ସ୍ମାର୍ଟଫୋନ୍ ବଜାରରେ ପ୍ରତିଦିନ ନୂଆ ସ୍ମାର୍ଟଫୋନ୍ ଲଞ୍ଚ କରାଯାଏ । ଆଜିକାଲି, ସ୍ମାର୍ଟଫୋନର ଏତେ ଅଧିକ ଅପ୍ସନ ହୋଇଗଲାଣି ଯେ ଯଦି ଆପଣ ଏକ ନୂଆ ଫୋନ୍ କିଣିବାକୁ ଚାହୁଁଛନ୍ତି, ତେବେ ଏକ ଭଲ ଅପ୍ସନ ଖୋଜିବା ବହୁତ କଷ୍ଟକର । ଯଦି ଆପଣ ଏକ ଶସ୍ତା 5G ସ୍ମାର୍ଟଫୋନ୍ କିଣିବାକୁ ପ୍ଲାନ କରୁଛନ୍ତି ତେବେ ଆପଣଙ୍କ ପାଇଁ ଏକ ଖୁସି ଖବର ଅଛି । ନିକଟରେ ଇଣ୍ଡିଆ ମୋବାଇଲ୍ କଂଗ୍ରେସ ଇଭେଣ୍ଟରେ ସାଓମି ଏହାର ରେଡମି 4A 5G ସ୍ମାର୍ଟଫୋନ୍ ଉପସ୍ଥାପନ କରିଥିଲା । ବର୍ତ୍ତମାନ ଏହାର ମୂଲ୍ୟ ବଜାରକୁ ଆସିବା ପୂର୍ବରୁ ଲିକ୍ ହୋଇଛି ।
ରେଡମି 4A ହେଉଛି ସାଓମିର ଲାଟେଷ୍ଟ 5G ସ୍ମାର୍ଟଫୋନ୍ ଯାହା କମ୍ପାନୀ ବଜେଟ୍ ସେଗମେଣ୍ଟରେ ଲଞ୍ଚ କରିପାରିବ । ପୂର୍ବରୁ ବିଶ୍ୱାସ କରାଯାଉଥିଲା ଯେ କମ୍ପାନୀ ଏହି ସ୍ମାର୍ଟଫୋନକୁ ୧୦,୦୦୦ ଟଙ୍କା ଦାମରେ ଦେଇପାରେ, କିନ୍ତୁ ବର୍ତ୍ତମାନ ଏହାର ମୂଲ୍ୟ ମଧ୍ୟ ପ୍ରକାଶ ପାଇଛି । ଲାଟେଷ୍ଟ ଲିକ୍ ହୋଇଥିବା ରିପୋର୍ଟ ଅନୁଯାୟୀ, ଗତ ବର୍ଷ ବଜାରରେ ଲଞ୍ଚ ହୋଇଥିବା ରେଡମି A3 4G ତୁଳନାରେ ଏହି ସ୍ମାର୍ଟଫୋନ୍ ଟିକେ ମହଙ୍ଗା ହୋଇପାରେ ।
Redmi 4A 5G ର ସମ୍ଭାବ୍ୟ ମୂଲ୍ୟ:
ଯଦି ଆପଣ କମ୍ ମୂଲ୍ୟରେ 5G ସ୍ମାର୍ଟଫୋନ୍ ଖୋଜୁଛନ୍ତି ଯେଉଁଥିରେ ଆପଣ ଏକ ଭଲ କ୍ୟାମେରା ସେଟଅପ୍ ଏବଂ ମଜବୁତ ବିଲଡ୍ କ୍ୱାଲିଟି ସହିତ ଭଲ ଫିଚର୍ସ ଫୋନ୍ ପାଇପାରିବେ । ତେବେ ରେଡମିର ଏହି ନୂଆ ଫୋନ୍ ଆପଣଙ୍କ ପାଇଁ ଉପଯୁକ୍ତ ହୋଇପାରେ । ଲୋକପ୍ରିୟ ୱେବସାଇଟ୍ ସ୍ମାର୍ଟପ୍ରିକ୍ସର ଲାଟେଷ୍ଟ ରିପୋର୍ଟ ଅନୁଯାୟୀ, ସାଓମି ୮,୪୯୯ ଟଙ୍କା ମୂଲ୍ୟରେ ଏହି ସ୍ମାର୍ଟଫୋନ୍ ଲଞ୍ଚ କରିପାରିବ ।
ଏହି ମୂଲ୍ୟ ଏହାର ୪GB RAM ଏବଂ ୧୨୮GB ଭରିଆଣ୍ଟ ପାଇଁ ହୋଇପାରେ । ସାଓମି ଗତ ବର୍ଷ ୩GB RAM ଏବଂ ୬୪GB ଷ୍ଟୋରେଜ୍ ସହିତ ରେଡମି A3 4G ଲଞ୍ଚ କରିଥିଲା । ଏହାର ମୂଲ୍ୟ ୭,୨୯୯ ଟଙ୍କା ଥିଲା । ଯେଉଁଠାରେ ଏହାର ଉପର ଭାରିଆଣ୍ଟ ଯାହା ୪GB RAM ସହିତ ଆସେ, ଏହାର ମୂଲ୍ୟ ୮,୨୯୯ ଟଙ୍କା ଥିଲା । ଏଭଳି ପରିସ୍ଥିତିରେ ରେଡମି 4A ର ଦାମ ସାମାନ୍ୟ ଅଧିକ ହୋଇପାରେ ।
Redmi 4A 5G ଫିଚର୍ସ:
ଯଦି ଆମେ ରେଡମି 4A ର କିଛି ଫିଚର୍ସ ବିଷୟରେ କଥା ହେବା, ତେବେ ଏହି ଫୋନ୍ ୬. ୭ ଇଞ୍ଚ ଫୁଲ୍ HD ପ୍ଲସ୍ ଡିସପ୍ଲେ ସହିତ ଆସିଥାଏ । ସ୍ମୁଥ୍ ପରଫରମାନ୍ସ ପାଇଁ, ଡିସପ୍ଲେରେ ୯୦Hz ର ରିଫ୍ରେସ ରେଟ ଅଛି । ଏହା ବ୍ୟତୀତ ଫୋନରେ Snapdragon 4s Gen 2 ପ୍ରୋସେସର୍ ପ୍ରଦାନ କରାଯାଇଛି । ଏଥିରେ ଆପଣଙ୍କୁ ୪GB RAM ସହିତ ୧୨୮GB ଷ୍ଟୋରେଜ୍ ଦିଆଯାଇଛି । ଫଟୋଗ୍ରାଫି ପାଇଁ ସ୍ମାର୍ଟଫୋନରେ ଡୁଆଲ୍ ରିୟର କ୍ୟାମେରା ସେଟ୍ଅପ୍ ପ୍ରଦାନ କରାଯାଇଛି । ଏଥିରେ ପ୍ରାଇମେରୀ କ୍ୟାମେରା ୫୦ ମେଗାପିକ୍ସେଲ ହେବ । ସେଲଫି ଏବଂ ଭିଡିଓ କଲିଂ ପାଇଁ ଏଥିରେ ୮ ମେଗାପିକ୍ସେଲର ଫ୍ରଣ୍ଟ କ୍ୟାମେରା ରହିବ ।