଡର କରନ୍ତି ତେବେ ଏହା ଆପଣଙ୍କ ପାଇଁ ସହଜ ହେବ ନାହିଁ । କିନ୍ତୁ ଏବେ ଅର୍ଡର କ୍ୟାନସଲ୍ କରିବା ମହଙ୍ଗା ହେବ ।
ଇ-କମର୍ସ ୱେବସାଇଟ୍ ଫ୍ଲିପକାର୍ଟ ଏଥିପାଇଁ ଆପଣଙ୍କର କ୍ୟାନସଲେସନ୍ ଫି’ ଚାର୍ଜ କରିବାକୁ ପ୍ରସ୍ତୁତ ହେଉଛି । ଏକ ରିପୋର୍ଟ ଅନୁଯାୟୀ ଦେଶର ବୃହତ୍ତମ ଇ-କମର୍ସ କମ୍ପାନୀ ଖୁବ୍ ଶୀଘ୍ର କିଛି ଅର୍ଡର ପାଇଁ କ୍ୟାନସଲେସନ୍ ଫି’ ଲାଗୁ କରିବାକୁ ଯାଉଛି । ଫ୍ଲିପକାର୍ଟ ଏଥିପାଇଁ ଏହାର ପଲିସି ପରିବର୍ତ୍ତନ କରିବାକୁ ଯାଉଛି । ଯଦି ଏକ ସ୍ପେସିଫିକ୍ ଟାଇମ୍ ପିରିୟଡ୍ ମଧ୍ୟରେ ଏକ ଅର୍ଡର କ୍ୟାନସଲ୍ ହୁଏ ତେବେ ଏହି କ୍ୟାନସଲେସନ୍ ଚାର୍ଜ ଆଦାୟ କରାଯିବ ।
ବର୍ତ୍ତମାନ, ଗ୍ରାହକମାନେ ଯେକୌଣସି ଜିନିଷ କିଣିବା ପରେ ସେମାନଙ୍କର ଅର୍ଡର କ୍ୟାନସଲ୍ କରିପାରିବେ । ଏଥିପାଇଁ ସେମାନଙ୍କୁ କୌଣସି ଏକ୍ସଟ୍ରା ଫି’ ଦେବାକୁ ପଡିବ ନାହିଁ । ତଥାପି, କିଛି ଦିନ ପରେ ୟୁଜର୍ସଙ୍କୁ କ୍ୟାନସଲେନ୍ ଫି’ ଦେବାକୁ ପଡିବ । ଏହି ଚାର୍ଜ ପ୍ରଡ଼କ୍ଟର ଅର୍ଡର ଭ୍ୟାଲୁ ଉପରେ ନିର୍ଭର କରିବ । ଫ୍ଲିପକାର୍ଟର ଇଣ୍ଟରନାଲ୍ କମ୍ୟୁନିକେସନର ଏକ ସ୍କ୍ରିନସଟ୍ ସାମ୍ନାକୁ ଆସିଛି, ଯେଉଁଥିରେ ପଲିସିର ପରିବର୍ତ୍ତନ ବିଷୟରେ ଉଲ୍ଲେଖ କରାଯାଇଛି ।
କୁହାଯାଉଛି ଯେ ଏହାର ପ୍ଲାଟଫର୍ମରେ ସାମଗ୍ରୀ ବିକ୍ରି କରୁଥିବା ବିକ୍ରେତା ଏବଂ ଲଜିଷ୍ଟିକ୍ ପାର୍ଟନରଙ୍କ ସମୟ ଏବଂ ମୂଲ୍ୟକୁ କ୍ଷତିପୂରଣ ଦେବା ପାଇଁ କମ୍ପାନୀ ଏହି କ୍ୟାନସଲେନ୍ ଚାର୍ଜ ଲାଗୁ କରିବାକୁ ନିଷ୍ପତ୍ତି ନେଇଛି । ଏହି ପଲିସି ଅନୁଯାୟୀ ଯେକୌଣସି ପ୍ରଡ଼କ୍ଟର ଫ୍ରି କ୍ୟାନସଲେସନ୍ ୱିଣ୍ଡୋ ଶେଷ ହେବା ପରେ ଏହି କ୍ୟାନସଲେସନ୍ ଚାର୍ଜ ଆଦାୟ କରାଯିବ । ତେବେ ଏହି କ୍ୟାନସଲେସନ୍ ଚାର୍ଜ ସମ୍ବନ୍ଧରେ ଫ୍ଲିପକାର୍ଟ ଆନୁଷ୍ଠାନିକ ଭାବେ କୌଣସି ସୂଚନା ଦେଇନାହିଁ ।
ଯଦିଓ ଆସିଥିବା ରିପୋର୍ଟଗୁଡିକ ବିଶ୍ୱାସ କରାଯାଏ, କ୍ୟାନସଲେସନ୍ ଚାର୍ଜ ପାଇଁ ଏକ ଟାଇମ୍ ଲିମିଟ୍ ସେଟ୍ କରାଯିବ । ବିକ୍ରେତାମାନଙ୍କୁ ଠକେଇ ଏବଂ କ୍ଷତିରୁ ରକ୍ଷା ପାଇବା ପାଇଁ କମ୍ପାନୀ ଏହି ନୂଆ ପଲିସି ଆଣିବାକୁ ପ୍ଲାନିଂ କରିଛି । ଫ୍ଲିପକାର୍ଟ ବ୍ୟତୀତ Myntra ଉପରେ ଅନଲାଇନରେ ପ୍ରଡ଼କ୍ଟ ଅର୍ଡର କରିବା ଉପରେ ମଧ୍ୟ ଏହି ଚାର୍ଜ ଲାଗୁ କରାଯାଇପାରେ ।