Xiaomi ଲଭର୍ସମାନଙ୍କ ପାଇଁ ଆସିଲା ଖାସ୍ ଖବର । ଲଞ୍ଚ ହେଲା Xiaomi ର ଜବରଦସ୍ତ ସ୍ମାର୍ଟଫୋନ୍ । Xiaomi ଭାରତରେ ୨୦୦MP କ୍ୟାମେରା ସହିତ ଏକ ଶସ୍ତା ଫୋନ୍ ଲଞ୍ଚ କରିଛି । Xiaomi Redmi Note 15 Pro ସିରିଜ୍ ଲଞ୍ଚ କରିଛି, ଯେଉଁଥିରେ ଏକ ଫ୍ଲାଗସିପ୍ କ୍ୟାମେରା ଏବଂ ଏକ ପାୱାରଫୁଲ୍ ବ୍ୟାଟେରୀ ଭଳି ଫିଚର୍ସ ପ୍ରଦାନ କରାଯିବ । ଏହି ସିରିଜରେ, କମ୍ପାନୀ ଦୁଇଟି ଫୋନ୍ ଲଞ୍ଚ କରିଛି, Redmi Note 15 Pro ଏବଂ Redmi Note 15 Pro+ । ପୂର୍ବରୁ, କମ୍ପାନୀ ଭାରତରେ Redmi Note 15 ଲଞ୍ଚ କରିଥିଲା । କମ୍ପାନୀ ଗତ ବର୍ଷ ଘରୋଇ ବଜାରରେ ଏହି ସିରିଜ୍ ଲଞ୍ଚ କରିଥିଲା ।
ଫିଚର୍ସ:
ଉଭୟ Redmi Note 15 Pro ଫୋନରେ ୬.୮୩ ଇଞ୍ଚ AMOLED ଡିସପ୍ଲେ ରହିଛି । ଫୋନରେ ୧.୫K AMOLED ଡିସପ୍ଲେ ପ୍ୟାନେଲ୍ ଅଛି ଯାହା ୧୨୦Hz ହାଇ ରିଫ୍ରେସ୍ ହାର ଏବଂ ୩,୨୦୦ ନିଟ୍ସ ପର୍ଯ୍ୟନ୍ତ ପିକ୍ ବ୍ରାଇଟନେସକୁ ସପୋର୍ଟ କରେ । ଡିସପ୍ଲେ ପ୍ରୋଟେକ୍ସନ ପାଇଁ କମ୍ପାନୀ Corning Gorilla Glass Victus 2 ବ୍ୟବହାର କରିଛି ।
Redmi Note 15 Pro+ ରେ Qualcomm Snapdragon 7s Gen 4 ପ୍ରୋସେସର ଅଛି, ଯାହା ୧୨GB ପର୍ଯ୍ୟନ୍ତ RAM ଏବଂ ୫୧୨GB ଇଣ୍ଟରନାଲ୍ ଷ୍ଟୋରେଜ ସହିତ ଆଡ୍ ହୋଇଛି । Redmi Note 15 Pro ରେ MediaTek Dimensity 7400 Ultra ପ୍ରୋସେସର ଅଛି, ଯାହା ୮GB RAM ଏବଂ ୨୫୬GB ଷ୍ଟୋରେଜ ସହିତ ଆଡ୍ ହୋଇଛି ।
ଉଭୟ ଫୋନ୍ ବ୍ୟାକରେ ଡୁଆଲ୍ କ୍ୟାମେରା ସେଟଅପ୍ ରହିଛି । ଫୋନରେ ୨୦୦MP ମେନ୍ OIS କ୍ୟାମେରା ସହିତ ୮MP ସେକେଣ୍ଡାରୀ ଅଲ୍ଟ୍ରା-ୱାଇଡ୍ କ୍ୟାମେରା ରହିଛି । Redmi Note 15 Pro ରେ ୨୦MP ସେଲଫି କ୍ୟାମେରା ଅଛି, ଯେତେବେଳେ Redmi Note 15 Pro Plus ରେ ୩୨MP ସେଲଫି କ୍ୟାମେରା ଅଛି । ଉଭୟ ଫୋନ୍ IP66 + IP68 + IP69 + IP69K ରେଟିଂ ପ୍ରାପ୍ତ । ପାଣିରେ ବୁଡ଼ିଗଲେ ମଧ୍ୟ ଫୋନଟି କ୍ଷତିକାରକ ହେବ ନାହିଁ ।
