ଆଜିକାଲି ପ୍ରାୟତଃ ପ୍ରତ୍ୟେକ ସରକାରୀ ଏବଂ ବେସରକାରୀ କାମ ପାଇଁ ଆଧାର କାର୍ଡ ଆବଶ୍ୟକ । ତେଣୁ, କୌଣସି କାମ କରିବା ପୂର୍ବରୁ ଆପଣଙ୍କ ଆଧାର କାର୍ଡ ସାଙ୍ଗରେ ଆଣିବାକୁ ଭୁଲିଗଲେ ଆପଣଙ୍କ କାମ ବିପଦରେ ପଡ଼ିପାରେ । ଏହି ସମସ୍ୟାଗୁଡ଼ିକୁ ଏଡାଇବା ପାଇଁ ଭାରତୀୟ ସ୍ୱତନ୍ତ୍ର ପରିଚୟ ପ୍ରାଧିକରଣ (UIDAI) ଏକ PVC ଆଧାର କାର୍ଡ ବିକଳ୍ପ ପ୍ରଦାନ କରେ । ଯାହା ବିଷୟରେ ବହୁତ କମ୍ ଲୋକ ଜାଣନ୍ତି । ତେବେ ଆସନ୍ତୁ PVC ଆଧାର କାର୍ଡ ବିଷୟରେ ବିସ୍ତୃତ ଭାବରେ ଜାଣିବା ।
ପିଭିସି ଆଧାର କାର୍ଡ କ’ଣ?
ପିଭିସି ଆଧାର କାର୍ଡକୁ ଟ୍ରାଡିସନାଲ୍ ପେପର୍ କାର୍ଡ ଅପେକ୍ଷା ଅଧିକ ସ୍ଥାୟୀ ବୋଲି ବିବେଚନା କରାଯାଏ । ଏହା ବ୍ୟତୀତ ଏହା ଏକ ୱାଲେଟ୍-ଫ୍ରେଣ୍ଡଲି ଭର୍ସନ ଏବଂ ଏହାକୁ ନେବା ଆଣିବା କରିବା ମଧ୍ୟ ସହଜ । ଏହା ଆପଣଙ୍କ ଫିଜିକାଲ୍ ଆଧାର କାର୍ଡର ଜୀବନକାଳ ବୃଦ୍ଧି କରେ ଏବଂ ଏହାକୁ ସୁରକ୍ଷିତ ରଖେ । ଏହି ସମୟରେ, ସମସ୍ତ ଅପଡେଟ୍ ସଠିକ୍ ରହିବା ନିଶ୍ଚିତ କରିବା ପାଇଁ UIDAI ପ୍ରତି ୧୦ ବର୍ଷରେ ଆପଣଙ୍କର ଆଧାର କାର୍ଡ ସୂଚନା ରି-ଭାଲିଡେଟ୍ କରିବାକୁ ସୁପାରିଶ କରେ ।
UIDAI ଦ୍ୱାରା ଜାରି କରାଯାଇଥିବା ନୂଆ PVC ଆଧାର କାର୍ଡ ପୁରୁଣା କାର୍ଡ ସହିତ ଜଡିତ ଅନେକ ସମସ୍ୟାର ସମାଧାନ କରେ । ପୂର୍ବରୁ କାଗଜ କାର୍ଡଗୁଡ଼ିକ ସହଜରେ ଚିରିଯାଉଥିଲା, ନଷ୍ଟ ହେଇଯାଉଥିଲା ଅର୍ଥାତ ଏହାକୁ ପରିଚାଳନା କରିବା କଷ୍ଟକର ହୋଇଯାଉଥିଲା । କିନ୍ତୁ ଏହି କାର୍ଡକୁ ମଜବୁତ ରଖିବା ପାଇଁ ଏହା ଉଚ୍ଚମାନର ସିନ୍ଥେଟିକ୍ ପ୍ଲାଷ୍ଟିକରୁ ତିଆରି କରାଯାଇଛି । ଯାହା ଦେଖିବାକୁ ଅଧିକ ପ୍ରଫେସନାଲ ଲାଗିଥାଏ । ଏଥିରେ ସୁରକ୍ଷା ଉଦ୍ଦେଶ୍ୟରେ ଡିଜାଇନ୍ କରାଯାଇଥିବା ଉନ୍ନତ ଫିଚର୍ସ ମଧ୍ୟ ସାମିଲ ରହିଛି ।
କାହିଁକି PVC ଆଧାର କାର୍ଡ ନେବା ଉଚିତ?
