ଅନେକ ସମୟରେ ମୋବାଇଲର ଛୋଟ ସ୍କ୍ରିନରେ ଭିଡିଓ ଷ୍ଟ୍ରିମିଂ କରିବା ଏକ ବହୁତ କଷ୍ଟକର କାମ ମନେହୁଏ । ଏଭଳି ପରିସ୍ଥିତିରେ ଯଦି ଆପଣ ଭିଡିଓ ଷ୍ଟ୍ରିମିଂ ପାଇଁ ଏକ ନୂଆ ଟାବଲେଟ୍ କିଣିବାକୁ ପ୍ଲାନ କରୁଛନ୍ତି, ତେବେ ଆମେ ଆପଣଙ୍କୁ ଏକ ଦମଦାର ଟ୍ୟାବ୍ ବିଷୟରେ ସୂଚନା ଦେବାକୁ ଯାଉଛୁ । ସାମସଙ୍ଗ ଖୁବ୍ଶୀଘ୍ର ଭାରତୀୟ ବଜାରରେ ଏକ ନୂଆ ସିରିଜର ଟାବଲେଟ୍ ଲଞ୍ଚ କରିପାରେ ଯାହା ହେବ Samsung Galaxy Tab S10 FE ସିରିଜ୍ ।
Samsung Galaxy Tab S10 FE ରେ ଦୁଇଟି ଟାବଲେଟ୍ ଲଞ୍ଚ କରିବ ଯେଉଁଥିରେ Galaxy Tab S10 FE ଏବଂ Galaxy Tab S10 FE+ ସାମିଲ ରହିଛି । ଭାରତରେ ଲଞ୍ଚ ହେବା ପୂର୍ବରୁ ହିଁ Galaxy Tab S10 FE ସିରିଜ୍ ବେଶ ଚର୍ଚାରେ ଅଛି । ଆଗାମୀ ଟାବଲେଟ୍ ସିରିଜର ଅନେକ ଲିକ୍ ପୂର୍ବରୁ ସାମ୍ନାକୁ ଆସିଛି ଯେଉଁଥିରେ ଏଥିରେ ଉପଲବ୍ଧ ଫିଚର୍ସଗୁଡ଼ିକ ମଧ୍ୟ ପ୍ରକାଶ ପାଇଛି । ଏବେ ଏଥିରେ ଉପଲବ୍ଧ ଟାବଲେଟର ମୂଲ୍ୟ ପ୍ରକାଶ ପାଇଛି ।
Galaxy Tab S10 FE ର ମୂଲ୍ୟ:
Samsung Galaxy Tab S10 FE ସିରିଜର ଦୁଇଟି ଟାବଲେଟ୍ FCC, BIS ଏବଂ 3C ଭଳି ସାର୍ଟିଫିକେସନ୍ ପାସ୍ କରିଛି । ସିରିଜର ଦୁଇଟି ଟାବଲେଟର ମୂଲ୍ୟ ସୋସିଆଲ ମିଡିଆ ପ୍ଲାଟଫର୍ମ X ୟୁଜର୍ସ ଆର୍ସେନ୍ ଲୁପିନ୍ ଲିକ୍ କରିଛନ୍ତି । ଲିକ୍ ଅନୁସାରେ, କମ୍ପାନୀ Galaxy Tab S10 FE ର ବେସ୍ ଭାରିଆଣ୍ଟକୁ ପ୍ରାୟ ୫୩, ୬୦୦ ଟଙ୍କାରେ ଲଞ୍ଚ କରିପାରେ ।
ଯେତେବେଳେ କି ଏହାର ଅପର୍ ଭାରିଆଣ୍ଟକୁ ଭାରତୀୟ ବଜାରରେ ୬୨,୮୦୦ ଟଙ୍କାରେ ଲଞ୍ଚ କରାଯାଇପାରିବ । Galaxy Tab S10 FE 5G ର ବେସ୍ ଭାରିଆଣ୍ଟର ମୂଲ୍ୟ ୬୨,୮୦୦ ଟଙ୍କା ହୋଇପାରେ ଏବଂ ଏହାର ଅପର୍ ଭାରିଆଣ୍ଟ ଯାହା ୨୫୬GB, ତାହାର ମୂଲ୍ୟ ୭୨,୦୦୦ ଟଙ୍କା ହୋଇପାରେ ।
Galaxy Tab S10 FE+ ର ମୂଲ୍ୟ:
