କମ୍ପାନୀ Realme Narzo 70 Turbo 5G ର ଲଞ୍ଚ ଡେଟ୍ ଘୋଷଣା କରିଛି । Realmeର ଏହି ଗେମିଙ୍ଗ ସ୍ମାର୍ଟଫୋନ୍ ଆସନ୍ତା ସପ୍ତାହରେ ଭାରତରେ ଲଞ୍ଚ ହେବ। କମ୍ପାନୀ ଗତ କିଛି ସପ୍ତାହ ଧରି ଏହି ଗେମିଙ୍ଗ ସ୍ମାର୍ଟଫୋନ୍ ବିଷୟରେ ଟିଜ୍ କରିଥିଲା। ଏହି ଗେମିଙ୍ଗ ସ୍ମାର୍ଟଫୋନ୍ ହେଉଛି କିଛି ମାସ ପୂର୍ବରୁ ଭାରତରେ ଲଞ୍ଚ ହୋଇଥିବା Realme Narzo 70 Turbo ସିରିଜର ଟର୍ବୋ ଏଡିସନ୍ । କମ୍ପାନୀ ଏହି ସିରିଜରେ Narzo 70 ପ୍ରୋ ଏବଂ Narzo 70 5G ଲଞ୍ଚ କରିସାରିଛି ।
କମ୍ପାନୀ ଏହାର ଅଫିସିଆଲ୍ ଏକ୍ସ ହ୍ୟାଣ୍ଡେଲ ଏବଂ ଇ-କମର୍ସ ୱେବସାଇଟ୍ ଆମାଜନରେ Realme Narzo 70 Turbo 5Gର ଲଞ୍ଚ ଡେଟ୍ କନଫର୍ମ କରିଛି । ଏହି ଫୋନ୍ ଆସନ୍ତା ସପ୍ତାହ ସେପ୍ଟେମ୍ବର ୯ରେ ଲଞ୍ଚ ହେବ। Realmeର ଏହି ଫୋନ୍ ମିଡିଆ ଟେକ୍ ଡାଇମେନସିଟି ୭୩୦୦ ଏନର୍ଜି ପ୍ରୋସେସର୍ ସହିତ ଆସିବ ।
ଏହି ଫୋନର ପ୍ରୋସେସର୍ ସହିତ ଏଥିରେ କିଛି ଖାସ୍ ଫିଚର ରହିଛି । ଏହି ସ୍ମାର୍ଟଫୋନର ଓଜନ ମାତ୍ର ୧୮୫ ଗ୍ରାମ ହେବ । ଏହାର ମୋଟେଇ ୭.୬ ମିମି ହେବ । ଏହି ସ୍ମାର୍ଟଫୋନର ପଛ ଭାଗରେ ଡୁଆଲ୍ ଟୋନ୍ ଡିଜାଇନ୍ ଦେଖିବାକୁ ମିଳିବ । ଯେଉଁଥିରେ ହଳଦିଆ ରଙ୍ଗର ମୋଟା ଷ୍ଟ୍ରାପ୍ ସହିତ ଉଭୟ ପାର୍ଶ୍ୱରେ ବ୍ଲାକ୍ କଲରର ପତଳା ଷ୍ଟ୍ରାପ୍ ଦେଖିବାକୁ ମିଳିବ । ଫୋନ୍ ପଛରେ ଟ୍ରିପଲ୍ କ୍ୟାମେରା ସେଟଅପ୍ ମିଳିବ । ଫୋନର କ୍ୟାମେରାର ଡିଜାଇନ୍ ଭିନ୍ନ ରହିଛି ।
Realme Narzo 70 Turbo 5G ରେ ୬.୩ ଇଞ୍ଚର OLED ଡିସପ୍ଲେ ରହିବ, ଯାହା ୧୨୦Hzର ହାଇ ରିଫ୍ରେସ୍ ରେଟ୍ ଫିଚରକୁ ସପୋର୍ଟ କରିବ । ଫୋନରେ ଏକ ୫୦ MPର ମେନ୍ କ୍ୟାମେରା ସେନ୍ସର ଦିଆଯାଇଛି । ଫୋନର ପଛ ଭାଗରେ ୮MP ଏବଂ ୨ MP କ୍ୟାମେରା ମିଳିବ । ସେଲଫି ଏବଂ ଭିଡିଓ କଲିଂ ପାଇଁ ଏହି ଫୋନରେ ୧୬ MP କ୍ୟାମେରା ମିଳିବ ।