PVC ଆଧାର କାର୍ଡ ବର୍ଷ ବର୍ଷ ଧରି ଖରାପ ନ ହୋଇ ରହିବା ପାଇଁ ଡିଜାଇନ୍ କରାଯାଇଛି । ଏହାର ଆକାର ଏକ ATM କିମ୍ବା ଡେବିଟ୍ କାର୍ଡ ପରି । ଯାହା ଏହାକୁ ଆପଣଙ୍କ ୱାଲେଟରେ ନେବା ସହଜ କରିଥାଏ । ଏହି କାର୍ଡରେ ହୋଲୋଗ୍ରାମ, ମାଇକ୍ରୋଟେକ୍ସଟ୍, ଘୋଷ୍ଟ ଇମେଜ ଏବଂ ଏକ ସୁରକ୍ଷିତ QR କୋଡ୍ ସମେତ ଅନେକ ଉନ୍ନତ ସୁରକ୍ଷା ଫିଚର୍ସ ଅନ୍ତର୍ଭୁକ୍ତ । ଏହା କାହାର ପରିଚୟ ଯାଞ୍ଚ କରିବା ବହୁତ ସହଜ କରିପାରିବ ।
ନୂଆ ପିଭିସି ଆଧାର କାର୍ଡ ପୁରୁଣା କାଗଜ କିମ୍ବା ଲାମିନେଟେଡ୍ କାର୍ଡଗୁଡ଼ିକୁ ବଦଳାଇବା ପାଇଁ ଡିଜାଇନ୍ କରାଯାଇଛି । ଯାହା ପ୍ରାୟତଃ ସମୟ ସହିତ ନଷ୍ଟ ହୋଇଯାଏ । ଏହି ଅପଗ୍ରେଡ୍ କାର୍ଡଟି ପାଣି, ବଙ୍କା କିମ୍ବା ସୂର୍ଯ୍ୟକିରଣ ପ୍ରତିରୋଧୀ ହେବା ପାଇଁ ଡିଜାଇନ୍ କରାଯାଇଛି । ଏହାର ଦୃଢ଼ ଗୁଣବତ୍ତା ନିଶ୍ଚିତ କରେ ଯେ ଆପଣଙ୍କର ପରିଚୟ ସୂଚନା ଦୀର୍ଘ ସମୟ ପାଇଁ ସୁରକ୍ଷିତ ରହିବ ।
ଏହିପରି କରନ୍ତୁ PVC ଆଧାର କାର୍ଡ:
-ସର୍ବପ୍ରଥମେ UIDAIର ସରକାରୀ ୱେବସାଇଟ୍ uidai.gov.in କୁ ଯାଆନ୍ତୁ ।
-‘My Aadhaar’ ସେକ୍ସନ୍ ରେ ଥିବା ‘Order Aadhaar PVC Card’ ଉପରେ କ୍ଲିକ୍ କରନ୍ତୁ ।
-ତା’ପରେ ଆପଣଙ୍କର ୧୨ ଅଙ୍କର Aadhaar Number (UID) କିମ୍ବା ୨୮ ଅଙ୍କର Enrolment ID (EID) ଦିଅନ୍ତୁ ।
-ଏହାପରେ ଦିଆଯାଇଥିବା Captcha Code ଭରନ୍ତୁ ଏବଂ ‘Send OTP’ ବଟନ୍ ଉପରେ କ୍ଲିକ୍ କରନ୍ତୁ ।
-ପରେ ଆପଣଙ୍କ ପଞ୍ଜିକୃତ ମୋବାଇଲ୍ ନମ୍ବରକୁ ଏକ OTP ଆସିବ, ସେଥିରେ ଦିଆଯାଇଥିବା OTP କୋଡ୍ ଭ୍ୟାରିଫାଏ କରନ୍ତୁ ।
-ଯଦି ଆପଣଙ୍କ ମୋବାଇଲ୍ ନମ୍ବର ଆଧାର୍ ସହିତ ରେଜିଷ୍ଟର୍ ନୁହେଁ, ତେବେ ଅନ୍ୟ ଏକ ନମ୍ବର ରେ OTP ନେଇ ଆଗକୁ ବଢନ୍ତୁ ।
-ଏହି ସମୟରେ ଆପଣଙ୍କର ଆଧାର୍ ଡିଟେଲ୍ସ ଠିକ୍ ଅଛି କି ନାହିଁ ଏହା ଚେକ୍ କରନ୍ତୁ ।
-ତାପରେ ‘Make Payment’ ଅପ୍ସନ ଉପରେ କ୍ଲିକ୍ କରନ୍ତୁ ଏବଂ ୫୦ ଟଙ୍କା ପେମେଣ୍ଟ କରନ୍ତୁ । ଆପଣ UPI, ଡେବିଟ୍/କ୍ରେଡିଟ୍ କାର୍ଡ୍ କିମ୍ବା ନେଟ୍ ବ୍ୟାଙ୍କିଂ ଦ୍ୱାରା ଦେଇପାରିବେ ।
-ପେମେଣ୍ଟ ସଫଳ ହେଲେ ଆପଣଙ୍କୁ ଏକ Service Request Number (SRN) ମିଳିବ । ଏହା ଦ୍ୱାରା ଆପଣ ନିଜ ଆଧାର୍ କାର୍ଡର ଷ୍ଟାଟସ୍ ଟ୍ରାକ୍ କରିପାରିବେ ।
Also read: ଭୋଡାଫୋନ୍ ଆଇଡିଆର ସବୁଠାରୁ ଶସ୍ତା ରିଚାର୍ଜ ପ୍ଳାନ୍, ବର୍ଷ ସାରା ପାଇବେ ଏହିସବୁ ସୁବିଧା