ସ୍ମାର୍ଟଫୋନ୍ ନିର୍ମାତା ଓପୋ ନିକଟରେ ଭାରତରେ ଏହାର ନୂଆ ସ୍ମାର୍ଟଫୋନ୍ Oppo Find X8 ସିରିଜ୍ ଲଞ୍ଚ କରିଥିଲା । ଆଜି ଅର୍ଥାତ୍ ୩ ଡିସେମ୍ବର ୨୦୨୪ରେ ଏହି ସିରିଜର ଫାଷ୍ଟ ସେଲ୍ । ଫାଷ୍ଟ ସେଲରେ କମ୍ପାନୀ ନିଜ ଫୋନରେ ଭାରି ଡିସକାଉଣ୍ଟ ମଧ୍ୟ ପ୍ରଦାନ କରୁଛି । ଆପଣଙ୍କୁ କହିରଖୁଛୁ ଯେ କମ୍ପାନୀର ଅଫିସିଆଲ୍ ୱେବସାଇଟ୍ ବ୍ୟତୀତ ଆପଣ ଏହି ସ୍ମାର୍ଟଫୋନ୍ କୁ ଇ-କମର୍ସ ସାଇଟ୍ ଫ୍ଲିପକାର୍ଟରୁ ମଧ୍ୟ କିଣି ପାରିବେ । ଏହି ସିରିଜରେ କମ୍ପାନୀ ଏହାର ଦୁଇଟି ସ୍ମାର୍ଟଫୋନ୍ Oppo Find X8 ଏବଂ Oppo Find X8 Pro ଲଞ୍ଚ କରିଛି ।
Oppo Find X8 Series ଫାଷ୍ଟ ସେଲ୍:
OPPO Find X8 Pro (୧୬GB + ୫୧୨GB) ର ମୂଲ୍ୟ ୯୯,୯୯୯ ଟଙ୍କା ରଖାଯାଇଛି । କିନ୍ତୁ ସମସ୍ତ ଅଫର ସହିତ ଆପଣ ଏହାକୁ ୮୨,୦୦୦ ଟଙ୍କାରେ କିଣିପାରିବେ । ଯେଉଁଠାରେ OPPO Find X8 (୧୨GB + ୨୫୬GB) ର ମୂଲ୍ୟ ୬୯,୯୯୯ ଟଙ୍କା । କିନ୍ତୁ ସମସ୍ତ ଡ଼ିସକାଉଣ୍ଟ ପରେ ଏହାକୁ ୫୫,୦୦୦ ଟଙ୍କାରେ କିଣାଯାଇପାରିବ । ଏହା ବ୍ୟତୀତ କମ୍ପାନୀ OPPO Find X8 (୧୬GB + ୫୧୨GB) ଲଞ୍ଚ କରିଛି । ଯାହାର ମୂଲ୍ୟ ୭୯,୯୯୯ ଟଙ୍କା କିନ୍ତୁ ଡ଼ିସକାଉଣ୍ଟ ପରେ ଆପଣ ଏହାକୁ ୬୪,୦୦୦ ଟଙ୍କାରେ କିଣିପାରିବେ ।
ଡ଼ିସକାଉଣ୍ଟ ଏବଂ ଅଫର୍:
ଡ଼ିସକାଉଣ୍ଟ ଅଫର ବିଷୟରେ କହିବାକୁ ଗଲେ କମ୍ପାନୀ ଏହି ସିରିଜରେ ୧୦ ପ୍ରତିଶତ ଇନଷ୍ଟାଣ୍ଟ କ୍ୟାସବ୍ୟାକ୍ ଦେଉଛି । ଏହି ଅଫର ଗ୍ରାହକଙ୍କୁ SBI, HDFC Bank, Kotak Bank, Bank of Baroda ଏବଂ IDFC First Bank ରୁ ପେମେଣ୍ଟ କରିବା ଦ୍ୱାରା ପ୍ରଦାନ କରାଯିବ । ଏହା ବ୍ୟତୀତ କମ୍ପାନୀ ଗ୍ରାହକଙ୍କୁ ୫୦୦୦ ଟଙ୍କା ଏକ୍ସଚେଞ୍ଜ ବୋନସ ମଧ୍ୟ ପ୍ରଦାନ କରୁଛି । ଏହା ବ୍ୟତୀତ ଆପଣ ଏହାକୁ ସହଜ କିସ୍ତିରେ ମଧ୍ୟ କିଣି ପାରିବେ ।