Redmi Note 15 Pro+ 5G ରେ ୧୦୦W ଫାଷ୍ଟ ଚାର୍ଜିଂ ସହିତ ୬୫୦୦mAh ବ୍ୟାଟେରୀ ଦିଆଯାଇଛି । Redmi Note 15 Pro ରେ 45W ଫାଷ୍ଟ ଚାର୍ଜିଂ ସହିତ ୬୫୮୦mAh ବ୍ୟାଟେରୀ ଦିଆଯାଇଛି । ଉଭୟ ଫୋନ୍ ୨୨.୫W ରିଭର୍ସ ଚାର୍ଜିଂକୁ ସପୋର୍ଟ କରେ । ଏଗୁଡ଼ିକ Android 16 ଉପରେ ବେସ୍ଡ Xiaomi HyperOS 3 ରେ ଚାଲିଥାଏ।
ପ୍ରାଇସ୍:
Redmi Note 15 Pro ସିରିଜ୍ ଭାରତରେ ୨୯,୯୯୯ ଟଙ୍କାରୁ ଆରମ୍ଭିକ ମୂଲ୍ୟରେ ଲଞ୍ଚ କରାଯାଇଛି । ଏହି ସିରିଜ୍ ସେଲ୍ ଉପରେ ୩,୦୦୦ ଟଙ୍କାର ବ୍ୟାଙ୍କ ଡିସକାଉଣ୍ଟ ଉପଲବ୍ଧ, ଯାହା ସିରିଜ୍ ୨୬,୯୯୯ ଟଙ୍କାରୁ ଆରମ୍ଭିକ ମୂଲ୍ୟକୁ ଆଣିଛି । କମ୍ପାନୀ ଫୋନ୍ କିଣିବା ସହିତ ଗୋଟିଏ ବର୍ଷ ପାଇଁ ଫ୍ରି ସ୍କ୍ରିନ୍ ରିପ୍ଲେସମେଣ୍ଟ ଅଫର କରୁଛି । ଫୋନ୍ ପ୍ରି-ବୁକ୍ କରୁଥିବା ୟଜର୍ସମାନଙ୍କୁ ଫ୍ରିରେ Redmi Watch Move ମଧ୍ୟ ପ୍ରଦାନ କରାଯାଉଛି ।
ଜାଣିରଖନ୍ତୁ ଯେ, Redmi Note 15 Pro+ ରେ କିଲୋଟି କଲର ଅପ୍ସନ ରହିଛି । ଯାହା ହେଉଛି- କଫି ମୋଚା, ମିରେଜ୍ ବ୍ଲୁ ଏବଂ କାର୍ବନ ବ୍ଲାକ୍ । Redmi Note 15 Pro ରେ ମଧ୍ୟ ତିନୋଟି କଲର ଅପ୍ସନ ଅଛି । ଯାହା ହେଉଛି- ସିଲଭର ଆଶ୍, ମିରେଜ୍ ବ୍ଲୁ ଏବଂ କାର୍ବନ ବ୍ଲାକ୍ । ଉଭୟ Redmi ଫୋନର ପ୍ରଥମ ସେଲ୍ ଫେବୃଆରୀ ୪ ତାରିଖ ଦିନ ମଧ୍ୟାହ୍ନ ୧୨ ଟାରେ କମ୍ପାନୀର ଅଫିସିଆଲ୍ ୱେବସାଇଟ୍ ଏବଂ Amazon ରେ ଉପଲବ୍ଧ ହେବ । ଏଥିସହ ଯଦି ଆପଣ କମ୍ ବଜେଟରେ ଏକ ପାୱାରଫୁଲ୍ ସ୍ମାର୍ଟଫୋନ୍ କିଣିବାକୁ ପ୍ଲାନ୍ କରୁଛନ୍ତି, ତେବେ ଏହି ଫୋନଟି ଆପଣମାନଙ୍କ ପାଇଁ ବେଷ୍ଟ ଅପ୍ସନ ହୋଇପାରିବ ।
Also read: ଭାରତରେ ଲଞ୍ଚ ହେବ Samsung Galaxy A07 5G, ୟୁଜର୍ସଙ୍କୁ ମିଳିବ ଦମଦାର ଫିଚର୍ସ ସହିତ ପାୱାରଫୁଲ୍ ବ୍ୟାଟେରୀ