ଜଲ୍‌ଦି ହିଁ ଆଉ ଏକ ଅପ୍‌ଡେଟ ଆଣୁଛି ହ୍ଵାଟସ୍‌ଆପ, ହାଇ କ୍ୱାଲିଟି ଫଟୋ ପଠାଇଲେ ହେବନି ଖରାପ

ହ୍ଵାଟସ୍‌ଆପ ନିଜ ୟୁଜରମାନଙ୍କ ପାଇଁ ଏବେ ଏକ ନୂଆ ଫିଚର ନେଇକି ଆସୁଛି, ଯାହା ଅଧୀନରେ ୟୁଜରମାନେ ହାଇ ରିଜୋଲ୍ୟୁଶନ ଫଟୋ ପଠାଇ ପାରିବେ ଏବଂ ତାହା କୌଣସି ବି ପ୍ରକାର ଖରାପ ହେବ ନାହିଁ। ଏହି ଫିଚରରୁ ୟୁଜରମାନଙ୍କୁ ଫଟୋକୁ ନେଇ ବେଶ୍‌ ସହାୟତା ମିଳିପାରିବ। ଆସନ୍ତୁ ଜାଣିବା ଏହି ଫିଚର ବିଷୟରେ।

WABetaInfoର ରିପୋର୍ଟ ମୁତାବକ, ହ୍ଵାଟସ୍‌ଆପ ନିଜ Android ଫୋନ୍‌ ୟୁଜରମାନଙ୍କ ପାଇଁ ଏହି ଫିଚର ଆଣିଛି। ହ୍ଵାଟସ୍‌ଆପ ବୀଟା ଭର୍ସନ 2.21.14.6ରେ ଏମିତି ଏକ ଫିଚର ଆସୁଛି, ଯାହାକି ଭିଡିଓ କ୍ୱାଲିଟିକୁ ଖରାପ ହେବାଠୁ ବଞ୍ଚାଇଥାଏ। ଏଥିରେ ୟୁଜରମାନେ ହାଇ କ୍ୱାଲିଟି ଇମେଜ ଏବଂ ଭିଡିଓ ସେଣ୍ଡ କରିପାରିବେ, କିନ୍ତୁ କ୍ୱାଲିଟି ଆଦୌ ଖରାପ ହେବ ନାହିଁ।

ରିପୋର୍ଟ ଅନୁସାରେ, ଲାଟେଷ୍ଟ ଭର୍ସନରେ ଭିଡିଓ ଏବଂ ଫଟୋ ଅପଲୋଡ୍‌ କମ୍ପ୍ରେଶନକୁ ତୟ କରିବା ପାଇଁ ୩ ବିକଳ୍ପ ମିଳିବ। ତାହା ହେଉଛି Auto, Best quality ଏବଂ Data saver।

ଫୋନ୍‌ରେ ସ୍ଲୋ ଡେଟା କନେକ୍ସନ ହେଲେ Auto ଅପଶନ ଭିଡିଓକୁ କମ୍ପ୍ରେସ୍‌ଡ ଫାଇଲ ଫର୍ମାଟରେ ହିଁ ପଠାଇବ। Data saver ଅପଶନ ସେହି ୟୁଜରମାନଙ୍କ ପାଇଁ ରହିଛି, ଯେଉଁମାନେ ଅନ୍ୟ ୟୁଜରଙ୍କୁ ଭିଡିଓ ପଠାଇବାକୁ ଚାହୁଁଛନ୍ତି, କିନ୍ତୁ ନିଜର ସମସ୍ତ ମାସିକ ଡେଟା ସାରିବାକୁ ଚାହୁଁ ନାହାନ୍ତି। Best quality ଜରିଆରେ ୟୁଜରମାନେ ନିଜ କ୍ୱାଲିଟି କମ୍‌ ନ କରି ଏବଂ ବିନା ଫାଇଲ ଫର୍ମାଟରେ ଗ୍ୟାଲେରୀରୁ କୌଣସି ବି ଭିଡିଓ ସିଧା ପଠାଇ ପାରିବେ। ଯଦିଓ ଏହି ପ୍ରକ୍ରିୟାରେ ଅଧିକ ଟାଇମ୍‌ ଲାଗିପାରେ।