ଆଇଫୋନ୍ 16 ଲଞ୍ଚ ହେବାର ମାତ୍ର ଏକ ମାସ ହୋଇଛି ଏବଂ ବର୍ତ୍ତମାନ ଆଇଫୋନ୍ 17 ବିଷୟରେ ଆଲୋଚନା ଆରମ୍ଭ ହୋଇଯାଇଛି । ଆସନ୍ତା ବର୍ଷ ଶେଷ ସୁଦ୍ଧା ଆପଲ୍ ଆଇଫୋନ୍ 17 ଲଞ୍ଚ କରିପାରେ । ଯଦିଓ ଆଗାମୀ ଆଇଫୋନ୍ ଲଞ୍ଚ ପାଇଁ ବହୁତ ସମୟ ବାକି ଅଛି, ଲୋକମାନେ ଏହା ବିଷୟରେ ସୂଚନା ପାଇବାକୁ ବେଶ ଆଗ୍ରହ ପ୍ରକାଶ କରୁଛନ୍ତି । ଆପଲ୍ ଲଭର୍ସମାନେ ଆଇଫୋନ୍ 17 ବିଷୟରେ ସର୍ଚ୍ଚ କରିବା ଆରମ୍ଭ କରିସାରିଛନ୍ତି । ଯଦି ଆପଣ ମଧ୍ୟ ଜଣେ ଆଇଫୋନ୍ ଲଭର୍, ତେବେ ଆପଣଙ୍କୁ କହି ରଖୁଛୁ ଯେ ଆଇଫୋନ୍ 17 ବିଷୟରେ ଏକ ବଡ ଅପଡେଟ୍ ବାହାରିଛି ।
ଲାଟେଷ୍ଟ ଲିକ୍ ହୋଇଥିବା ରିପୋର୍ଟରେ ଏହାର ଡିସପ୍ଲେ ଫିଚର୍ସଗୁଡିକ ବିଷୟରେ ଏକ ବଡ଼ ଖୁଲାସା କରାଯାଇଛି । ଆଗାମୀ ଆଇଫୋନ୍ ସିରିଜରେ, ଉପଭୋକ୍ତାମାନେ ସମ୍ପୂର୍ଣ୍ଣ ଭିନ୍ନ ଟେକ୍ନୋଲୋଜି ସହିତ ଏକ ନୂଆ ଡିସପ୍ଲେ ଦେଖିପାରିବେ । ରିପୋର୍ଟ ଅନୁଯାୟୀ, iPhone 17 Air ଏକ ନୂଆ ଡ଼ିସପ୍ଲେ ସହିତ ବଜାରକୁ ଆସିପାରେ । ଲିକ୍ ଅନୁଯାୟୀ କମ୍ପାନୀ ଡିସପ୍ଲେରେ ବ୍ୟବହାର କରିବାକୁ ଯାଉଥିବା ଟେକ୍ନୋଲୋଜି ଏପର୍ଯ୍ୟନ୍ତ କୌଣସି ଆଇଫୋନରେ ବ୍ୟବହୃତ ହୋଇନାହିଁ । ଟେକ୍ ଏବଂ ଡିସପ୍ଲେ ଡ୍ରାଇଭର ଇଣ୍ଟିଗ୍ରେସନ୍ ଟେକ୍ନୋଲୋଜି ସହିତ ଆପଲ୍ ଆଇଫୋନ୍ 17 Air ପ୍ରଦାନ କରିପାରିବ ।
ଟେକ୍ ଏବଂ ଡିସପ୍ଲେ ଡ୍ରାଇଭର ଇଣ୍ଟିଗ୍ରେସନ୍ ଟେକ୍ନୋଲୋଜି ସହିତ ସଜ୍ଜିତ, ଏହି ଡିସପ୍ଲେଟି ବହୁତ ହାଲୁକା ଏବଂ ପତଳା ହେବ । ଏହା ଆଇଫୋନର ୱେଟ୍ କମ୍ କରିବାରେ ମଧ୍ୟ ସାହାଯ୍ୟ କରିବ । ଏହା ସହିତ, ଉପଭୋକ୍ତାମାନେ ଡିସପ୍ଲେରେ ପୂର୍ବ ଅପେକ୍ଷା ଅଧିକ ସ୍ମୁଥ ପରଫରମାନ୍ସ ପାଇବାକୁ ଯାଉଛନ୍ତି । ଯଦି ଲିକକୁ ବିଶ୍ୱାସ କରାଯାଏ, ଆପଲ୍ ଆଇଫୋନ୍ 17 ର ଡିସପ୍ଲେ ପାଇଁ ତାଇୱାନର ଡିସପ୍ଲେ କମ୍ପାନୀ Novatek ସହିତ ସହଭାଗୀ ହୋଇଛି । ବିଶ୍ୱାସ କରାଯାଏ ଯେ ଏଥର କମ୍ପାନୀ ଆଇଫୋନରେ ୧୨୦Hz ରିଫ୍ରେସ ରେଟକୁ ସପୋର୍ଟ କରିବ ବୋଲି ସୂଚନା ରହିଛି ।
ଏହା ବ୍ୟତୀତ, ହାଇ ସ୍ପିଡ୍ ପରଫରମାନ୍ସ ପାଇଁ 8 ଜିବି ରାମ୍ ସହିତ ଏକ ନୂଆ ଚିପସେଟ୍ ଉପଲବ୍ଧ ହୋଇପାରିବ । ଉପଭୋକ୍ତାମାନେ ଆଇଫୋନ୍ 17 ଏୟାରରେ ଟାଇପ୍ ସି ପୋର୍ଟ ମଧ୍ୟ ପାଇବେ । ସୂଚନାଯୋଗ୍ୟ, ବର୍ତ୍ତମାନ ଆଇଫୋନ୍ 17 ଏୟାର ବିଷୟରେ ଆପଲ୍ ଦ୍ୱାରା କୌଣସି ସୂଚନା ସେୟାର ହୋଇନାହିଁ ।