ଯଦି ଆପଣ ନିଜ ପାଇଁ ଏକ ନୂଆ ସ୍ମାର୍ଟଫୋନ୍ କିଣିବାକୁ ପ୍ଲାନ କରୁଛନ୍ତି, ତେବେ ଆପଣଙ୍କ ପାଇଁ ଏକ ଖୁସି ଖବର ଅଛି । ଲୋକପ୍ରିୟ ସ୍ମାର୍ଟଫୋନ୍ ନିର୍ମାତା କମ୍ପାନୀ ଓପୋ ଭାରତରେ ଏକ ନୂଆ ସ୍ମାର୍ଟଫୋନ୍ ଲଞ୍ଚ କରିବାକୁ ଯାଉଛି । ଓପୋ ଭାରତରେ OPPO K12x 5G ଲଞ୍ଚ କରିବାକୁ ପ୍ରସ୍ତୁତ ହେଉଛି ଏବଂ ବର୍ତ୍ତମାନ ଏହାର ଭାରତ ଲଞ୍ଚ ଡେଟ ମଧ୍ୟ କମ୍ପାନୀ ଦ୍ୱାରା ନିଶ୍ଚିତ କରାଯାଇଛି । ଏହି ସ୍ମାର୍ଟଫୋନରେ ଆପଣ କମ୍ ମୂଲ୍ୟରେ ବଢିଆ ଫିଚର୍ସ ପାଇବାକୁ ଯାଉଛନ୍ତି ।
ଆପଣଙ୍କୁ କହିରଖୁଛୁ ଯେ କମ୍ପାନୀ ଏହାର ଘରୋଇ ବଜାରରେ OPPO K12x 5G ଲଞ୍ଚ କରିସାରିଛି । ଏବେ ଏହାକୁ ଖୁବଶୀଘ୍ର ଭାରତୀୟ ବଜାରକୁ ଅଣାଯାଉଛି । ଏଥିରେ ଆପଣ AMOLED ପ୍ୟାନେଲ ସହିତ ୬.୬୭ ଇଞ୍ଚର ଏକ ଦମଦାର ଡ଼ିସପ୍ଲେ ପାଇବାକୁ ଯାଉଛନ୍ତି । ଏହା ସହିତ, ଆପଣ ଏହି ସ୍ମାର୍ଟଫୋନରେ Qualcomm Snapdragon 695 ପ୍ରୋସେସର୍ ସହିତ ଭଲ ପରଫରମାନ୍ସ ପାଇପାରିବେ ।
ଓପୋ ଏହାର ଅଫିସିଆଲ୍ ସାଇଟରେ OPPO K12x 5G କୁ ଟିଜ୍ କରିବା ଆରମ୍ଭ କରିଛି । ଏହି ସ୍ମାର୍ଟଫୋନ୍ କେବଳ ଇ-କମର୍ସ ୱେବସାଇଟରେ ଲଞ୍ଚ ହେବାକୁ ଯାଉଛି । ଏଥିପାଇଁ କମ୍ପାନୀ ଫ୍ଲିପକାର୍ଟରେ ଏକ ଡେଡିକେଟେଡ୍ ମାଇକ୍ରୋସାଇଟ୍ ଲାଇଭ୍ କରିଛି । ଏହି ସ୍ମାର୍ଟଫୋନ୍ ଜୁଲାଇ ୨୯ରେ ଭାରତୀୟ ମାର୍କେଟକୁ ଆସିବ । ମାଇକ୍ରୋସାଇଟ୍ ଲାଇଭ୍ ହେବା ସହିତ ଏହି ଫୋନର କଲର୍ ଅପ୍ସନ ଏବଂ ଫିଚର୍ସଗୁଡିକ ମଧ୍ୟ ପ୍ରକାଶ ପାଇଛି ।
OPPO K12x 5G Breeze Blue ଏବଂ Midnight Violet କଲର୍ ଅପ୍ସନ ସହିତ ମାର୍କେଟକୁ ଆସିବ । ଆପଣ ଏହାର ବ୍ୟାକ୍ ପ୍ୟାନେଲରେ ଡୁଆଲ୍ କ୍ୟାମେରା ସେଟଅପ୍ ପାଇବାକୁ ଯାଉଛନ୍ତି । ଏହି ଫୋନରେ ସେଲଫି ପାଇଁ ପଞ୍ଚ ହୋଲ୍ ଡିଜାଇନ୍ ସହିତ ଏକ ଫ୍ରଣ୍ଟ କ୍ୟାମେରା ମିଳିବ । ଏହାର ଡ଼ିସପ୍ଲେରେ ଆପଣ ୧୨୦Hzର ରିଫ୍ରେସ ରେଟ ପାଇବେ । ଯଦି ଆମେ RAM ଏବଂ ଷ୍ଟୋରେଜ୍ ବିଷୟରେ କଥାବାର୍ତ୍ତା କରୁ, ତେବେ ଆପଣ ୧୨GB ପର୍ଯ୍ୟନ୍ତ ଏକ ବଡ RAM ପାଇବେ ଯେତେବେଳେ କି ୫୧୨GB ପର୍ଯ୍ୟନ୍ତ ଷ୍ଟୋରେଜ୍ ଉପଲବ୍ଧ ହେବ ।