WhatsApp ନିଜ ୟୁଜରମାନଙ୍କ ପାଇଁ ଲଗାତାର ନୂଆ ନୂଆ ଫିଚର ଆଣୁଛି। ସେଥିମଧ୍ୟରୁ କିଛି ଫିଚର୍ସ ଷ୍ଟେବଲ୍ ପ୍ଲାଟଫର୍ମରେ ଥିବା ବେଳେ ଆଉ କିଛି ଫିଚର୍ସ beta versionରେ ଉପଲବ୍ଧ ରହିଛି। ଚୀନ୍ ଟେକ୍ ସାଇଟ୍ ‘Weibo’ WhatsAppର କିଛି ଫିଚର୍ସକୁ ନେଇ ଏକ ରିପୋର୍ଟ ଜାରି କରିଥିଲା, ଯେଉଁଥିରୁ ଜଣାପଡ଼ିଛି, ଏହି ଫିଚରଗୁଡ଼ିକୁ ନୂଆ ବର୍ଷ ମଉକାରେ ଅଣାଯିବ। ଯଦିଓ ଏ ପଯ୍ୟର୍ନ୍ତ WhatsApp ଏ ନେଇ କୌଣସି ଅଫିସିଆଲ୍ ସୂଚନା ଦେଇନି। ତେବେ ଆଜି ଆମେ ଆପଣଙ୍କୁ କହିବାକୁ ଯାଉଛୁ, ନୂଆ ବର୍ଷରେ WhatsApp କେଉଁ ସବୁ ଫିଚର ଆଣିପାରେ।
Low Data Mode
ହି ଫିଚରକୁ WhatsApp ଆଇଓଏସ୍ ୟୁଜରଙ୍କ ପାଇଁ ଉପଲବ୍ଧ କରାଇବ। ବର୍ତ୍ତମାନ କମ୍ପାନୀ ଏହା ଉପରେ କାମ କରୁଛି। ଏଠି ଆପଣ Low Data Mode ଜରିଆରେ ଡାଟା ବ୍ୟବହାରକୁ କମ୍ କରିପାରିବେ।
ରିପୋର୍ଟ ମୁତାବକ, ଯେମିତି ଆପଣ ଏହି ମୋଡ୍କୁ ଅନ୍ କରିବେ, ଏହି ଫିଚର ଅଟୋ ଡାଉନ୍ଲୋଡିଙ୍ଗ୍ ସେଟିଙ୍ଗ୍ ଅନ୍ ହେବା ସତ୍ତ୍ୱେ ଆପେ ଆପେ ଫଟୋ ଏବଂ ଭିଡିଓ ଡାଉନ୍ଲୋଡିଙ୍ଗ୍କୁ ରୋକିପାରିବ। ଏହାଛଡ଼ା ଆପଣ ଅଟୋ ଡାଉନ୍ଲୋଡ ଭଏସ୍ ମେସେଜ୍କୁ ଡାଉନ୍ଲୋଡ୍ ହେବାରୁ ମଧ୍ୟ ରୋକି ପାରିବେ। ଏହାଦ୍ୱାରା ଡାଟା ବ୍ୟବହାର ଅନେକାଂଶରେ କମ୍ ହୋଇଯିିବ।
Dark Mode
WhatsApp ୟୁଜରମାନଙ୍କ ପାଇଁ ଡାର୍କ ମୋଡ୍ ଫିଚର ଆଣିବାକୁ ଯାଉଥିବା କିଛି ଦିନ ପୂର୍ବରୁ ଘୋଷଣା କରିଥିଲା। ମିଡିଆ ରିପୋର୍ଟ ମୁତାବକ, ଏହା ଖୁବ୍ଶୀଘ୍ର ଆଇଓଏସ୍ ୧୩ ପାଇଁ Dark Mode ଫିଚର ଜାରି କରିବ। ୟୁଜରମାନଙ୍କୁ Dark Mode ଆକ୍ଟିଭ୍ କରିବା ପାଇଁ ଅରିଜିନାଲ୍ ନାଇଟ୍ ଥିମ୍, ଡାର୍କ ଥିମ୍ ଏବଂ ବ୍ୟାଟେରୀ ସେଭର୍ ମୋଡ୍ ମିଳିବ।
Delete Message
WhatsApp ନିଜ ଆଣ୍ଡ୍ରୋଏଡ୍ ୟୁଜରଙ୍କ ପାଇଁ ଡିଲିଟ୍ ମେସେଜ ଫିଚର ଆଣିବ। ଏହି ଫିଚର ଜରିଆରେ ଟାଇମିଙ୍ଗ୍ ସେଟ୍ କରି ମେସେଜ୍ ଡିଲିଟ୍ କରିପାରିବେ। ଏହି ଫିଚରକୁ ଏବେ ଟେଷ୍ଟିଂ ଫେଜ୍ରେ ରଖାଯାଇଛି। ତେବେ ଖୁବ୍ଶୀଘ୍ର ଏହା ଲଞ୍ଚ୍ କରିବ ବୋଲି ଆଶା କରାଯାଉଛି।
Wallpaper Mode
ୟୁଜରଙ୍କୁ WhatsAppରେ ଓ୍ଵାଲ୍ପେପରର ଅପ୍ଶନ ଏକ ଅଲଗା ସେକ୍ସନ ‘ଡିସ୍ପ୍ଲେ’ରେ ମିଳିବ। ଏହା ପୂର୍ବରୁ ଏହି ଅପ୍ଶନ ଚ୍ୟାଟ୍ ସେଟିଙ୍ଗ୍ରେ ଦେଖିବାକୁ ମିଳୁଥିଲା। ୟୁଜରମାନଙ୍କୁ ଏବେ ଓ୍ଵାଲ୍ପେପର ବଦଳାଇବା ପାଇଁ ସିଧା ଡିସ୍ପ୍ଲେ ଅପ୍ଶନକୁ ଯିବାକୁ ପଡ଼ିବ। ଏହାପରେ ନିଜ ହିସାବରେ ଓ୍ଵାଲ୍ପେପର ବାଛିବାକୁ ହେବ।