ଲଞ୍ଚ ହେବ ଟେକ୍ନୋର ଶସ୍ତା ସ୍ମାଟଫୋନ୍, ମିଳିବ ବଢ଼ିଆ ଫିଚର୍ସ
ପ୍ରତି ମାସରେ ନୂଆ ନୂଆ ସ୍ମାର୍ଟଫୋନ୍ ଲଞ୍ଚ ହେଉଛି । ଦମଦାର ଫିଚର ଥିବା ନୂଆ ସ୍ମାର୍ଟଫୋନ୍ ଖୋଜିବା ଆପଣଙ୍କ ପାଇଁ ଟିକେ କଷ୍ଟ ହୋଇପାରେ । ଯଦି ଆପଣ ଏକ ନୂଆ ଫୋନ୍ କିଣିବାକୁ ପ୍ଲାନ୍ କରୁଛନ୍ତି ତେବେ ଆପଣଙ୍କ ପାଇଁ ଆସିଛି ଏକ ଖୁସି ଖବର । ବର୍ତ୍ତମାନ ଏକ ଦମଦାର ସ୍ମାର୍ଟଫୋନ୍ ଭାରତୀୟ ବଜାରରେ ଏଣ୍ଟ୍ରି କରିବାକୁ ଯାଉଛି । ଆଗାମୀ ସ୍ମାର୍ଟଫୋନ୍ ଟେକ୍ନୋ ଦ୍ୱାରା ଲଞ୍ଚ ହେବ। ଯଦି ଆପଣ ଶସ୍ତା ସ୍ମାର୍ଟଫୋନ୍ ଖୋଜୁଛନ୍ତି, ତେବେ ଟେକ୍ନୋ ଆଗାମୀ କିଛି ଦିନରେ ହିଁ ବହୁତ ଶସ୍ତା 5G ଫୋନ୍ ଲଞ୍ଚ କରିବାକୁ ଯାଉଛି । ଟେକ୍ନୋର ନୂଆ ଫୋନ୍ ହେବ Tecno Pova 6 Neo । ସବୁଠାରୁ ଖାସ୍ କଥା ହେଉଛି ଏଥିରେ ଗ୍ରାହକମାନେ କମ୍ ମୂଲ୍ୟରେ ୧୦୮ ମଗୋପିକ୍ସଲେର ପ୍ରାଇମେରୀ କ୍ୟାମେରା ପାଇବେ ।
ଟେକ୍ନୋ ୧୧ ସେପ୍ଟେମ୍ବରରେ Tecno Pova 6 Neo ଲଞ୍ଚ କରିବ । ଏହି ସ୍ମାର୍ଟଫୋନ୍ ବଜେଟ ସେଜିମେଣ୍ଟରେ ଲଞ୍ଚ ହେବ। ଏଥିରେ ଆପଣ କମ୍ ମୂଲ୍ୟରେ ଦମଦାର ଫିଚର ପାଇବେ । ଏହି ନୂଆ ଫୋନରେ AI ସୁଟ୍ ଉପଲବ୍ଧ ହେବାକୁ ଯାଉଛି । ଶସ୍ତା ମୂଲ୍ୟରେ ଲଞ୍ଚ ହେବା ବ୍ୟତୀତ ୟୁଜରମାନେ AIGC ପୋଟ୍ରେଟ , AI କଟଆଉଟ୍, AI ମ୍ୟାଜିକ୍ ଇରେଜର ଫିଚର ପାଇବେ ।
Tecno Pova 6 Neoରେ ୬.୭୮ ଇଞ୍ଚର ଫୁଲ୍ HD ପ୍ଲସ୍ ଡିସପ୍ଲେ ପାଇବେ । ଡିସପ୍ଲେ ପ୍ୟାନଲେରେ ଆପଣ ୧୨୦ Hz ର ରିଫ୍ରେସ ରେଟ୍ ପାଇବେ । ଏଥିରେ ମିଡିଆଟେକ ହେଲିଓ G99 ପ୍ରୋସେସର ରହିବ । ଏହି ସ୍ମାର୍ଟଫୋନ୍ ଦୁଇଟି ଭାରିଆଣ୍ଟ ସହିତ ଲଞ୍ଚ କରାଯିବ ଯେଉଁଥିରେ ୮ ଜିବି ରାମ୍ ୧୨୮ ଜିବି ଷ୍ଟୋରେଜ ଏବଂ ୮ ଜିବି ଷ୍ଟୋରେଜ ସହିତ ୨୫୬ ଜିବି ଷ୍ଟୋରେଜ ରହିବ ।
Tecno Pova 6 Neoରେ ଫଟୋଗ୍ରାଫି ପାଇଁ ଏକ ଦମଦାର କ୍ୟାମରୋ ସେଟ ଅପ୍ ଦିଆଯାଇଛି । ଏହି ସ୍ମାର୍ଟଫୋନରେ ଟ୍ରିପଲ୍ କ୍ୟାମେରା ସେଟ ଅପ୍ ମିଳିବ ଯେଉଁଥିରେ ଆପଣ ୧୦୮ + ୫୦ + ୮ ମେଗାପିକ୍ସେଲର କ୍ୟାମେରା ମିଳିବ । ସେଲ୍ଫି ଏବଂ ଭିଡିଓ କଲିଂ ପାଇଁ ଏଥିରେ ୩୨ ମେଗାପିକ୍ସେଲର ଫ୍ରଣ୍ଟ କ୍ୟାମେରା ରହିବ । କମ୍ପାନୀ ଏହାର ମୂଲ୍ୟ ପ୍ରକାଶ କରିନାହିଁ କିନ୍ତୁ ଆଶା କରାଯାଉଛି ଏହାକୁ ୧୫,୦୦୦ ଟଙ୍କା ବଜେଟରେ ଲଞ୍ଚ କରାଯିବ ।