Oppo Find X8 ଫିଚର୍ସ:
Oppo Find X8 ର ଡିଜାଇନ୍ ବହୁତ ୟୁନିକ୍ । ଏଥିରେ କମ୍ପାନୀ ଏକ ଫ୍ଲାଟ ଫ୍ରଣ୍ଟ ଲୁକ୍ ଦେଇଛି । ଡିଭାଇସରେ ୬.୯୫ ଇଞ୍ଚ AMOLED Infinite View ଡିସପ୍ଲେ ଅଛି । ଏହି ଡିସପ୍ଲେ ୧୨୦ Hz ର ଡାଇନାମିକ୍ ରିଫ୍ରେସ୍ ରେଟକୁ ସପୋର୍ଟ କରେ । ଡିସପ୍ଲେରେ କର୍ନିଙ୍ଗ୍ ଗୋରିଲା ଗ୍ଲାସ୍ ପ୍ରୋଟେକ୍ସନ୍ ଅଛି । ଏହି ଫୋନର ଓଜନ ମାତ୍ର ୧୯୩ ଗ୍ରାମ । ଏହି ଫୋନ୍ Mediatek Dimensity 9400 ପ୍ରୋସେସର୍ ସହିତ ସଜ୍ଜିତ । ଏହା ସହିତ ଫୋନରେ ୧୨GB ଏବଂ ୧୬GB ର ଦୁଇଟି RAM ଅପ୍ସନ୍ ଉପଲବ୍ଧ । ଏହାର ୨୫୬ GB ଏବଂ ୫୧୨ GB ର ଷ୍ଟୋରେଜ୍ ଅପ୍ସନ୍ ଅଛି ।
Oppo Find X8 ରେ ସେଲଫି ଏବଂ ଭିଡିଓ କଲ୍ ପାଇଁ ୩୨MP ଫ୍ରଣ୍ଟ କ୍ୟାମେରା ଅଛି । ଫୋନରେ ଅନେକ AI ଫିଚର୍ସ ମଧ୍ୟ ପ୍ରଦାନ କରାଯାଇଛି । ପାୱାର୍ ପାଇଁ, ଡିଭାଇସରେ ୫୬୩୦mAh ବ୍ୟାଟେରୀ ଅଛି ଯାହା ୮୦W SuperVOOC ୱାୟର୍ଡ ଚାର୍ଜିଂ ଏବଂ ୫୦W AirVooC ୱାୟରଲେସ୍ ଚାର୍ଜିଂକୁ ସପୋର୍ଚ କରେ । କେବଳ ଏତିକି ନୁହେଁ, ଏହି ଫୋନ୍ ColorOS 15 ଉପରେ ଆଧାରିତ ଆଣ୍ଡ୍ରଏଡ୍ 15 ଅପରେଟିଂ ସିଷ୍ଟମରେ କାମ କରେ ଏବଂ ଏହା ୪ ବର୍ଷର OS ଅପଡେଟ୍ ଏବଂ ୬ ବର୍ଷର ସିକ୍ୟୁରିଟି ଅପଡେଟ୍ ମଧ୍ୟ ପାଇଛି । କମ୍ପାନୀ ଏହି ଫୋନକୁ ଷ୍ଟାର ଗ୍ରେ ଏବଂ ସ୍ପେସ୍ ବ୍ଲାକ୍ ଭଳି ଦୁଇଟି କଲରରେ ଲଞ୍ଚ କରିଛି ।
Oppo Find X8 Pro ଫିଚର୍ସ:
Oppo Find X8 Pro ର ଫିଚର୍ସ ବିଷୟରେ କହିବାକୁ ଗଲେ କମ୍ପାନୀ ଏହାକୁ ୬.୭୮ ଇଞ୍ଚ AMOLED AMOLED Infinite View ପ୍ରଦାନ କରିଛି ଯାହା ୧୨୦ Hz ର ରିଫ୍ରେସ୍ ରେଟକୁ ସପୋର୍ଟ କରେ କରେ । ଏହା ବ୍ୟତୀତ ଡିସପ୍ଲେରେ ଗୋରିଲା ଗ୍ଲାସ୍ ସୁରକ୍ଷା ମଧ୍ୟ ଉପଲବ୍ଧ । ଏହି ଫୋନ୍ IP68 ଏବଂ IP69 ରେଟିଂ ସହିତ ଆସିଥାଏ ଯାହାର ଅର୍ଥ ହେଉଛି ଏହି ଫୋନ୍ ଧୂଳି ଏବଂ ପାଣି ଦ୍ୱାରା ମଧ୍ୟ କ୍ଷତିଗ୍ରସ୍ତ ହୁଏ ନାହିଁ । ଏହି ଫୋନ୍ ବିଷୟରେ ସବୁଠାରୁ ବଡ ବିଶେଷ କଥା ହେଉଛି ୮୦ ଡିଗ୍ରୀ ଗରମ ପାଣିରେ ମଧ୍ୟ ଏହା ନଷ୍ଟ ହୋଇନଥାଏ ।
ଏହି ଫୋନର ଓଜନ ୨୧୫ ଗ୍ରାମ । କେବଳ ଏତିକି ନୁହେଁ, ଏହି ଡିଭାଇସ୍ Mediatek Dimensity 9400 ପ୍ରୋସେସର୍ ସହିତ ସଜ୍ଜିତ । ଆହୁରି ମଧ୍ୟ, ଏହି ଫୋନକୁ ୧୬GB RAM ଏବଂ ୨୫୬ / ୫୧୨GB ଷ୍ଟୋରେଜ୍ ଅପ୍ସନ୍ ସହିତ ଲଞ୍ଚ କରାଯାଇଛି । ପ୍ରୋ ମଡେଲର କ୍ୟାମେରା ସେଟଅପ୍ ବିଷୟରେ କହିବାକୁ ଗଲେ କମ୍ପାନୀ ଡିଭାଇସରେ ୫୦MP ସୋନି LYT808 ପ୍ରାଇମେରୀ କ୍ୟାମେରା ଯୋଗାଇ ଦେଇଛି । ଏହା ସହିତ, ଏଥିରେ ୫୦MP ଅଲଟ୍ରାୱାଇଡ୍ ସାମସଙ୍ଗ କ୍ୟାମେରା ଏବଂ ୫୦MP ଟେଲିଫୋଟୋ ଲେନ୍ସ ଅଛି ।
ସେଲଫି ଏବଂ ଭିଡିଓ କଲ୍ ପାଇଁ ଏହି ଡିଭାଇସରେ ୩୨MP ସୋନି ସେନ୍ସର ଅଛି । ପାୱାର୍ ପାଇଁ, ଫୋନକୁ ୫୯୧୦mAh ର ଏକ ଶକ୍ତିଶାଳୀ ବ୍ୟାଟେରୀ ଯୋଗାଇ ଦିଆଯାଇଛି ଯାହାକି ୮୦W SuperVOOC ୱାୟର୍ଡ ଚାର୍ଜିଂ ଏବଂ 50W AirVOOC ୱାୟରଲେସ୍ ଚାର୍ଜିଂକୁ ସପୋର୍ଟ କରେ । ଏହି ଫୋନ୍ ColorOS 15 ଉପରେ ଆଧାରିତ ଆଣ୍ଡ୍ରଏଡ୍ 15 ଅପରେଟିଂ ସିଷ୍ଟମରେ କାମ କରେ । ଫୋନକୁ ୫ ବର୍ଷର ସଫ୍ଟୱେର୍ ଅପଡେଟ୍ ଏବଂ ୬ ବର୍ଷର ସିକ୍ୟୁରିଟି ଅପଡେଟ୍ ମିଳିଛି । କଲେକ୍ଟିଭିଟି ପାଇଁ, ଡିଭାଇସରେ ଡୁଆଲ୍ ସିମ୍, NFC, ବ୍ଲୁଟୁଥ୍ 5.4 ଭଳି ସୁବିଧା ଯୋଗାଇ ଦିଆଯାଇଛି ।