Yahoo ଲଞ୍ଚ କଲା ନିଜର ପ୍ରଥମ ସ୍ମାର୍ଟଫୋନ, ରହିଛି ଏହିସବୁ ଫିଚର୍ସ
ୟାହୁର ସ୍ମାର୍ଟଫୋନ୍ ବ୍ୟବସାୟ ବର୍ତ୍ତମାନ ଆମେରିକୀୟ ଟେଲିକମ୍ କମ୍ପାନୀ ଭେରିଜନ୍ ପାଖରେ ରହିଛି । ବର୍ତ୍ତମାନ Verizon ZTE ସହିତ ମିଶି Yahoo ର ପ୍ରଥମ ସ୍ମାର୍ଟଫୋନ୍ ZTE Blade A3Y ଲଞ୍ଚ କରିଛି । ଭେରିଜନ୍ ଚଳିତ ବର୍ଷ ମାର୍ଚ୍ଚରେ ୟାହୁର ସ୍ମାର୍ଟଫୋନ୍ ଲଞ୍ଚ କରିବାକୁ ଘୋଷଣା କରିଥିଲା । ZTE Blade A3Y ରେ 2 GB RAM ଏବଂ 32 GB ଷ୍ଟୋରେଜ୍ ରହିଛି ।
ZTE Blade A3Yର ସ୍ପେସିଫିକେସନ
ZTE Blade A3Yରେ 5.45 ଇଞ୍ଚର HD ଡ଼ିସପ୍ଲେ ରହିଛି । ଏହା ବ୍ୟତୀତ, ଏହି ଫୋନରେ 2 GB RAM ସହିତ 32 GB ଷ୍ଟୋରେଜ୍ ପ୍ରଦାନ କରାଯାଇଛି । ZTE Blade A3Yରେ ଫେସ୍ ଅନଲକ୍ ବ୍ୟତୀତ ରିୟର ପ୍ୟାନେଲରେ ଫିଙ୍ଗର ପ୍ରିଣ୍ଟ ସେନ୍ସର ମଧ୍ୟ ପ୍ରଦାନ କରାଯାଇଛି ।
Check out #YahooMobile‘s first smartphone exclusive. The #ZTE Blade A3Y launched today 💜 Gimme more purple! 💜 https://t.co/66c5hJNhNc#smartphone #mobile #android pic.twitter.com/YwhoGNrwIf
— ZTE USA (@zteusa) October 28, 2020
ଏହି ଫୋନ୍ ଆଣ୍ଡ୍ରଏଡ୍ 10 ରେ କାମ କରେ । ଏହି ଫୋନରେ ମିଡିଆଟେକ ହେଲିଓ A22 ପ୍ରୋସେସର ରହିଛି । ମେମୋରୀ କାର୍ଡ ସାହାଯ୍ୟରେ ଫୋନର ଷ୍ଟୋରେଜ୍ 128 GB କୁ ବୃଦ୍ଧି କରାଯାଇପାରିବ । ZTE Blade A3Yରେ ଆପଣ 2660mAh ବ୍ୟାଟେରୀ ପାଇବେ ।
କ୍ୟାମେରା ବିଷୟରେ କହିବାକୁ ଗଲେ, ଏହି ଫୋନରେ ଦୁଇଟି ଫ୍ଲାସ ଲାଇଟ୍ ସହିତ 8 ମେଗାପିକ୍ସେଲର ପଛ କ୍ୟାମେରା ଅଛି । ସେଲଫି ପାଇଁ ଏଥିରେ ଆପଣ 5 ମେଗାପିକ୍ସେଲ ଲେନ୍ସ ପାଇବେ । ଫୋନର ଓଜନ 161 ଗ୍ରାମ | ZTE Blade A3Y ର ମୂଲ୍ୟ ହେଉଛି $ 50 ଅର୍ଥାତ୍ ପ୍ରାୟ 3,723.75 ଟଙ୍କା । ଏହି ମୂଲ୍ୟରେ, ଆପଣ ଭେରିଜନ୍ ଠାରୁ ଅନଲିମିଟେଡ଼ ଟକ୍ ଟାଇମ୍, ମେସେଜିଂ ଏବଂ 4G LTE ଡାଟା ପାଇବେ । ଏହି ଫୋନ୍ ବର୍ତ୍ତମାନ କେବଳ ଭେରିଜନ୍ ଠାରୁ ହିଁ କିଣାଯାଇ ପାରିବ ।
