ବଢିଆ ଫିଚର୍ସ ସହ ଲଞ୍ଚ ହେଲା Vivoର ଜବରଦସ୍ତ ସ୍ମାର୍ଟଫୋନ୍, ୮୦୦୦ ରୁ କମ୍ ଦାମ୍
ଭିଭୋ ଭାରତରେ ଆଉ ଏକ ଶସ୍ତା ସ୍ମାର୍ଟଫୋନ୍ ଲଞ୍ଚ କରିଛି । ଭିଭୋର ଏହି ଫୋନ୍ Y ସିରିଜରେ ପରିଚିତ ହୋଇଛି, ଯାହାର ମୂଲ୍ୟ ୮,୦୦୦ ରୁ କମ୍ ଅଟେ । ଚାଇନିଜ୍ ବ୍ରାଣ୍ଡର ଏହି ସ୍ମାର୍ଟଫୋନ୍ Infinix, Lava, itel, Realme ଭଳି ବ୍ରାଣ୍ଡର ଶସ୍ତା ଫୋନକୁ କଠୋର ପ୍ରତିଯୋଗିତା ଦେବ । ଏହି ସ୍ମାର୍ଟଫୋନ୍ ହେଉଛି ଭିଭୋ Y18 ର ଏକ ଡାଉନଗ୍ରେଡ୍ ଭର୍ସନ ଯାହା କିଛି ସପ୍ତାହ ପୂର୍ବରୁ ଲଞ୍ଚ କରାଯାଇଛି । ଏହି ଫୋନ୍ Vivo Y18i ନାମରେ ଲଞ୍ଚ କରାଯାଇଛି । ତେବେ ଆସନ୍ତୁ ଫୋନର ଦାମ୍, କ୍ୟାମେରା, ବ୍ୟାଟେରୀ ଇତ୍ୟାଦି ବିଷୟରେ ଜାଣିବା …
Vivo Y18i ଦାମ୍:
Vivo Y18i ଭାରତରେ କେବଳ ଗୋଟିଏ ଷ୍ଟୋରେଜ୍ ଭାରିଆଣ୍ଟ, ୪ GB RAM + ୬୪ GB ରେ ଲଞ୍ଚ କରାଯାଇଛି । ଭିଭୋର ଏହି ଫୋନ୍ ୭,୯୯୯ ଟଙ୍କା ମୂଲ୍ୟରେ ଆସିଥାଏ । ଏହା ଜେମ୍ ଗ୍ରୀନ୍ ଏବଂ ସ୍ପେସ୍ ବ୍ଲାକ୍ କଲର୍ ଅପ୍ସନରେ ପରିଚିତ ହୋଇଛି । ଇ-କମର୍ସ ୱେବସାଇଟ୍ ଆମାଜନ, ଫ୍ଲିପକାର୍ଟ, କମ୍ପାନୀର ଇ-ଷ୍ଟୋର୍ ଏବଂ କ୍ରୋମାରେ ଏହା ସେଲ୍ ପାଇଁ ଉପଲବ୍ଧ କରାଯାଇଛି ।
Vivo Y18i ଫିଚର୍ସ:
ଏହି ଭିଭୋ ଫୋନ୍ ୬.୫୬ ଇଞ୍ଚ HD + ଡିସପ୍ଲେ ସହିତ ଆସିଥାଏ । ଫୋନର ଡିସପ୍ଲେରେ LCD ପ୍ୟାନେଲ୍ ବ୍ୟବହୃତ ହୋଇଛି ଏବଂ ଏହା ୯୦Hz ହାଇ ରିଫ୍ରେସ ରେଟ୍ ଫିଚର୍ସକୁ ସପୋର୍ଟ କରେ । ଫୋନ ଡିସପ୍ଲେର ପିକ୍ ବ୍ରାଇଟନେସ୍ ୫୨୮ ନିଟ୍ସ ପର୍ଯ୍ୟନ୍ତ ଅଛି । ଭିଭୋର ଏହି ଶସ୍ତା ଫୋନ୍ Unisoc T612 ପ୍ରୋସେସରରେ କାମ କରେ ।
ଫୋନରେ 4GB LPDDR4X RAM ପାଇଁ ସପୋର୍ଟ ଅଛି । ଏହା ସହିତ ୬୪ GB ଇଣ୍ଟରନାଲ ଷ୍ଟୋରେଜ୍ ପାଇଁ ସପୋର୍ଟ ରହିବ, ଯାହା ମାଇକ୍ରୋ SD କାର୍ଡ ମାଧ୍ୟମରେ 1TB ପର୍ଯ୍ୟନ୍ତ ଏକ୍ସପାଣ୍ଡ ହୋଇପାରିବ । କନେକ୍ଟିଭିଟି ପାଇଁ, ଏହି ଫୋନରେ Bluetooth 5, GPS, Wi-Fi5 ଭଳି ଫିଚର୍ସ ଅଛି । ଏହି ଫୋନରେ ୫୦୦୦mAh ବ୍ୟାଟେରୀ ଅଛି, ଯାହା ସହିତ ଏକ USB Type C ପୋର୍ଟ ଉପଲବ୍ଧ ହେବ । ଫୋନ୍ IP54 ରେଟେଡ୍ ହୋଇଛି, ଯେଉଁ କାରଣରୁ ପାଣି ଛିଟା ପଡିଲେ ଏହି ଫୋନ୍ ନଷ୍ଟ ହେବ ନାହିଁ ।
ଭିଭୋର ଏହି ଫୋନରେ ଡୁଆଲ୍ କ୍ୟାମେରା ସେଟଅପ୍ ଉପଲବ୍ଧ । ଏହି ଫୋନରେ ୧୩MP ମେନ୍ କ୍ୟାମେରା ଏବଂ ୦.୮MP ସେକେଣ୍ଡାରୀ କ୍ୟାମେରା ରହିବ । ଏହି ଭିଭୋ ଫୋନରେ ସେଲଫି ଏବଂ ଭିଡିଓ କଲିଂ ପାଇଁ 5MP କ୍ୟାମେରା ଅଛି । ଏହି ଫୋନ୍ ଆଣ୍ଡ୍ରଏଡ୍ 14 ଉପରେ ଆଧାର କରି FuntouchOS ରେ କାମ କରେ ।
