ଇନଷ୍ଟାଣ୍ଟ ମେସେଜିଂ ଆପ୍ ହ୍ଵାଟସଆପ ଏକ ଫିଚର୍ସ ଉପରେ ଦୀର୍ଘ ଦିନ ଧରି କାର୍ଯ୍ୟ କରିଆସୁଛି, ଯାହା ମାଧ୍ୟମରେ ଗୁଗୁଲ୍ ଡ୍ରାଇଭ୍ ଏବଂ ଆପଲ୍ କ୍ଲାଉଡ୍ ରେ ଚାଟ୍ ବ୍ୟାକଅପ୍ ଏଣ୍ଡ-ଟୁ-ଏଣ୍ଡ ଏନକ୍ରିପସନ୍ ମାଧ୍ୟମରେ ସୁରକ୍ଷିତ ରହିଥାଏ । ହ୍ଵାଟସଆପ ଶେଷରେ ଘୋଷଣା କରିଛି ଯେ ଏହାର ପ୍ଲାଟଫର୍ମରେ End-to-end encryption ହୋଇଥିବା ଚାଟ୍ ବ୍ୟାକଅପ୍ ବାହାର କରୁଛି। ମୋଟ ଉପରେ, କହିବାକୁ ଗଲେ ଆପଣଙ୍କର ହ୍ଵାଟସଆପ ଚାଟ୍ ବର୍ତ୍ତମାନ ଅଧିକ ସୁରକ୍ଷିତ ରହିବ ।
ହ୍ଵାଟସଆପ ଏହାର ବ୍ଲଗ୍ ପୋଷ୍ଟରେ ଲେଖିଛି, “Google ଡ୍ରାଇଭ୍ ଏବଂ iCloud ପରି କ୍ଲାଉଡ୍ ଆଧାରିତ ସର୍ଭେ ମାଧ୍ୟମରେ ଲୋକମାନେ ସେମାନଙ୍କ ହ୍ଵାଟସଆପର ପୁରୁଣା ମେସେଜ୍ କୁ ବ୍ୟାକଅପ୍ କରିଥାନ୍ତି । ହ୍ଵାଟସଆପ ଏହି ବ୍ୟାକଅପ୍ ପାଇଁ ପ୍ରବେଶ କରୁନାହିଁ, କାରଣ ସେମାନଙ୍କୁ କ୍ଲାଉଡ୍ ସେବା ଯୋଗାଇ ଦିଆଯାଇ ନାହିଁ।” କିନ୍ତୁ ବର୍ତ୍ତମାନ, ଯଦି ଉପଭୋକ୍ତାମାନେ ଏଣ୍ଡ-ଟୁ-ଏଣ୍ଡ ଏନକ୍ରିପସନ୍ ସେବାକୁ ସକ୍ଷମ କରନ୍ତି, ତେବେ ହ୍ଵାଟସଆପ କିମ୍ବା ବ୍ୟାକଅପ୍ ସେବା ପ୍ରଦାନକାରୀ ଚାଟ୍କୁ ପ୍ରବେଶ କରିବାକୁ ସମର୍ଥ ହେବେ ନାହିଁ। ”
ହ୍ଵାଟସଆପ କହିଛି ଯେ ଏଣ୍ଡ-ଟୁ-ଏଣ୍ଡ ଏନକ୍ରିପସନ୍ ବ୍ୟାକଅପ୍ ସକ୍ଷମ କରିବାକୁ କମ୍ପାନୀ ଏନକ୍ରିପସନ୍ ଷ୍ଟୋରେଜ ପାଇଁ ଏକ ନୂତନ ସିଷ୍ଟମ ପ୍ରସ୍ତୁତ କରିଛି, ଯାହା ଉଭୟ ଆଇଓଏସ୍ ଏବଂ ଆଣ୍ଡ୍ରଏଡ୍ ସହିତ କାମ କରିବ । ଏହି ଏନକ୍ରିପସନ୍ ସିଷ୍ଟମ୍ ଅଧୀନରେ, ଚାଟ୍ ବ୍ୟାକଅପ୍ ଏକ ସ୍ୱତନ୍ତ୍ର ଏବଂ ଭିନ୍ନ ଭାବରେ ସୃଷ୍ଟି ହୋଇଥିବା ଏନକ୍ରିପସନ୍ Key ବ୍ୟବହାର କରି ଏନକ୍ରିପ୍ଟ କରିହେବ। ଉପଭୋକ୍ତାମାନେ ଏହି Keyକୁ ମାନୁଆଲୀ କିମ୍ବା ଏକ ୟୁଜର୍ ପାସୱାର୍ଡ ସହିତ ସୁରକ୍ଷିତ କରିପାରିବେ ।
ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଭାବରେ ବିବେଚନା କରାଯାଇଛି , ଯେହେତୁ ବର୍ତ୍ତମାନ ହ୍ଵାଟସଆପ ଆଣ୍ଡ୍ରଏଡ୍ ମୋବାଇଲ୍ ଫୋନରେ ବ୍ୟାକଅପ୍ କରିବା ପାଇଁ ଗୁଗୁଲ୍ ଡ୍ରାଇଭ୍ ବ୍ୟବହାର କରେ ଏବଂ ବ୍ୟାକଅପ୍ ଏଣ୍ଡ-ଟୁ-ଏଣ୍ଡ ଏନକ୍ରିପ୍ଟ ହୋଇନଥାଏ, ଯାହାକୁ ଅନ୍ୟ କେହି ହାସଲ ମଧ୍ୟ କରିପାରିବେ । ହ୍ଵାଟସଆପର ଏହି ଫିଚର୍ସ ଆସନ୍ତା ସପ୍ତାହରେ ଆପଲ୍ ର ଆଇଓଏସ୍ ଏବଂ ଆଣ୍ଡ୍ରଏଡ୍ ଫୋନରେ ଉପଲବ୍ଧ ହେବ।