Vivo Y58ରେ ମିଳୁଛି ବଢିଆ ଅଫର୍, ଫଟୋଗ୍ରାଫି ପାଇଁ ବେଷ୍ଟ ସ୍ମାର୍ଟଫୋନ୍
ୟୁଜର୍ସମାନେ ସବୁବେଳେ ସ୍ମାର୍ଟଫୋନର ଦାମ କମ୍ ହେବା ପାଇଁ ଅପେକ୍ଷା କରିଥାନ୍ତି । ଯଦି ଏକ ଫୋନର ମୂଲ୍ୟ ହ୍ରାସ ହୁଏ, ତେବେ ୟୁଜର୍ସମାନେ ବହୁତ ଖୁସି ହୁଅନ୍ତି, କାରଣ ସେମାନେ କମ୍ ଟଙ୍କା ଦେଇ ଏକ ନୂଆ ଫୋନ୍ କିଣିବାର ସୁଯୋଗ ପାଆନ୍ତି । ଏଥର ଭିଭୋ ଫୋନ୍ ସହିତ ସମାନ ଘଟଣା ଘଟିଛି । ଏହି ଭିଭୋ ଫୋନର ନାମ ହେଉଛି ଭିଭୋ Y58 5G । କମ୍ପାନୀ ଏହି ଫୋନକୁ କିଛି ସପ୍ତାହ ପୂର୍ବରୁ ୮ GB ରାମ୍ ଏବଂ ୧୨୮ GB ଷ୍ଟୋରେଜ୍ ସହିତ ଲଞ୍ଚ କରିଥିଲା ।
ଏହି ଫୋନର ମୂଲ୍ୟ ୧୯,୪୯୯ ଟଙ୍କା, କିନ୍ତୁ ବର୍ତ୍ତମାନ କମ୍ପାନୀ ଏହାର ମୂଲ୍ୟ ୧୦୦୦ ଟଙ୍କା ହ୍ରାସ କରିଛି । ଏହି କାରଣରୁ, ଏହି ଫୋନର ମୂଲ୍ୟ ବର୍ତ୍ତମାନ ମାତ୍ର ୧୮,୪୯୯ ଟଙ୍କା ହୋଇଛି । ଏହି ଭିଭୋ ଫୋନର ନୂଆ ଦାମ ଭିଭୋ ଇଣ୍ଡିଆ ଇ-ଷ୍ଟୋର୍, ଫ୍ଲିପକାର୍ଟ, ଆମାଜନ ଇଣ୍ଡିଆ ଏବଂ ଅନ୍ୟାନ୍ୟ ସପିଂ ପାର୍ଟନର ପ୍ଲାଟଫର୍ମରେ ଅପଡେଟ କରାଯାଇଛି । ଭିଭୋ ଏହି ଫୋନକୁ ଦୁଇଟି ରଙ୍ଗ ଅପ୍ସନ୍ ଯଥା Sunderbans Green and Himalayan Blue Colourରେ ଲଞ୍ଚ କରିଛି ।
Vivo Y58 5Gର ଫିଚର୍ସ:
ଏହି ଫୋନର ଫିଚର୍ସ ବିଷୟରେ କହିବାକୁ ଗଲେ ଏହାର ୬. ୭୨ ଇଞ୍ଚ LCD ପ୍ୟାନେଲ ଅଛି, ଯାହାର FHD + ରେଜୋଲ୍ୟୁସନ, ୧୨୦Hz ରିଫ୍ରେସ ରେଟ, ୧୦୨୪ ନିଟ୍ସର ପିକ୍ ବ୍ରାଇଟନେସ୍ ଅଛି । ଏହି ଫୋନର ପ୍ରୋସେସର୍ ବିଷୟରେ କହିବାକୁ ଗଲେ କମ୍ପାନୀ ଏଥିରେ Qualcomm Snapdragon 4 Gen 2 SoC ଚିପସେଟ ଯୋଗାଇ ଦେଇଛି, ଯାହା ଗ୍ରାଫିକ୍ସ ପାଇଁ Adreno 613 GPU ସହିତ ଆସିଥାଏ ।
ୟୁଜର୍ସମାନେ ମାଇକ୍ରୋ SD କାର୍ଡ ସାହାଯ୍ୟରେ ଷ୍ଟୋରେଜ୍ 1TB ପର୍ଯ୍ୟନ୍ତ ବୃଦ୍ଧି କରିପାରିବେ । ଏହି ଫୋନର ବ୍ୟାକରେ ୫୦MP ମେନ୍ କ୍ୟାମେରା ଏବଂ ସେଲଫି ପାଇଁ ୮MP ଫ୍ରଣ୍ଟ କ୍ୟାମେରା ସହିତ ଏକ ଡୁଆଲ୍ କ୍ୟାମେରା ସେଟଅପ୍ ଦେଇଛି । ଏହା ବ୍ୟତୀତ ଫୋନରେ ୬୦୦୦mAh ଏବଂ ୪୪W ଫାଷ୍ଟ ଚାର୍ଜିଂର ଏକ ବଡ଼ ବ୍ୟାଟେରୀ ଅଛି ।
ଏହି ଫୋନ୍ Android 14 ଉପରେ ଆଧାର କରି Funtouch OS 14 କଷ୍ଟମ୍ ସ୍କିନରେ ଚାଲିଥାଏ । ଫୋନରେ IP64 ୱାଟର ଏବଂ ଡଷ୍ଟ ରେଜିଷ୍ଟାନ୍ସ, ଷ୍ଟେରିଓ ସ୍ପିକର, ୩. ୫mm ଅଡିଓ ଜ୍ୟାକ୍, ସାଇଡ୍ ମାଉଣ୍ଟେଡ୍ ଫିଙ୍ଗର ପ୍ରିଣ୍ଟ ସ୍କାନର୍ ଏବଂ ବ୍ଲୁଟୁଥ୍ 5.1 ସପୋର୍ଟ ସହିତ ଅନେକ ବିଶେଷ ଫିଚର୍ସ ଅଛି ।
