Sabuthi Sabubele Hata Muthare Khabar

ଜାଣନ୍ତୁ କଣ ପାଇଁ ଅଫିସରେ ମହିଳାମାନଙ୍କୁ ହୁଏ ଏସି ପାଇଁ ପ୍ରୋବ୍ଲେମ

ଯଦି ଆପଣ ଅଫିସରେ କାମ କରୁଛନ୍ତି ତାହେଲେ ନିଶ୍ଚୟ ଲକ୍ଷ୍ୟ କରିଥିବେ ଯେ ଖରାଦିନେ ମଧ୍ୟ ଏସିର ଟେମ୍ପରେଚରକୁ ନେଇ ଅଫିସରେ ଗୁଞ୍ଜରଣ ସୃଷ୍ଟି ହୋଇଥାଏ । ସାଧାରଣତଃ ମହିଳାମାନଙ୍କୁ ଏସିର କୁଲିଂ ନେଇ ଅଧିକ ସମସ୍ୟା ଦେଖା ଦେଇଥାଏ । ଯଦି ଆପଣ ଆଖପାଖରେ ଦେଖିବେ ତାହେଲେ ଅଫିସରେ ସ୍ଵେଟର, ଜ୍ୟାକେଟ ବା ଷ୍ଟୋଲ ବ୍ୟବହାର କରୁଥିବା ମହିଳା ଆପଣଙ୍କୁ ନିଶ୍ଚୟ ମିଳିଯିବେ କିନ୍ତୁ ପୁରୁଷମାନେ ଏପରି କରନ୍ତି ନାହିଁ । ବର୍ତ୍ତମାନ ବିଜ୍ଞାନ ମଧ୍ୟ ଏହା ପ୍ରମାଣ କରିଦେଇଛି ଯେ ଥଣ୍ଡାର ପ୍ରଭାବ ମହିଳା ଏବଂ ପୁରୁଷଙ୍କ ଉପରେ ଭିନ୍ନ ଭିନ୍ନ ଭାବରେ ପଡ଼ିଥାଏ ।

ସୂଚନାରୁ ଜଣାଯାଏ ଯେ ମହିଳାମାନେ ଅଧିକ ତାପମାତ୍ରାରେ ଭଲକାମ କରିପାରୁଥିବା ବେଳେ ପୁରୁଷମାନେ କମ ତାପମାତ୍ରାରେ ଭଲ ପ୍ରଦର୍ଶନ କରିଥାନ୍ତି । ଗବେଷକମାନେ ୫୦୦ ଲୋକଙ୍କୁ ନେଇ ୨୪ଟି ଗୃପ ବନାଇଥିଲେ । ସେମାନେ ୬୧ ଡିଗ୍ରୀରୁ ୯୧ ଡିଗ୍ରୀ ଫାରେନହାଇଟ ମଧ୍ୟରେ ଅନେକ ପରୀକ୍ଷା ନିରୀକ୍ଷା କରିଥିଲେ । ଶେଷରେ ଜଣାପଡିଲା କି ମହିଳାମନେ ଅଧିକ ତାପମାତ୍ରାରେ ଭଲ କାମ କରୁଥିବା ବେଳେ ପୁରୁଷମାନେ କମ ତାପମାତ୍ରାରେ ଭଲ ପ୍ରଦର୍ଶନ କରି ପାରୁଥିଲେ । ଆପଣ ଶୁଣି ଆଶ୍ଚର୍ଯ୍ୟ ହେବେ ଯେ ଅଧିକାଂଶ ଅଫିସରେ ଏସି ଟେମ୍ପରେଚର ପୁରୁଷମାନଙ୍କ ହିସାବରେ ସେଟ କରାଯାଇଥାଏ ଯାହାକି ସେମାନଙ୍କ ପାଇଁ ଆରାମଦାୟକ ହୋଇଥାଏ ।

ଏହାସହ ପଢନ୍ତୁ ଏବେ ଅଫିସରେ ସମସ୍ତଙ୍କ ପସନ୍ଦ ଷ୍ଟାଣ୍ଡିଂ ଡେସ୍କ, ଜାଣନ୍ତୁ କଣ ରହିଛି ଏହାର ଫାଇଦା

ମହିଳାଙ୍କ ଶରୀରର ମେଟାବୋଲିକ ରେଟ ପୁରୁଷମାନଙ୍କ ତୁଳନାରେ କମ । ଏହା ସହିତ ସେମାନଙ୍କ ଶରୀର କମ ଉତ୍ତାପ ରିଲିଜ କରିଥାଏ ଯାହାଦ୍ୱାରା ସେମାନଙ୍କ ଶରୀର ଅଧିକ ଗରମ ହୋଇନଥାଏ । ତେଣୁ ଯଦି ଆପଣଙ୍କ ଅଫିସରେ କୌଣସି ମହିଳା ଏସିର ତାପମାତ୍ରାକୁ ନେଇ ଅଭିଯୋଗ କରୁଛନ୍ତି ତାହେଲେ ମାନି ନିଅନ୍ତୁ ଯେ ପ୍ରକୃତରେ ସେଠାରେ ଅଧିକ ଥଣ୍ଡା ରହିଛି ।

ମହିଳାମାନଙ୍କୁ ୭୭ଡିଗ୍ରୀ ଫାରେନହାଇଟ ବା ୨୫ ଡିଗ୍ରୀ ସେଲ୍ସିୟସ ଉପଯୁକ୍ତ ଥିବା ବେଳେ ପୁରୁଷମାନଙ୍କୁ ୭୨ଡିଗ୍ରୀ ଫାରେନହାଇଟ ବା ୨୨ଡିଗ୍ରୀ ସେଲ୍ସିୟସ ଆରାମଦାୟକ ହୋଇଥାଏ ।

Leave A Reply

Your email address will not be published.