ଏଣିକି ଆଇଫୋନ୍ ରୁ ଆଣ୍ଡ୍ରଏଡ୍ କୁ ଟ୍ରାନ୍ସଫର କରିପାରିବେ chat history, Whatsapp ଆଣୁଛି ନୂଆ ଫିଚର
Whatsapp ବ୍ୟବହାରକାରୀଙ୍କ ପାଇଁ ବଡ଼ ଖବର । ବର୍ତ୍ତମାନ ଗୁଗୁଲ ଘୋଷଣା କରିଛି ଯେ ବର୍ତ୍ତମାନ ଆଣ୍ଡ୍ରଏଡ୍ 12 ଉପଭୋକ୍ତା ସୁରକ୍ଷିତ ଭାବରେ ସେମାନଙ୍କର chat history କୁ ଆଇଫୋନ୍ ରୁ ଆଣ୍ଡ୍ରଏଡ୍ କୁ ଟ୍ରାନ୍ସଫର କରିପାରିବେ। ଏହାର ଅର୍ଥ ହେଉଛି ବର୍ତ୍ତମାନ ଗୁଗୁଲ୍ ପିକ୍ସେଲ୍ ବ୍ୟବହାରକାରୀମାନେ ଏହି ଫିଚର୍ସର ଲାଭ ଉଠାଇ ପାରିବେ। ପ୍ରାରମ୍ଭରେ, କମ୍ପାନୀ କିଛି ସାମସଙ୍ଗ ସ୍ମାର୍ଟଫୋନ୍ ପାଇଁ ଏହି ଫିଚର ବାହାର କରିଥିଲା।
ଏହି ନୂତନ ଫିଚର ବିଷୟରେ ଗୁଗୁଲ କହିଛି, ଯେ ଏହା ଆମ Whatsapp ସହିତ ଘନିଷ୍ଠ ଭାବରେ କାର୍ଯ୍ୟ କରିଛୁ ଏବଂ ଏହା ଏପରି ଭାବରେ ଡିଜାଇନ୍ ହୋଇଛି ଯାହା ଦ୍ୱାରା ଉପଭୋକ୍ତାମାନେ Whatsapp chart historyକୁ ଆଇଫୋନରୁ ଆଣ୍ଡ୍ରଏଡକୁ ସ୍ଥାନାନ୍ତର କରିବାରେ ଅସୁବିଧାର ସମ୍ମୁଖୀନ ହେବେ ନାହିଁ। ଗୁଗୁଲ ଅନୁଯାୟୀ, ଏହି ଫିଚର୍ସ ସେହି ସମସ୍ତ ସ୍ମାର୍ଟଫୋନରେ ଉପଲବ୍ଧ ହେବ, ଯାହା ଆଣ୍ଡ୍ରଏଡ୍ 12 OS ସହିତ ଲଞ୍ଚ ହେବ। ଏଭଳି ପରିସ୍ଥିତିରେ, ଏହା ଅନୁମାନ କରାଯାଇପାରେ ଯେ Whatsappରେ ଆସିଥିବା ଏହି ଗୁରୁତ୍ୱପୂର୍ଣ୍ଣ ଫିଚର କେବଳ ଗୁଗୁଲ ପିକ୍ସେଲ ଏବଂ ସାମସଙ୍ଗ ସ୍ମାର୍ଟଫୋନରେ ସୀମିତ ରହିବ ନାହିଁ।
IOS ରୁ ଆଣ୍ଡ୍ରଏଡକୁ ଚାଟ୍ ସ୍ଥାନାନ୍ତର କରିବାକୁ, ଉପଭୋକ୍ତାମାନଙ୍କୁ ଲାଇଟନିଙ୍ଗ USB-C କେବୁଲ୍ ଦରକାର । ଏହି କେବୁଲର ବ୍ୟବହାରକାରୀଙ୍କୁ ତାଙ୍କ ପିକ୍ସେଲ ସ୍ମାର୍ଟଫୋନକୁ ଆଇଫୋନ୍ ସହିତ ସଂଯୋଗ କରିବାକୁ ପଡିବ। ଏହା ପରେ ଆପଣ ପ୍ରାରମ୍ଭିକ ସେଟଅପ୍ ସମୟରେ ନୋଟିଫିକେସନ ପାଇବେ। ତା’ପରେ ଆଇଫୋନରେ QR କୋଡ୍ ସ୍କାନ୍ କରି Whatsapp ଲଞ୍ଚ କରନ୍ତୁ ଏବଂ ଏହା ପରେ ଆପଣଙ୍କର chart history, ମିଡିଆ ଏବଂ ଅନ୍ୟାନ୍ୟ ଜିନିଷ ପିକ୍ସେଲ ଫୋନକୁ ଟ୍ରାନ୍ସଫର କରିପାରିବେ।
ବିଶେଷ କଥା ହେଉଛି ଗୁଗୁଲ କହିଛି ଯେ ଦୁଇଟି ଡିଭାଇସ୍ ମଧ୍ୟରେ ଡାଟା ଟ୍ରାନ୍ସଫର ସମ୍ପୂର୍ଣ୍ଣ ସୁରକ୍ଷିତ ଏବଂ ଉପଭୋକ୍ତାମାନେ ଏହା ବିଷୟରେ ଚିନ୍ତା କରିବାର ଆବଶ୍ୟକତା ନାହିଁ। ଡାଟା ଟ୍ରାନ୍ସଫର ସମୟରେ ଆଇଫୋନରେ କୌଣସି ନୂତନ ମେସେଜ ଗ୍ରହଣ କରାଯିବ ନାହିଁ ବୋଲି ଗୁଗୁଲ ନିଶ୍ଚିତ କରିଛି।
