ଆହୁରି ସ୍ମାର୍ଟ ହେଲା ହ୍ୱାଟ୍ସଆପ୍, ଯାହାକୁ ଚାହିଁବେ ଲୁଚାଇପାରିବେ ଲାଷ୍ଟ୍ ସିନ୍

ହ୍ୱାଟ୍ସଆପ୍ ହେଉଛି ଏକ ଲୋକପ୍ରିୟ ମେସେଜିଂ ଆପ୍। ଯଦିଓ ଏହି ଆପର ସମସ୍ତ ଫିଚର ୟୁଜର୍ସ ମାନଙ୍କ ପାଇଁ ଅତ୍ୟନ୍ତ ଉପଯୋଗୀ, କିନ୍ତୁ ଏହାର ‘Last Seen’ ଫିଚର ବେଳେବେଳେ ଲୋକଙ୍କ ପାଇଁ ସମସ୍ୟା ସୃଷ୍ଟି କରିଥାଏ । ବିଶେଷକରି ଯେତେବେଳେ ଆପଣ କାହାକୁ ମେସେଜ ଦେବାକୁ ଚାହୁଁନାହାଁନ୍ତି। କିନ୍ତୁ ଏବେ ହ୍ୱାଟ୍ସଆପ ନୂଆ ଅପଡେଟ ସହ ନୂଆ ପ୍ରାଇଭେସୀ ଅପ୍ସନ ଆଣିବା ପାଇଁ ପ୍ରସ୍ତୁତ ହେଉଛି । ଯାହା ଦ୍ୱାରା ଉପଭୋକ୍ତାମାନଙ୍କ ‘Last Seen’ କିଏ ଦେଖି ପାରିବେ ଏବଂ କିଏ ଦେଖି ପାରିବେ ନାହିଁ ତାହା ସ୍ଥିର କରିବାକୁ ସମର୍ଥ ହେବେ। ଏହାର ଅର୍ଥ ହେଉଛି ୟୁଜର୍ସ ମାନେ ସେମାନଙ୍କର ‘Last Seen’ କିଛି ଲୋକଙ୍କୁ ଲୁଚାଇ ପାରିବେ ।

ଏହି ଫିଚର ବର୍ତ୍ତମାନ ବିଟା ଭର୍ଜନ ପାଇଁ ରହିଛି । ଲାଷ୍ଟ ସିନ ଦ୍ୱାରା ଏହା ଜଣାଯାଏ ଯେ ଆମେ ଯାହାକୁ ମେସେଜ ପଠାଉଛୁ କିମ୍ବା ପଠାଇବାକୁ ଚାହୁଛୁ ସେ ଶେଷ ଥର କେତେବଳେ ଅନଲାଇନ ରହିଥିଲେ, ଏବଂ କେହିବି ଚାହିଁନଥାନ୍ତି ଯେ କେହି ଅନଲାଇନ ରହିବି ଆପଣଙ୍କ ମେସେଜ ନ ଦେଖୁ । ବର୍ତ୍ତମାନ ଏହାର ବିଟା ଟେଷ୍ଟିଂ ଜାରି ରହିଛି ।

WABetaInfo ଏହି ନୂତନ ଫିଚର ବିଷୟରେ ସୂଚନା ଦେଇଛି ଏବଂ ସ୍କ୍ରିନସଟ୍ ମଧ୍ୟ ସେୟାର୍ କରିଛି, ଯେଉଁଥିରେ ଆଣ୍ଡ୍ରଏଡ୍ ଆପ୍ ରେ ଏହି ଫିଚର କିପରି ଦେଖାଯିବ ତାହା ଦେଖିହେବ । ବର୍ତ୍ତମାନ, ଯଦି ଉପଭୋକ୍ତାମାନେ ସେମାନଙ୍କର ‘Last Seen’କୁ ଲୁଚାଇବାକୁ ଚାହାଁନ୍ତି, ତେବେ ସେମାନଙ୍କୁ ସେଟିଂକୁ ଯିବାକୁ ପଡିବ, ତା’ପରେ ଆକାଉଣ୍ଟକୁ ଯାଆନ୍ତୁ, ଏହା ପରେ ପ୍ରାଇଭେସି ଅପ୍ସନକୁ ଯାଆନ୍ତୁ, ଏବଂ ଏହା ପରେ ଏଠାରେ ‘Last Seen’ ର ବିକଳ୍ପ ଦେଖାଯିବ ।

ଏବେ ଲାଷ୍ଟ ସିନ ଅପ୍ସନରେ କେବଳ ତିନୋଟି ଅପ୍ସନ ରହିଛି , Everyone, My Contacts ଏବଂ Nobody । ନୂଆ ଅପଡେଟ ପରେ ୟୁଜର୍ସଙ୍କୁ My Contacts Except ଅପ୍ସନ ମିଳିବ । ହ୍ୱାଟ୍ସଆପର ଏହି ନୂଆ ଅପଡେଟ ଦ୍ୱାରା ଆପଣ ବାଛିଥିବା କଣ୍ଟାକ୍ଟ ଠାରୁ ଲାଷ୍ଟ ସିନ ଲୁଚାଇବାର ଅନୁମତି ଦେବ । ପ୍ରୋଫାଇଲ୍ ଫଟୋ ଦେଖିବା ପାଇଁ ଯାହା ସେଟ୍ ଅପ୍ ରହିଛି ଏହା ଠିକ ସେହିପରି ।

Leave A Reply

Your email address will not be published.