କମ୍ପାନୀ ଦୁଇଟି ଭାରିଆଣ୍ଟରେ Galaxy Tab S10 FE+ ମଧ୍ୟ ଲଞ୍ଚ କରିବ, ଯେଉଁଥିରୁ ଗୋଟିଏ 4G ଭାରିଆଣ୍ଟ ହେବ ଏବଂ ଅନ୍ୟଟି 5G ଭାରିଆଣ୍ଟ ହେବ । 4G Galaxy Tab S10 FE+ ର ବେସ୍ ଭାରିଆଣ୍ଟ ଯାହା ୮GB RAM ଏବଂ ୧୨୮GB ଷ୍ଟୋରେଜ୍ ସହିତ ଆସୁଛି, ତାହାର ମୂଲ୍ୟ ପ୍ରାୟ ୬୯,୩୦୦ ଟଙ୍କା ହୋଇପାରେ । ସେହିପରି, ଏହାର ୧୨GB RAM ଏବଂ ୨୫୬GB ମଡେଲକୁ ପ୍ରାୟ ୭୮,୫୦୦ ଟଙ୍କାରେ ଲଞ୍ଚ କରାଯାଇପାରିବ ।
Galaxy Tab S10 FE+ ର 5G ଭାରିଆଣ୍ଟ ବିଷୟରେ କହିବାକୁ ଗଲେ, ଏହାର ୮GB RAM ଏବଂ ୧୨୮GB ଷ୍ଟୋରେଜ୍ ସହିତ ଭାରିଆଣ୍ଟ ପ୍ରାୟ ୭୮,୫୦୦ ଟଙ୍କାରେ ଲଞ୍ଚ ହୋଇପାରେ । କମ୍ପାନୀ ଏହାର ୧୨ଜିବି ରାମ୍ ଏବଂ ୨୫୬ଜିବି ଷ୍ଟୋରେଜ୍ ସହିତ ମଡେଲକୁ ପ୍ରାୟ ୮୭,୮୦୦ ଟଙ୍କାରେ ଲଞ୍ଚ କରିପାରେ ।
Samsung Galaxy Tab S10 FE ସିରିଜ ଫିଚର୍ସ:
-Samsung Galaxy Tab S10 FE ରେ ୧୦. ୯-ଇଞ୍ଚର IPS LCD ଡିସପ୍ଲେ ପ୍ରଦାନ କରିପାରିବ । ଏହାର ଡିସପ୍ଲେରେ ୯୦Hz ରିଫ୍ରେସ୍ ରେଟ୍ ମିଳିପାରିବ ।
-Galaxy Tab S10 FE+ରେ, କମ୍ପାନୀ ୧୩.୧-ଇଞ୍ଚ WQXGA + ଡିସପ୍ଲେ ପ୍ରଦାନ କରିପାରିବ, ଯାହାର ରିଫ୍ରେସ୍ ରେଟ୍ ୯୦Hz ହେବ ।
-ଉଭୟ ସାମସଙ୍ଗ ଟାବଲେଟ୍ ଏକ୍ସିନୋସ୍ ୧୫୮୦ ଚିପସେଟ୍ ସହିତ ବଜାରରେ ପ୍ରବେଶ କରିପାରିବେ ।
-ସିରିଜର ଦୁଇଟି ଟାବଲେଟରେ ୧୩ ମେଗାପିକ୍ସେଲର ପ୍ରାଇମେରୀ କ୍ୟାମେରା ରହିପାରିବ । ସେଲଫି ଏବଂ ଭିଡିଓ କଲିଂ ପାଇଁ ୧୨ ମେଗାପିକ୍ସେଲର ଫ୍ରଣ୍ଟ କ୍ୟାମେରା ମିଳିବ ।
-ଦୁଇଟି ଟାବଲେଟ୍ ଡୁଆଲ୍ ସ୍ପିକର୍, ଡଲବି ଆଡମାସ୍ ସପୋର୍ଟ, IP68 ରେଟିଂ, S ପେନ୍ ସପୋର୍ଟ ଏବଂ ସର୍କଲ୍ ଟୁ ସର୍ଚ୍ଚ ଭଳି ଅନେକ AI ଫିଚର୍ସ ସହିତ ଆସିପାରିବ ।
-ସିରିଜର ଦୁଇଟି ଟାବଲେଟରେ ୧୨GB ପର୍ଯ୍ୟନ୍ତ RAM ଏବଂ ୨୫୬GB ପର୍ଯ୍ୟନ୍ତ ଷ୍ଟୋରେଜ୍ ରହିବ । ଟାବଲେଟଗୁଡ଼ିକ ମାଇକ୍ରୋଏସଡି କାର୍ଡ ସପୋର୍ଟ ସହିତ ଆସିବ, ଯାହା ଦ୍ଵାରା ଷ୍ଟୋରେଜକୁ ୨TB ପର୍ଯ୍ୟନ୍ତ ବୃଦ୍ଧି କରାଯାଇପାରିବ ।
Also read: ବିକ୍ରି ହୋଇଗଲା ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’, ଜାଣନ୍ତୁ କିଏ ଓ କେତେ ଟଙ୍କାରେ କିଣିଲା ?