ଫେଷ୍ଟିଭ ସିଜିନ୍ ଅର୍ଥାତ ଦିୱାଲୀ ପୂର୍ବରୁ ରିଲାଏନ୍ସ ଜିଓ କ୍ରମାଗତ ଭାବରେ ନିଜ ୟୁଜର୍ସଙ୍କ ପାଇଁ ନୂଆ ନୂଆ ଅଫର ଏବଂ ଡ଼ିସକାଉଣ୍ଟ ଆଣିଥାଏ । ରିଲାଏନ୍ସ ଜିଓ ଦ୍ୱାରା ରିଚାର୍ଜ ପ୍ଲାନରେ ଅନେକ ପ୍ରକାରର ଉପହାର ସୁବିଧା ଘୋଷଣା କରାଯାଇଥିଲା, ବର୍ତ୍ତମାନ କମ୍ପାନୀ ନିଜ ୟୁଜର୍ସଙ୍କ ପାଇଁ ଅନ୍ୟ ଏକ ଅଫର ନେଇ ଆସିଛି । ରିଲାଏନ୍ସ ଜିଓ ଏକ ନୂଆ ଦିୱାଲୀ ଅଫର ଲଞ୍ଚ କରିଛି । ଜିଓର ନୂତନ ଅଫର ବିଷୟରେ ସବୁଠାରୁ ବିଶେଷ କଥା ହେଉଛି କମ୍ପାନୀ ଗ୍ରାହକଙ୍କୁ ମାତ୍ର ୬୯୯ ଟଙ୍କାରେ ମୋବାଇଲ୍ ଫୋନ୍ କିଣିବାର ସୁଯୋଗ ଦେଉଛି ।
ଜିଓର ଲାଟେଷ୍ଟ ଦିୱାଲୀ ଅଫରରେ କେବଳ ମୋବାଇଲ୍ ଫୋନ୍ ଶସ୍ତା ମୂଲ୍ୟରେ ଦିଆଯାଉ ନାହିଁ ବରଂ ମୋବାଇଲ୍ ସହିତ ଗ୍ରାହକଙ୍କୁ ମାସିକ ରିଚାର୍ଜ ପ୍ଲାନ ମଧ୍ୟ ଦିଆଯାଉଛି । ଜିଓର ଉଭୟ ଅଫର୍ ସୀମିତ ସମୟ ପାଇଁ । ତେବେ ଆସନ୍ତୁ ଏହା ବିଷୟରେ ବିସ୍ତୃତ ଭାବରେ ଜାଣିବା । ଦୀପାବଳି ପାଇଁ ଆଉ ମାତ୍ର କିଛି ଦିନ ବାକି ଅଛି । ଦିୱାଲୀ ପୂର୍ବରୁ ଜିଓ ଏକ ବଡ ଧମାକା କରିବାକୁ ଯାଉଛି । ଜିଓ ଭାରତ 4G ଫୋନକୁ ମାତ୍ର ୬୯୯ ଟଙ୍କାରେ କିଣିବା ପାଇଁ କମ୍ପାନୀ ଏହାର କୋଟି ଗ୍ରାହକଙ୍କୁ ବମ୍ପର ଅଫର ଦେଉଛି ।
ଆପଣଙ୍କୁ କହି ରଖୁଛୁ ଯେ ଯଦି ଆପଣ ଅଫର ପରେ ଏହି ଫୋନ୍ କିଣନ୍ତି, ତେବେ ଆପଣଙ୍କୁ ଏଥିପାଇଁ ୯୯୯ ଟଙ୍କା ଖର୍ଚ୍ଚ କରିବାକୁ ପଡିବ । ଜିଓ ଶସ୍ତା ମୂଲ୍ୟରେ 4G ଫୋନ୍ ପ୍ରଦାନ କରି ଭାରତକୁ 2G ମୁକ୍ତ କରିବା ଦିଗରେ ପଦକ୍ଷେପ ନେଉଛି । ଯଦି ଆପଣ ଜିଓ ଭାରତ 4G ଫୋନ୍ କିଣୁଛନ୍ତି, ତେବେ ଆପଣଙ୍କୁ ମାସିକ ୧୨୩ ଟଙ୍କା ରିଚାର୍ଜ ପ୍ଲାନ ମିଳିବ । ଏଥିରେ, ଆପଣଙ୍କୁ ଯେକୌଣସି ନେଟୱାର୍କରେ ଅନଲିମିଟେଡ୍ ଫ୍ରି କଲିଂର ସୁବିଧା ଦିଆଯାଇଛି । ଏହା ବ୍ୟତୀତ, ପ୍ରତ୍ୟେକ ମାସରେ ଆପଣଙ୍କୁ ଏହି ପ୍ଲାନରେ ୧୪ ଜିବି ଡାଟା ଦିଆଯାଉଛି ।
ଜିଓର ଏହି ରିଚାର୍ଜ ୪୫୫ ରୁ ଅଧିକ ଲାଇଭ ଟିଭି ଚ୍ୟାନେଲ ସହିତ ଆସିଥାଏ । ଜିଓ ଭାରତ 4G ଫିଚର୍ ଫୋନ୍ ଅନେକ ବଢିଆ ଫିଚର୍ସ ସହିତ ଆସିଥାଏ । ଏହି ଫୋନରେ QR କୋଡ୍ ସ୍କାନ କରିବାର ଫିଚର୍ ମଧ୍ୟ ଅଛି । ଏହା ସାହାଯ୍ୟରେ ଆପଣ ଅନଲାଇନ୍ ପେମେଣ୍ଟ୍ ମଧ୍ୟ କରିପାରିବେ । ଏହା ବ୍ୟତୀତ ଆପଣଙ୍କୁ ଗ୍ରୁପ୍ ଚାଟ୍, ଭିଡିଓ ସେୟାରିଂ, ଫଟୋ ଏବଂ ମେସେଜିଂର ସୁବିଧା ମଧ୍ୟ ଦିଆଯାଇଛି । ଏଥିରେ ଆପଣ ୨. ୮ ଇଞ୍ଚ ଡିସପ୍ଲେ ପାଇବ । ଏଥିରେ ଆପଣଙ୍କୁ ୩.୫ ମିମି ଅଡିଓ ଜ୍ୟାକ୍ ଦିଆଯାଇଛି । ଏହା ବ୍ୟତୀତ ଫୋନରେ ଟର୍ଚ୍ଚ, ଏଫଏମ ରେଡିଓ, କ୍ୟାମେରା ଭଳି ଫିଚର୍ସ ମଧ୍ୟ ଉପଲବ୍ଧ ।