ଚାଟିଂ ଆପ୍ ହ୍ୱାଟ୍ସଆପ୍ ଜୀବନକୁ ପରସ୍ପର ସହ ଯୋଡି ରହିବା ପାଇଁ ସହଜ କରିଦେଇଛି। ଏହି ଭର୍ଚୁଆଲ ଦୁନିଆରେ ଅନଲାଇନ୍ ସ୍କାମ୍ ଲୋକଙ୍କୁ ବହୁତ ସମସ୍ୟାରେ ପକାଇଛି ଏବଂ ହ୍ୱାଟ୍ସଆପ୍ ମଧ୍ୟ ଏହି ସ୍କାମକୁ ବଢ଼ାଇବାରେ କାମରେ ଆସିଛି। ଏହା ନୋଟିସକୁ ଆସିଛି ଯେ ହ୍ୱାଟ୍ସଆପ୍ ଏକ ଫିଚର ଉପରେ କାମ କରୁଛି ଯାହା ଆପଣଙ୍କୁ ଏହି ସ୍କାମରେ ପଡ଼ିବାରେ ରୋକିବ।
ସୂଚନା ଅନୁଯାୟୀ WABetaInfoର ଏକ ରିପୋର୍ଟରେ ଅନଲାଇନ୍ ଚାଟିଂ ପ୍ଲାଟଫର୍ମ ହ୍ୱାଟ୍ସଆପ୍ ଏକ ନୂତନ ପ୍ରାଇଭେସି ଫିଚର ଉପରେ କାମ କରୁଛି।ଏହି ଫିଚର ସାହାଯ୍ୟରେ ଅନ୍ୟ କୌଣସି ଫୋନରେ ହ୍ୱାଟ୍ସଆପ୍ ଖୋଲିବା ପାଇଁ ଆପଣଙ୍କୁ ଏକ ଡବଲ୍ ଭେରିଫିକେସନ୍ କୋଡ୍ ଦରକାର। ଏହି ଫିଚର ବର୍ତ୍ତମାନ ସୁଦ୍ଧା ହ୍ୱାଟ୍ସଆପ୍ ଦ୍ୱାରା ନିଶ୍ଚିତ ହୋଇନାହିଁ। କିନ୍ତୁ ଏହା ଖୁବ୍ ଶୀଘ୍ର ଘୋଷଣା ହେବାକୁ ଯାଉଛି ବୋଲି କୁହାଯାଉଛି। ବର୍ତ୍ତମାନ ଏହି ଫିଚର ଉପରେ ଏବେ ପରୀକ୍ଷା କରାଯାଉଛି।
WABetaInfo ଯେଉଁ ସ୍କ୍ରିନ୍ସଟ୍ ସେୟାର କରିଛି।ଏହା ମୁତାବିକ ନୂଆ ଫୋନ୍ରେ ହ୍ୱାଟ୍ସଆପ୍ରେ ଲଗ୍-ଇନ୍ କରିବା ପୂର୍ବରୁ ଆପଣଙ୍କୁ ଦୁଇଟି ଭେରିଫିକେସନ କୋଡ୍ ଭରିବାକୁ ହେବ । ଏକ ଭେରିଫିକେସନ କୋଡ୍ ତ ଆପଣଙ୍କୁ ଏସଏମଏସ ମାଧ୍ୟମରେ ପଠାଯାଇ ଥାଏ , ଏବେ ଆଉ ଏକ କୋଡ ପଠାଯିବ । ଅତିରିକ୍ତ ସିକ୍ୟୁରିଟି ପାଇଁ ଆପଣଙ୍କୁ ଦ୍ୱିତୀୟ କୋଡ୍କୁ କନଫର୍ମ କରିବାକୁ ହେବ ଏବଂ ଏହାପରେ ହିଁ ଆପଣ କୌଣସି ଦ୍ୱିତୀୟ ଡିଭାଇସରେ ହ୍ୱାଟ୍ସଆପ୍ ଖୋଲି ପାରିବେ ।
ହ୍ୱାଟ୍ସଆପ୍ ଏହି ଫିଚରକୁ ସ୍ୱତନ୍ତ୍ର ଭାବରେ ରିଲିଜ୍ କରୁଛି । ଯାହା ଦ୍ୱାରା ଆପଣ ଆପଣଙ୍କର ଆକାଉଣ୍ଟକୁ ସୁରକ୍ଷିତ ରଖିପାରିବେ ଏବଂ ଏହା ହ୍ୟାକ୍ ହେବନାହିଁ। ଏହି ଫିଚର ସହିତ ଆପଣଙ୍କର ହ୍ୱାଟ୍ସଆପ୍ ଆକାଉଣ୍ଟକୁ ସହଜରେ ହ୍ୟାକ୍ କିମ୍ବା ଚୋରୀ ହୋଇପାରିବ ନାହିଁ କାରଣ ଡବଲ୍ ଭେରିଫିକେସନ୍ କୋଡ୍ ଥିବାରୁ ଆପଣ ହ୍ୱାଟ୍ସଆପ୍ ସ୍କାମରେ ପସି ପାରିବେ ନାହିଁ।ସାଧରଣତଃ ଏହି ସ୍କାମଗୁଡ଼ିକ କେବଳ OTP ମାଧ୍ୟମରେ ଘଟେ ଏବଂ ଏହି କ୍ଷେତ୍ରରେ ସିକ୍ୟୁରିଟି କୋଡ୍ ଆପଣଙ୍କୁ ଏହି ସ୍କାମରୁ ରକ୍ଷା କରିପାରିବ। ଏହି ଫିଚର କେବେ ରୋଲ ଆଉଟ୍ ହେବ ସେ ସମ୍ବନ୍ଧରେ ସୂଚନା ପ୍ରକାଶ କରାଯାଇ ନାହିଁ। କିନ୍ତୁ ଏହା ନିଶ୍ଚିତ ଭାବରେ ଜଣା ଯେ ଏହା ଉଭୟ ଆଣ୍ଡ୍ରଏଡ୍ ଏବଂ ଆଇଓଏସ୍ ପାଇଁ ରିଲିଜ୍ ହେଉଛି।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…