ଏବେ ସେଲିବ୍ରିଟିଙ୍କ ଭଏସରେ କରିପାରିବେ ଚାଟ୍, ହ୍ୱାଟ୍ସଆପ୍ ଆଣିବାକୁ ଯାଉଛି ନୂଆ ଫିଚର୍
ହ୍ଵାଟ୍ସଆପର ପ୍ୟାରେଣ୍ଟ୍ କମ୍ପାନୀ ମେଟା ଖୁବ ଶୀଘ୍ର ନିଜର ଇନଷ୍ଟାଣ୍ଟ ମେସେଜିଂ ଆପ୍ ହ୍ଵାଟ୍ସଆପରେ ଟୁ-ୱେ ଭଏସ୍ ଚାଟ୍ AI ଫିଚର୍ସ ଯୋଡିବାକୁ ଯାଉଛି । ହ୍ଵାଟ୍ସଆପରେ ଏହି ଫିଚର ଆସିବା ପରେ, ୟୁଜର୍ସମାନେ ଭଏସ୍ ଚାଟ୍ ରେ ଏକ ଭିନ୍ନ ଏକ୍ସପେରିଏନ୍ସ ପାଇପାରିବେ । ନିକଟରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ହ୍ଵାଟ୍ସଆପର ଏହି ନୂଆ ଫିଚର୍ ୟୁଜରମାନଙ୍କୁ ସେଲିବ୍ରିଟି ଭଏସ୍ ବ୍ୟବହାର କରିବାର ସୁଯୋଗ ଦେବ । ତେବେ ଏହି ଫିଚର୍ ପାଇଁ ଏବେ ୟୁଜର୍ସମାନେ ହ୍ଵାଟ୍ସଆପରେ ଏକ ନୂଆ ଏକ୍ସପେରିଏନ୍ସ ପାଇବେ ।
Meta AI ଭଏସ୍ ମୋଡ୍:
ହ୍ଵାଟ୍ସଆପ୍ ଫିଚର୍ ଟ୍ରାକର WABetaInfo ର ନିକଟରେ ପ୍ରକାଶିତ ରିପୋର୍ଟ ଅନୁଯାୟୀ, ମେଟା ଭଏସ୍ ଚାଟ୍ ଫିଚରରେ AI ଭଏସ୍ ର ଅପ୍ସନ ଉପଲବ୍ଧ ହେବ । ଏଥିସହ, ଏହି ରିପୋର୍ଟରେ କୁହାଯାଇଛି ଯେ ହ୍ଵାଟ୍ସଆପରେ ଏହି ଫିଚର୍ ବର୍ତ୍ତମାନ ଆଣ୍ଡ୍ରଏଡ୍ ବିଟା ଟେଷ୍ଟରରେ ଉପଲବ୍ଧ । ଯାହା ଶୀଘ୍ର OTA ମାଧ୍ୟମରେ ୟୁଜରମାନଙ୍କୁ ପ୍ରଦାନ କରାଯିବ ।
WABetaInfo ର ରିପୋର୍ଟ ଅନୁଯାୟୀ, ୟୁଜର୍ସମାନେ ହ୍ଵାଟ୍ସଆପର AI ଭଏସ୍ ଫିଚରରେ ବହୁ ପ୍ରସିଦ୍ଧ ବ୍ୟକ୍ତିତ୍ୱ ଅର୍ଥାତ ସେଲିବ୍ରିଟିଙ୍କ ଭଏସ୍ ବ୍ୟବହାର କରିବାକୁ ପାଇବେ । WABetaInfo ରୁ ଆସିଥିବା ଏହି ସ୍କ୍ରିନସଟଗୁଡିକ ପ୍ରକାଶ କରେ ଯେ ମେଟା AI ଭଏସ୍ ଫିଚର୍ ବିଭିନ୍ନ ପିଚ୍, ଟୋନାଲିଟି ଏବଂ ମଡ୍ୟୁଲେସନ ସହିତ ବିଭିନ୍ନ ପ୍ରକାରର ଭଏସ୍ ପ୍ରଦାନ କରିବ, ଯାହା ଏକ କଷ୍ଟୋମାଇଜଡ୍ ଇଣ୍ଟରାକ୍ସନର ଅନୁଭୂତି ପ୍ରଦାନ କରିବ ।
WABetaInfo ଅନୁଯାୟୀ, ହ୍ଵାଟ୍ସଆପର AI ଭଏସ୍ ଫିଚରରେ ୟୁଜର୍ସ ସିଲେକ୍ଟିଭ ସେଲିବ୍ରିଟିଙ୍କ ଭଏସ୍ ବ୍ୟବହାର କରିବାକୁ ପାଇବେ । ଏହି ଫିଚରରେ, ବ୍ରିଟେନ ଏବଂ ଆମେରିକାର ଆନସେଣ୍ଟରେ ମଧ୍ୟ ଭଏସ୍ ବ୍ୟବହାର କରିବାର ସୁଯୋଗ ମିଳିବ । ଗତ ବର୍ଷ ମେଟା ମେସେଞ୍ଜରରେ ଏକ କଷ୍ଟମ୍ AI ଚାଟ୍ ବଟ୍ ଉପସ୍ଥାପନ କରିଥିଲା । ଯାହା ସେଲିବ୍ରିଟିଙ୍କ ପ୍ରୋଫାଇଲ୍ ଦେଖାଇଥାଏ ।
ଏହା ବ୍ୟତୀତ, ଇନଷ୍ଟାଣ୍ଟ ମେସେଜିଂ ପ୍ଲାଟଫର୍ମରେ ମେଟା AI ଭଏସ୍ ମୋଡ୍ ପାଇଁ ଇଣ୍ଟରଫେସ୍ ସିଧା ହେବ ବୋଲି ଆଶା କରାଯାଏ । ସକ୍ରିୟ ହେଲେ, ୟୁଜର୍ସମାନେ ତଳ ସିଟ୍ ଉପରେ “ମେଟା AI” ଦେଖିପାରିବେ ଏବଂ ଏହା ଏକ ବ୍ଲୁ ରିଙ୍ଗ୍ ଆଇକନ୍ ସହିତ ପ୍ରଦର୍ଶିତ ହେବ । ଏହି ଫିଚର୍ ହ୍ଵାଟ୍ସଆପରେ ଆଡ୍ ହେବା ପରେ ମେଟା AI ଚାଟବଟ୍ ଅଧିକ ପାୱାରଫୁଲ୍ ହେବ ।
