ଜାଣିନଥିବେ Google Mapର ଏହି ୫ଟି ସିକ୍ରେଟ ଫିଚର, ଜାଣନ୍ତୁ ସମ୍ପୂର୍ଣ୍ଣ ତଥ୍ୟ

ଆଜିକାଲି ଗୁଗୁଲ୍ ମ୍ୟାପ୍ ଲୋକଙ୍କ ପାଇଁ ଏକ ଆବଶ୍ୟକତା ପାଲଟିଛି । ଗୁଗୁଲ୍ ମ୍ୟାପର ଅନେକ ସିକ୍ରେଟ ଫିଚର୍ସଗୁଡିକ ବିଷୟରେ ବହୁତ କମ୍ ଲୋକ ଜାଣନ୍ତି, ଯାହା ବିଷୟରେ ଆଜି ଆମେ ଆପଣଙ୍କୁ କହିବାକୁ ଯାଉଛୁ … ଆଜିର ସମୟରେ, ଗୁଗୁଲ୍ ମ୍ୟାପ୍ ବିଷୟରେ ସମସ୍ତେ ଅବଗତ ଅଛନ୍ତି । ଆପଣ ଆପଣଙ୍କର ଲୋକେସନ କାହାକୁ ପଠାଇବାକୁ ଚାହୁଁଛନ୍ତି କିମ୍ବା ଏକ ରାସ୍ତା ଖୋଜିବାକୁ ଚାହୁଁଥିବା ସମୟରେ ଗୁଗୁଲ୍ ମ୍ୟାପ୍ ବହୁତ ସାହାଯ୍ୟ କରିଥାଏ । କିନ୍ତୁ ଆପଣ ଜାଣନ୍ତି କି ଗୁଗୁଲ୍ ମ୍ୟାପରେ ଏହିପରି କିଛି ଫିଚର୍ସ ମଧ୍ୟ ଉପଲବ୍ଧ, ଯାହା ଅତ୍ୟନ୍ତ ଉପଯୋଗୀ ।

-ଗୁଗୁଲର ପ୍ରଥମ ଫିଚରର ନାମ ହେଉଛି Street View Time Travel । ଏଥିରେ ଆପଣ ପୁରୁଣା ସମୟକୁ ଯାଇ ଦେଖିପାରିବେ ଯେ ପୁରୁଣା ସମୟରେ ଏକ ଲୋକେସନ କିପରି ଦେଖାଯାଉଥିଲା । ଯଦିଓ ଏହା କେବଳ କେତେକ ସ୍ଥାନରେ ଉପଲବ୍ଧ ହୋଇଥାଏ ।

-ଦ୍ୱିତୀୟ ଫିଚର ହେଉଛି Offline Navigation Feature । ଏହି ଫିଚରର ସବୁଠାରୁ ବଡ ସୁବିଧା ହେଉଛି ଏହାର ସାହାଯ୍ୟରେ ଆପଣ ସହଜରେ ଇଣ୍ଟରନେଟ୍ ବିନା ଯେକୌଣସି ସ୍ଥାନର ଲୋକେସନ ପାଇପାରିବେ । ଏଥିପାଇଁ ଆପଣଙ୍କୁ ସେହି ସ୍ଥାନଟିକୁ ଆଗରୁ ମ୍ୟାପରେ ଡାଉନଲୋଡ୍ କରିବାକୁ ପଡିବ ।

-ତୃତୀୟ ଫିଚର AI ସହିତ ଜଡିତ । ଏଥିରେ, ଆପଣ ଯାତ୍ରା ସମୟରେ ଜେମିନି AI ସାହାଯ୍ୟରେ ନିଜ ଗନ୍ତବ୍ୟ ସ୍ଥଳକୁ ଯାଇପାରିବେ । ଭଏସ୍ କମାଣ୍ଡ୍ ସାହାଯ୍ୟରେ ଏହି ନାଭିଗେସନ୍ କରାଯାଇପାରିବ ।

-ଚତୁର୍ଥ ଫିଚର ହେଉଛି ଇଲେକ୍ଟ୍ରିକ ଯାନ ସେଟିଂ ଫିଚର, ଯାହା ଅତ୍ୟନ୍ତ ଉପଯୋଗୀ । ଏହାର ସାହାଯ୍ୟରେ, ଆପଣ ନିଜ ଇଭି ଗାଡି ପାଇଁ ଚାର୍ଜିଂ ଷ୍ଟେସନକୁ ସହଜରେ ଖୋଜି ପାରିବେ । ଏଥିପାଇଁ ଆପଣଙ୍କୁ ଗୁଗୁଲ୍ ମ୍ୟାପରେ ଚାର୍ଜର ଟାଇପ୍ ଖୋଜିବାକୁ ପଡିବ ଏବଂ ନିକଟସ୍ଥ ଇଲେକ୍ଟ୍ରିକ୍ ଚାର୍ଜିଂ ଷ୍ଟେସନ୍ ଲେଖି ମଧ୍ୟ ସର୍ଚ୍ଚ କରିବାକୁ ପଡିବ ।

-ପଞ୍ଚମ ଫିଚରରେ, ଆପଣ ଗୁଗୁଲ୍ ମ୍ୟାପ୍ ସାହାଯ୍ୟରେ ଯେକୌଣସି ହୋଟେଲରେ ନିଜ ପାଇଁ ଏକ ଡିନର ଟେବୁଲ୍ ବୁକ୍ କରିପାରିବେ । ଏଥିପାଇଁ ଆପଣଙ୍କୁ ଗୁଗୁଲ୍ ମ୍ୟାପ୍ ଯାଇ Near By Hotel ଖୋଜିବାକୁ ପଡିବ । ଏଠାରେ ଆପଣ ରେଷ୍ଟୁରାଣ୍ଟଗୁଡିକର ଏକ ଲିଷ୍ଟ ପାଇପାରିବେ ।