ସାରସକଣାରୁ ସାଲେପୁର। ମୋରଡ଼ାରୁ ମହାକାଳପଡ଼ା । ଏବେ ଉଠୁଛି ପଡୁଛି। ସୂର୍ଯ୍ୟ ତାତିରୁ ବି ବଳିଯାଇଛି ନିର୍ବାଚନ ପ୍ରଚାର ତାତି। ମୈଦାନରେ ଷ୍ଟାର ପ୍ରଚାରକ। ଭୋଟରଙ୍କ ମନ ଜିଣିବାକୁ କେତେ କଣ ଫନ୍ଦି ଫିକର କରୁଛନ୍ତି ପ୍ରାର୍ଥୀ। ସଭା, ଶୋଭାଯାତ୍ରା ଓ ରୋଡ୍ ସୋ ପୁଣି କେଉଁଠି ପଥପ୍ରାନ୍ଥ ସଭା । ମୟୂରଭଞ୍ଜ ଜିଲ୍ଲା ସାରସକଣା ନିର୍ବାଚନ ମଣ୍ଡଳୀରେ ପ୍ରଚାର କରିଛନ୍ତି ବିଜେଡି ସାଂସଦ ଡକ୍ଟର ଅଚ୍ୟୁତ ସାମନ୍ତ। ସାଂସଦ ପ୍ରାର୍ଥୀ ଦେବାଶିଷ ମାରାଣ୍ଡି ଓ ବିଧାୟକ ପ୍ରାର୍ଥୀ ଅମର ସିଂ ଟୁଡୁଙ୍କ ପାଇଁ ଭୋଟ୍ ମାଗିଛନ୍ତି । ସେହିପରି ସାନ୍ତାଳି ଅଭିନେତା ଓ ଅଭିନେତ୍ରୀ ବିଜେଡି ପାଇଁ ସାରସକଣାରେ କ୍ୟାମ୍ପେନ୍ କରିଛନ୍ତି।
ଦୁଲୁକୁଛି ଜଗତସିଂହପୁରରୁ ଯାଜପୁର ସଂସଦୀୟ କ୍ଷେତ୍ର। ହାଇଭୋଲଟେଜ୍ ପ୍ରଚାରରେ ମାତିଛନ୍ତି ପ୍ରାର୍ଥୀ ଓ ସମର୍ଥକ। କମ୍ପୁଛି ଗାଁଗଣ୍ଡା, ସହରବଜାର। ବାଇକ୍ ରାଲି, ପଦଯାତ୍ରାରେ ଭୋଟ ସାଉଁଟିବାରେ ମାତିଛନ୍ତି ନେତା। ଜଗତସିଂହପୁରରେ ପ୍ରଚାର କରିଛନ୍ତି ବରିଷ୍ଠ କଂଗ୍ରେସ ନେତା ଗୁଲାମ ନବୀ ଆଜାଦ। ଭଦ୍ରକରେ ବି ରଣନୀତି ସହ ଦମ୍ ଦେଖାଉଛନ୍ତି ବିଭିନ୍ନ ଦଳର ପ୍ରାର୍ଥୀ। କେଉଁଠି କ୍ୟାମ୍ପେନ୍ ଫେସ୍ ପାଲଟିଛନ୍ତି ଓଲିଉଡ୍ ଷ୍ଟାର୍।
ଚତୁର୍ଥ ପର୍ଯ୍ୟାୟ ଭୋଟ୍ରେ ଫୋକସରେ ରହିଛି କେନ୍ଦ୍ରାପଡ଼ା। ବିଭିନ୍ନ ନିର୍ବାଚନ ମଣ୍ଡଳୀରେ ବିଜେଡି, ବିଜେପି ଓ କଂଗ୍ରେସ ମଧ୍ୟରେ ଚାଲିଛି କ୍ୟାମ୍ପେନ୍ ରେସ୍। ତୁଳସୀ କ୍ଷେତ୍ରରେ ଡେରା ପକାଇଛନ୍ତି ସବୁ ଦଳର ହେଭିେଓ୍ଵଟ୍। ପ୍ରଚାର ପାଇଁ ଦିନରାତି ଏକାକାର କରିଦେଇଛନ୍ତି ପ୍ରାର୍ଥୀ। ହାତରେ ଆଉ ବେଶୀ ସମୟ ନାହିଁ। ଭୋଟରଙ୍କୁ ନିଜ ସପକ୍ଷରେ ଆଣିବାକୁ ଅହରହ ଉଦ୍ୟମ ଚାଲିଛି।
ନିର୍ବାଚନ ପ୍ରଚାର ବେଳେ ବିଜେଡି ଦେଉଛି ରାଜ୍ୟ ସରକାରଙ୍କ ଜନହିତକର ଯୋଜନାର ସଫଳ ରୂପାୟନ ଓ ବିକାଶର ପ୍ରତିଶ୍ରୁତି। କଂଗ୍ରେସ ମିନିମମ୍ ଇନକମ୍ ଗ୍ୟାରେଣ୍ଟି ଦେଉଥିବା ବେଳେ ବିଜେପି ପରିବର୍ତ୍ତନର ଆହ୍ଵାନ ଦେଇ ପ୍ରଚାରକୁ ସରଗରମ କରୁଛି।
ରାୟଗଡ଼ା(କେନ୍ୟୁଜ୍): ବସ୍ ରେ ଲାଗିଲା ନିଆଁ । ହୁତୁ ହୁତୁ ହୋଇ ବସ୍ଷ୍ଟାଣ୍ଡରେ ଜଳିଗଲା ବସ୍ । ରାୟଗଡ଼ା ଜିଲ୍ଲା…
ପୁରୀ(କେନ୍ୟୁଜ୍): ପୁରୀ ନରେନ୍ଦ୍ର ପୁଷ୍କରିଣୀ ବାଣ ବିସ୍ଫୋରଣ ମାମଲାରେ ଆଉ ୨ଜଣଙ୍କ ମୃତ୍ୟୁ । ଏଥିସହ ମୃତ୍ୟୁସଂଖ୍ୟା ୮କୁ ବୃଦ୍ଧି…
ଭାରତରେ ଭାରତୀୟ ରେଳ ହେଉଛି ଲୋକଙ୍କ ଲାଇଫ ଲାଇନ । ପ୍ରତିଦିନ ଲକ୍ଷ ଲକ୍ଷ ଯାତ୍ରୀ ଭାରତୀୟ ରେଳପଥ ଦେଇ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ପୁଣି ଝଟ୍କା । କୋର୍ଟରୁ ତାଙ୍କୁ ଆଶ୍ୱସ୍ତି ମିଳିନାହିଁ । କୋର୍ଟ ତାଙ୍କ ମଧ୍ୟବର୍ତ୍ତୀକାଳୀନ…
ପୁରୀ(କେନ୍ୟୁଜ୍): ଦ୍ରୁତ ଗତିରେ ଆଗେଇ ଚାଲିଛି ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟ । ଚଳଚଞ୍ଚଳ ରଥ ଖଳା l ତିନି…
ସୁବର୍ଣ୍ଣପୁର (କେନ୍ୟୁଜ) : ବାଜୁଛି ଡିଜେ ଆଉ ଡିଜେର ତାଳେ ତାଳେ ନୃତ୍ୟ କରୁଛନ୍ତି ଯୁବକମାନେ । ସେପଟେ ସୁସଜ୍ଜିତ…