ଖୁବଶୀଘ୍ର ଲଞ୍ଚ ହେବାକୁ ଯାଉଛି Redmi Note 14 Pro 5G, ଜାଣନ୍ତୁ ଡିଟେଲ୍ସ
ସ୍ମାର୍ଟଫୋନ୍ ଉତ୍ପାଦନକାରୀ କମ୍ପାନୀ ସାଓମି ଖୁବ୍ ଶୀଘ୍ର ଦେଶରେ ଏହାର ଏକ ନୂଆ ସ୍ମାର୍ଟଫୋନ୍ ଲଞ୍ଚ କରିବାକୁ ପ୍ରସ୍ତୁତ ହେଉଛି । କମ୍ପାନୀର ନୂଆ ଫ୍ଲାଗସିପ୍ ସିରିଜ୍ Redmi Note 14 5G ଖୁବ୍ ଶୀଘ୍ର ଦେଶରେ ଲଞ୍ଚ ହୋଇପାରିବ । ଏହି କ୍ରମରେ, କମ୍ପାନୀ Redmi Note 14, Redmi Note 14 Pro ଏବଂ Redmi Note 14 Pro+ ଭଳି ସ୍ମାର୍ଟଫୋନ୍ ଲଞ୍ଚ କରିପାରିବ ବୋଲି ସୂଚନା ରହିଛି । ଲଞ୍ଚ ପୂର୍ବରୁ ଏହି ଫୋନ୍ ଅନେକ ସାର୍ଟିଫିକେସନ୍ ସାଇଟରେ ମଧ୍ୟ ଦେଖିବାକୁ ମିଳିଛି ।
ସୂଚନା ଅନୁଯାୟୀ, ନିକଟରେ Redmi Note 14 5G ସ୍ମାର୍ଟଫୋନ୍ 3C ସାର୍ଟିଫିକେସନ ସାଇଟରେ ଦେଖିବାକୁ ମିଳିଛି । ଏଠାରେ ଏହି ଫୋନ୍ ମଡେଲ୍ ନମ୍ବର 24090RA29C ସହିତ ଦେଖାଯାଇଛି । ଏହାପୂର୍ବରୁ, ଏହି ସ୍ମାର୍ଟଫୋନ୍ IMEI ଡାଟାବେସରେ ମଧ୍ୟ ଦେଖିବାକୁ ମିଳିଥିଲା । ଯେତେବେଳେ କି Redmi Note 14 Pro BIS ସାଇଟରେ ମଧ୍ୟ ଦେଖିବାକୁ ମିଳିଛି । ଏଠାରେ ଫୋନର ପ୍ରୋ ମଡେଲକୁ 24094RAD4I ନମ୍ବର ସହିତ ଦେଖିବାକୁ ମିଳିଛି ।
ସେବେଠାରୁ କମ୍ପାନୀ ଏହି ସ୍ମାର୍ଟଫୋନକୁ ଖୁବ ଶୀଘ୍ର ଭାରତୀୟ ବଜାରରେ ଲଞ୍ଚ କରିପାରିବ ବୋଲି ବିଶ୍ୱାସ କରାଯାଉଛି । ଯଦିଓ ଏହା ପୂର୍ବରୁ କେବଳ ବିଶ୍ୱ ବଜାରରେ ଲଞ୍ଚ ହେବ ବୋଲି ବିଶ୍ୱାସ କରାଯାଉଥିଲା । କିନ୍ତୁ ସାର୍ଟିଫିକେଟ୍ ସାଇଟରେ ଦେଖାଯାଇଥିବା ସଂଖ୍ୟା ଶେଷରେ ‘I’ ଲେଖାଯାଇଛି, ଯାହା ସୂଚିତ କରେ ଯେ ଏହି ଫୋନ୍ ଭାରତରେ ମଧ୍ୟ ଲଞ୍ଚ ହୋଇପାରିବ । Redmi Note 14 Proରେ ଅନେକ ଦମଦାର ଫିଚର୍ସ ଦେଖିବାକୁ ମିଳିବ । ଯଦି ରିପୋର୍ଟଗୁଡିକ ବିଶ୍ୱାସ କରାଯାଏ, କମ୍ପାନୀ ଏହି ଫୋନରେ ୬. ୭-ଇଞ୍ଚ୍ AMOLED ଡ଼ିସପ୍ଲେ ପ୍ରଦାନ କରିପାରିବ ଯାହା ୧୨୦ Hzର ରିଫ୍ରେସ ରେଟକୁ ସପୋର୍ଟ କରିବ ।
ବିଶ୍ୱାସ କରାଯାଏ ଯେ ଏହି ସ୍ମାର୍ଟଫୋନ Qualcomm Snapdragon 7S Gen 3 ପ୍ରୋସେସର ସହିତ ସଜ୍ଜିତ ହେବ । କ୍ୟାମେରା ସେଟଅପ୍ ବିଷୟରେ କହିବାକୁ ଗଲେ, Redmi Note 14 ପ୍ରୋ ଏବଂ Redmi Note 14 Pro+ ଭାରିଆଣ୍ଟରେ ୫୦ ମେଗାପିକ୍ସେଲ ପ୍ରାଇମେରୀ କ୍ୟାମେରା ଦିଆଯିବ । ଏହା ବ୍ୟତୀତ, ୫୦୦୦mAh ର ଏକ ବଡ ବ୍ୟାଟେରୀ ଏଥିରେ ଦେଖାଯାଇପାରେ ଯାହା ୪୫ ୱାଟ ଫାଷ୍ଟ ଚାର୍ଜିଂକୁ ମଧ୍ୟ ସପୋର୍ଟ କରିବ । ତେବେ କମ୍ପାନୀ ଏହାର ମୂଲ୍ୟ ସମ୍ପର୍କରେ କୌଣସି ସରକାରୀ ଘୋଷଣା କରିନାହିଁ ।
