Odisha News
.

ହ୍ଵାଟ୍ସଆପରେ ଆସୁଛି ସବୁଠାରୁ ଗୁରୁତ୍ୱପୂର୍ଣ୍ଣ ଫିଚର, ଏବେ ଆପଣଙ୍କ କାମ ହୋଇଯିବ ଆହୁରି ସହଜ

ନିକଟରେ ହ୍ଵାଟ୍ସଆପ ଆଇଫୋନର ୟୁଜରମାନଙ୍କ ପାଇଁ ବିଟା ଭର୍ସନ ଜାରି କରିଥିଲା । ଏଥର ଆଇଫୋନର ବିଟା ଭର୍ସନରେ ଅନେକ ଭଲଫିଚର୍ସ ମଧ୍ୟ ଯୋଡାଯାଇଛି । ଆଇଫୋନର ନୂଆ ବିଟା ଭର୍ସନରେ ଫେସବୁକ ପେ ମଧ୍ୟ ଯୋଡାଯାଇଛି । ଏହାବ୍ୟତୀତ ନୂଆ ଅପଡେଟ ପରେ ଯଦି ଆପଣ କାହାକୁ ବ୍ଲକ କରିବେ ତାହେଲେ ତାକୁ ନୋଟିଫିକେସନ ମଧ୍ୟ ମିଳିବ ଯାହାକି ଆଜିପର୍ଯ୍ୟନ୍ତ ହୋଇନଥିଲା ।

ନୂଆ ଅପଡେଟ ପରେ ଆପଣ କାହାକୁ ବ୍ଲକ କରନ୍ତୁ କିମ୍ବା ଅନବ୍ଲକ ସବୁ ସ୍ଥିତିରେ ତାଙ୍କୁ ନୋଟିଫିକେସନ ମିଳିବ । ଏହି ଦୁଇଟି ଫିଚର୍ସ ହ୍ଵାଟ୍ସଆପର ଆଇଫୋନ ବିଟା ଭର୍ସନ 2.19.120.21ରେ ଦେଖିବାକୁ ମିଳିଛି । ଏହାର ସୂଚନା ହ୍ଵାଟ୍ସଆପର ଫିଚରକୁ ଟ୍ରାକ କରୁଥିବା ୱେବସାଇଟ WABetaInfoରେ ଦିଆଯାଇଛି ।

ଏହାସହ ପଢ଼ନ୍ତୁ ବଦଳିଗଲା ହ୍ଵାଟ୍ସଆପର ଡିଜାଇନ, ଫଟୋରେ ଦେଖନ୍ତୁ ନୂଆ ଲୁକ

ସୂଚନା ଅନୁଯାୟୀ ନିକଟରେ ଫେସବୁକର ନୂଆ ପେମେଣ୍ଟ ସିଷ୍ଟମ Facebook Payକୁ ଆମେରିକାରେ ଲଞ୍ଚ କରାଯାଇଛି । ଏହାଦ୍ୱାରା ହ୍ଵାଟ୍ସଆପ, ଇନଷ୍ଟାଗ୍ରାମ ଏବଂ ମେସେଞ୍ଜରର ୟୁଜର ମାନେ ଅନଲାଇନ ପେମେଣ୍ଟ କରିପାରିବେ ଓ ଅତିଶୀଘ୍ର ଫେସବୁକ ଏହି ସିଷ୍ଟମକୁ ବିସ୍ତାର କରିବାକୁ ଯାଉଛି ।

ଫେସବୁକର କହିବା ଅନୁଯାୟୀ Facebook Payକୁ ଅତିଶୀଘ୍ର ଫଣ୍ଡରେଜିଙ୍ଗ, ଗେମ ପରଚେଜ, ପର୍ସନ ଟୁ ପର୍ସନ ପେମେଣ୍ଟ ଏବଂ ବ୍ୟବସାୟୀ ମାନଙ୍କ କିଣାକିଣି ପାଇଁ ଆରମ୍ଭ କରାଯିବ । ଏହାସହିତ କମ୍ପାନୀର ମୁଖ୍ୟ ଅଧିକାରୀଙ୍କ କହିବା ଅନୁଯାୟୀ ଏହାକୁ ଅଧିକରୁ ଅଧିକ ଲୋକଙ୍କ ନିକଟରେ ପହଞ୍ଚାଇବା ଆମର ଲକ୍ଷ । ତାଛଡା ହ୍ଵାଟ୍ସଆପ ଏବଂ ଇନଷ୍ଟାଗ୍ରାମ ୟୁଜର୍ସ ମାନଙ୍କୁ ମଧ୍ୟ ପେମେଣ୍ଟ କରିବାର ସୁବିଧା ମିଳିବ ।

Loading...

Leave A Reply

Your email address will not be published.