ଖୁବ୍ ଶୀଘ୍ର Samsung Galaxy A56 5G ଲଞ୍ଚ ହୋଇପାରିବ । ସାମସଙ୍ଗର ଏହି ମିଡ୍ ରେଞ୍ଜ ବଜେଟ୍ ସ୍ମାର୍ଟଫୋନ୍ ଗତ ବର୍ଷ ମାର୍ଚ୍ଚରେ ଲଞ୍ଚ ହୋଇଥିବା ସାମସଙ୍ଗ ଗାଲାକ୍ସି A55 5G ର ଅପଗ୍ରେଡ୍ ମଡେଲ୍ ହେବ । ସାମସଙ୍ଗରୁ ଏହି ମିଡ୍ ରେଞ୍ଜ ବଜେଟ୍ ଫୋନର ମୂଲ୍ୟ ଲଞ୍ଚ ହେବା ପୂର୍ବରୁ ଲିକ୍ ହୋଇଛି । ଏହି ଫୋନରେ ସାମସଙ୍ଗର ଇନ୍-ହାଉସ୍ Exynos 1580 ଚିପସେଟ୍ ମିଳିପାରିବ । ଏହା ବ୍ୟତୀତ ଫୋନରେ ଟ୍ରିପଲ୍ କ୍ୟାମେରା ସେଟଅପ୍ ଦିଆଯାଇପାରେ ।
ଗତ ବର୍ଷ ଲଞ୍ଚ ହୋଇଥିବା ମଡେଲ ତୁଳନାରେ ଏହି ସାମସଙ୍ଗ ଫୋନର ଲୁକ୍ ଏବଂ ଡିଜାଇନରେ ପରିବର୍ତ୍ତନ ଦେଖିବାକୁ ମିଳିବ । ସାମସଙ୍ଗର ଏହି ମିଡ୍-ବଜେଟ୍ ସ୍ମାର୍ଟଫୋନର ମୂଲ୍ୟ ସୋସିଆଲ ମିଡିଆ ହ୍ୟାଣ୍ଡେଲରେ ଏକ ପୋଷ୍ଟ ମାଧ୍ୟମରେ ଟିପଷ୍ଟର TheGalox_ ଦ୍ୱାରା ସେୟାର କରାଯାଇଛି । ଏହି ସ୍ମାର୍ଟଫୋନକୁ ୮GB / ୧୨GB RAM ଅପ୍ସନ୍ ସହିତ ଦିଆଯାଇପାରିବ । ଏହି ସମୟରେ, ଫୋନ୍ ୧୨୮GB / ୨୫୬GB ଇଣ୍ଟରନାଲ୍ ଷ୍ଟୋରେଜ୍ କୁ ସପୋର୍ଟ କରିବ । ଏହି ସ୍ମାର୍ଟଫୋନର ବେସ୍ ଭାରିଆଣ୍ଟର ମୂଲ୍ୟ ୪୩୯ ୟୁରୋ ଅର୍ଥାତ୍ ପ୍ରାୟ ୩୯,୯୯୯ ଟଙ୍କା ହୋଇପାରେ ।
Samsung Galaxy A56 5G ସମ୍ଭାବ୍ୟ ଫିଚର୍ସ:
-ଏହି ସାମସଙ୍ଗ ଫୋନରେ ୬.୭ ଇଞ୍ଚ FHD + ଡାଇନାମିକ୍ AMOLED ଡିସପ୍ଲେ ମିଳିପାରିବ ।
-ଫୋନର ଡିସପ୍ଲେ ୧୨୦Hz ହାଇ ରିଫ୍ରେସ ରେଟକୁ ସପୋର୍ଟ କରିବ ଏବଂ ଏଥିରେ ଆଲୁମିନିୟମ ଫ୍ରେମ୍ ସହିତ ଏକ ଗ୍ଲାସ୍ ବ୍ୟାକ୍ ପ୍ୟାନେଲ୍ ରହିବ ।
-ଏହି ସାମସଙ୍ଗ ସ୍ମାର୍ଟଫୋନରେ ଇନ-ଡିସପ୍ଲେ ଫିଙ୍ଗର ପ୍ରିଣ୍ଟ ସେନ୍ସର ମିଳିପାରିବ ।
-Exynos 1580 ପ୍ରୋସେସର୍ ଗାଲାକ୍ସି A56 5G ରେ ଉପଲବ୍ଧ ହେବ । ଏହା ସହିତ ୧୨GB RAM ଏବଂ ୨୫୬GB ପର୍ଯ୍ୟନ୍ତ ଇଣ୍ଟରନାଲ୍ ଷ୍ଟୋରେଜ୍ ଉପଲବ୍ଧ ହେବ ।
-ଆଣ୍ଡ୍ରଏଡ୍ 15 ଉପରେ ଆଧାର କରି ଏହି ଫୋନ୍ OneUI 7.0 ସହିତ ଆସିବ ।
-ଗାଲାକ୍ସି A56 5G ପଛରେ ଟ୍ରିପଲ୍ କ୍ୟାମେରା ସେଟଅପ୍ ମିଳିପାରିବ ।
-ଏଥିରେ ୫୦MP ମେନ୍ OIS କ୍ୟାମେରା ରହିବ । ଏହା ସହିତ ୫MP ଏବଂ ୨MP ର ଆଉ ଦୁଇଟି ବ୍ୟାକ୍ କ୍ୟାମେରା ମିଳିପାରିବ ।
-ସେଲଫି ଏବଂ ଭିଡିଓ କଲିଂ ପାଇଁ ଏଥିରେ ୩୨MP କ୍ୟାମେରା ରହିବ ।
-ଏହି ଫୋନ୍ ୫୦୦୦mAh ବ୍ୟାଟେରୀ ଏବଂ ୪୫W USB Type C ଚାର୍ଜିଂ ସହିତ ଆସିପାରେ ।