ଚୀନର ପ୍ରମୁଖ କମ୍ପାନୀ Huawei କିଛିଦିନ ତଳେ Huawei mate 30 ସିରିଜ ଲଞ୍ଚ କରିଥିଲା । ସେହି ସମୟରେ Huawei mate 30 ସିରିଜର ଡିଭାଇସ ଗୁଡିକ ସାମସଙ୍ଗ ଗ୍ୟାଲେକ୍ସି ନୋଟ 10 ଲାଇନ-ଅପକୁ କଡା ଟକ୍କର ଦେଇଥିଲା କିନ୍ତୁ Huawei mate 30 ସିରିଜର ଡିଭାଇସରେ ୟୁଜର୍ସ ମାନଙ୍କୁ ଆମେରିକା ଏବଂ ଚୀନ ମଧ୍ୟରେ ଚାଲିଥିବା ଟ୍ରେଡ଼ୱାର କାରଣରୁ ଗୁଗଲର ଆପ ଗୁଡିକର ସପୋର୍ଟ ମିଳି ପାରୁନାହିଁ । ଏହି ସମୟରେ Huawei mate 30 ସିରିଜର ଫୋନ ଗୁଡିକ ଏହି ପ୍ଲାଟଫର୍ମରେ କାମ କରୁଛନ୍ତି ।
ଦକ୍ଷିଣ କୋରିଆର ଟେକ କମ୍ପାନୀ ସାମସଙ୍ଗ Huaweiର ମଜାକ ଉଡାଇବା ସହ ଲାଟିନ ଆମେରିକାରେ ଅନେକ ପ୍ରମୋସନାଲ ମେଲ ଜାରି କରିଛି । ରିପୋର୍ଟ ଅନୁସାରେ ସାମସଙ୍ଗ ୟୁଜର୍ସ ମାନଙ୍କୁ ଗୁଗଲ ତରଫରୁ ଦିଆଯାଉଥିବା ସେବା ଗୁଡିକର ଲାଭ ଉଠାଇବା ପାଇଁ କହିଛି । ଏହି ମେଲରେ ସାମସଙ୍ଗ Huaweiର ମଜାକ ଉଡାଇବା ସହ କହିଛି କି Huawei mate 30 ସିରିଜର ୟୁଜର୍ସ ଗୁଗଲ ଫଟୋ, ଗୁଗଲ ମ୍ୟାପ, ୟୁଟ୍ୟୁବ , ଗୁଗଲ ପ୍ଲେ ଷ୍ଟୋର ଏବଂ କ୍ରୋମର ଵ୍ୟଵହାର କରିପାରିବେ ନାହିଁ । ଏବଂ ଅନ୍ୟପଟେ କୋରିଆନ କମ୍ପାନୀ ନୋଟ 10ର ଉପଭୋକ୍ତା ମାନଙ୍କୁ 4 ମାସ ପାଇଁ ୟୁଟ୍ୟୁବ ଆକ୍ସେସ ଦେଉଅଛି ।
ଏହାସହ ପଢନ୍ତୁ ଆଉ ଚନ୍ଦା ହେବେନାହିଁ ପୁରୁଷ, ଚନ୍ଦାପଣ ଦୂର କରିବା ପାଇଁ ବୈଜ୍ଞାନିକମାନେ ବାହାର କଲେ ନୂଆ ଡିଭାଇସ
ସୂଚନା ଅନୁଯାୟୀ ଏହା ପୂର୍ବରୁ Huawei, ସାମସଙ୍ଗ ଗ୍ୟାଲେକ୍ସି ନୋଟ 10ର ସିରିଜକୁ ନେଇ ବହୁତ ବଡ଼ କଥା କହିଥିଲା । କମ୍ପାନୀର ମୁଖ୍ୟ ଅଧିକାରୀ ରିଚାର୍ଡ ୟୁଙ୍କ କହିବା ଅନୁଯାୟୀ ଗ୍ୟାଲେକ୍ସି ନୋଟ 10ର ଲୁକ ପ୍ରାୟତଃ ପୁରୁଣା ପି30 ସିରିଜ ସହ ମିଶି ଯାଇଥାଏ । ଏହାପରଠାରୁ ଦୁଇ କମ୍ପାନୀଙ୍କ ମଧ୍ୟରେ ସଂଘର୍ଷ ଲାଗି ରହିଛି । Huawei ଓ ସାମସଙ୍ଗ ଦୁଇଟିଯାକ କମ୍ପାନୀ ଗ୍ଲୋବାଲ ଲେବୁଲରେ ଜଣେ ଅନ୍ୟଜଣକୁ କଡା ଟକ୍କର ଦେଉଛନ୍ତି । ଯଦିଓ ଏପର୍ଯ୍ୟନ୍ତ ଚାଇନାର ଟେକ କମ୍ପାନୀ Huawei mate 30 ସିରିଜକୁ ସ୍ମାର୍ଟଫୋନର ୟୁରୋପୀୟନ ବଜାରରେ ଉପଲବ୍ଧ କରାଇ ନାହିଁ ।