କାନ୍ଦୁଥିବା ପିଲାଙ୍କୁ ଏବେ ଚୁପ୍ କରାଇବ ରୋବୋଟିକ୍ ସ୍ମାଟ୍ ଦୋଳି, ଜାଣନ୍ତୁ କ’ଣ ରହିଛି ଏହାର ଖାସିୟତ

ପ୍ରତ୍ଯେକ ମାତା-ପିତାଙ୍କୁ ରାତି ସମୟରେ ନିଜ ପିଲାଙ୍କୁ ସମ୍ଭାଳିବା କଷ୍ଟକର ହୋଇଥାଏ। ଶିଶୁମାନେ ପ୍ରାୟତଃ ରାତିରେ କାନ୍ଦିଥାନ୍ତି | ଏହି କାରଣରୁ ଅନେକ ଥର ପରିବାରକୁ ରାତିସାରା ଜାଗ୍ରତ ରହିବାକୁ ପଡିଥାଏ | କିଛି ପିଲା ଅଛନ୍ତି, ଯେଉଁମାନେ ରାତିରେ ନଶୋଇ ଖାଲି କାନ୍ଦିଥାନ୍ତି | ଏଭଳି ପିଲାମାନଙ୍କ ସମସ୍ଯାର ସାମ୍ନା କରୁଥିବା ମାତା-ପିତାଙ୍କ ପାଇଁ ଏକ ଖୁସି ଖବର ଆସିଛି | ସନ୍ ଫ୍ରାଂସିସ୍କୋର ଟେକ୍ କମ୍ପାନୀ CradleWise ଏଭଳି ଏକ ରୋବୋଟିକ୍ ସ୍ମାର୍ଟ ପ୍ଲାନ ସୃଷ୍ଟି କରିଛନ୍ତି, ଯାହା ଶୋଇଥିବା ଶିଶୁମାନଙ୍କ ବିଷୟରେ ପିତା-ମାତାଙ୍କ ଚିନ୍ତାକୁ ସମ୍ପୂର୍ଣ୍ଣ ରୂପେ ଦୂର କରିପାରିବ|

ସ୍ୱର ଶୁଣିବା ମାତ୍ରେ ହିଁ ହୋଇଯିବ  ସକ୍ରିୟ

ଏହି ସ୍ମାର୍ଟ ରୋବୋଟିକ୍ ଦୋଳି ସାହାଯ୍ଯରେ ପିଲା ଆପେ ଆପେ ଚୁପ୍ ହୋଇଯିବ। ବାସ୍ତବରେ ଏହି ଦୋଳିରେ ମାଇକ୍ରୋଫୋନ୍ ଭଳି ମୋସନ୍ ସେନ୍ସର୍ସ ମଧ୍ୟ ଅଛି, ଯାହାଦ୍ବାରା  ଶିଶୁଟିର କାନ୍ଦି ଶୁଣିବା ମାତ୍ରେ ହିଁ ଦୋଳିଟି ଗତି କରିବା ଆରମ୍ଭ କରିବ | ଏହାର ଅନ୍ୟ ଏକ ବିଶେଷ କଥା ହେଉଛି ସ୍ମାର୍ଟଫୋନ୍ ଆପ୍ ମାଧ୍ୟମରେ ପିତାମାତା ଦୋଳିକୁ ସହଜରେ ନିୟନ୍ତ୍ରଣ କରିପାରିବେ | କମ୍ପାନୀର ଦାବି ଅନୁଯାୟୀ, ଏହି ଦୋଳି ମାତା-ପିତାଙ୍କ ତୁଳନାରେ ଶିଶୁକୁ ଉତ୍ତମ ଉପାୟରେ ଶାନ୍ତ କରାଇପାରିବ। ଏହାର ଏକ ଖାସିୟତ୍ ହେଉଛି ଏହା ଏକ ଲାଇଭ୍ ଭିଡିଓ ମଧ୍ୟ ପ୍ରଦାନ କରିବ | ଏହାଦ୍ବାରା ପରିବାର ସଦସ୍ଯ ନିଜ ଶିଶୁର ପ୍ରତ୍ଯେକ ଗତିବିଧି ଉପରେ ନଜର ରଖିପାରିବେ। ଏଥିସହ ପରଦିନ ସକାଳେ ତା’ର ଭିଡିଓ ମଧ୍ଯ ଦେଖିପାରିବେ |

ଅନେକ ଉପାୟରେ ମନୋରଞ୍ଜନ ହେବ

ଏହି ଦୋଳି ପିଲାଙ୍କୁ ସମୁଦ୍ର ଠାରୁ ଆରମ୍ଭ କରି ଲହଡି ପର୍ଯ୍ଯନ୍ତ ଅନେକ ପ୍ରକାର ସୁନ୍ଦର ଶବ୍ଦ ଶୁଣାଇବ। ଏହା ବ୍ୟତୀତ, ପିତା-ମାତାମାନେ ମଧ୍ୟ ନିଜ ପିଲାଙ୍କ ପସନ୍ଦ ଅନୁଯାୟୀ ଗୀତ ଗୁଡ଼ିକର ଏକ ପୃଥକ ପ୍ଲେଲିଷ୍ଟ ଯୋଡିପାରିବେ ଏବଂ ଶୋଇବା କିମ୍ବା ଜାଗ୍ରତ ହେବା ସମୟରେ ପିଲା ଏହାକୁ ଉପଭୋଗ କରିପାରିବେ | ଏହି ସ୍ମାର୍ଟ ଦୋଳି ଶବ୍ଦ କରେ ନାହିଁ, ତେଣୁ ଶିଶୁର ପରିବାର ଆରାମରେ ଶୋଇ ପାରନ୍ତି | କ୍ରେଡଲୱେବସାଇଟ୍  ଅନୁଯାୟୀ, ଏହି ସ୍ମାର୍ଟ ଦୋଳି ସେପ୍ଟେମ୍ବରରୁ ଲୋକଙ୍କ ପାଇଁ ଉପଲବ୍ଧ ହେବ, ଯାହାର ମୂଲ୍ୟ ପାଖାପାଖି ୧,୧୨,୭୨୬ ହେବ।