ନୂଆଦିଲ୍ଲୀ : ୧୪ ବର୍ଷ ତଳର ପୁରୁଣା ମାମଲା ଥିଲା ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟି ନେତା ମୁଲୟମ ସିଂହ ଯାଦବ ଏବଂ ତାଙ୍କ ପୁଅ ଅଖିଲେଶ ଯାଦବଙ୍କ ନାଁରେ । ୨୦୦୭ ମସିହାରେ ମାମଲାର ଷ୍ଟାଟସ୍ ରିପୋର୍ଟ ରହିଛି । ହେଲେ ଏବେ ଅଚାନକ ସୁପ୍ରିମ୍ କୋର୍ଟ ଏହି ମାମଲାର ବର୍ତ୍ତମାନର ଷ୍ଟାଟସ୍ ରିପୋର୍ଟ କଣ ଅଛି ବୋଲି ପଚାରିଛନ୍ତି । ଉଭୟ ବାପ ପୁଅ, ଅଖିଳେଶଙ୍କ ପତ୍ନୀ ଡିମ୍ପଲ ଏବଂ ଭାଇ ପ୍ରତୀକ ଯାଦବଙ୍କ ବିରୋଧରେ ଦୁର୍ନୀତି ମାମଲା ଆସିଥିଲା । ସେମାନେ କ୍ଷମତାର ଦୁରୁପଯୋଗ କରି ବ୍ୟାପକ ଦୁର୍ନୀତି କରିଥିଲେ ବୋଲି ବିଶ୍ୱନାଥ ଚତୁର୍ବେଦୀ ନାମକ ଜଣେ ନେତା ୨୦୦୫ରେ କୋର୍ଟରେ ଏକ ଅଭିଯୋଗପତ୍ର ଦାଖଲ କରିଥିଲେ । ମାମଲାର ଯାଞ୍ଚ କରି ସୁପ୍ରିମ୍ କୋର୍ଟରେ ରିପୋର୍ଟ ଦାଖଲ କରିବାକୁ ସିବିଆଇକୁ ନିର୍ଦ୍ଦେଶ ଦିଆଯାଇଥିଲା ।
ଅବଶ୍ୟ ୨୦୧୨ରେ ଡିମ୍ପଲଙ୍କ ବ୍ୟତୀତ ଅନ୍ୟମାନଙ୍କ ସମ୍ପର୍କରେ ତଦନ୍ତ କରିବାକୁ ନିର୍ଦ୍ଦେଶ ହୋଇଥିଲା । ତେବେ ସେବେଠାରୁ ଏହି ମାମଲାରେ କୌଣସି ଏଫ୍ଆଇଆର ମଧ୍ୟ ରୁଜୁ ହୋଇ ପାରିନାହିଁ । ତେଣୁ ମୁଲାୟମ ଓ ଅଖିଳେଶଙ୍କ ବିରୋଧରେ ଚାଲିଥିବା ଏହି ମାମଲା ଦୁର୍ବଳ ହୋଇଯାଇଛି । ଏବେ ସୁପ୍ରିମ୍ କୋର୍ଟଙ୍କ ତାଗିଦା ପୁଣି ମାମଲାକୁ ଉଜାଗର କରିଛି । ଜଷ୍ଟିସ୍ ରଞ୍ଜନ ଗୋଗୋଇ ଓ ଜଷ୍ଟିସ୍ ଦୀପକ ଗୁପ୍ତାଙ୍କୁ ନେଇ ଗଠିତ ଖଣ୍ଡପୀଠ ସିବିଆଇକୁ ଏହି ମାମଲା ସମ୍ପର୍କରେ ଷ୍ଟାଟସ୍ ଓ ତଦନ୍ତ ରିପୋର୍ଟ ଦେବାକୁ ଦୁଇ ସପ୍ତାହ ସମୟ ଦେଇଛନ୍ତି ।
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…