କେନ୍ଦ୍ରୀୟ ସଡ଼କ ପରିବହନ ଏବଂ ରାଜମାର୍ଗ ମନ୍ତ୍ରଣାଳୟ ଶୁକ୍ରବାର କ୍ଯାବ ଏଗ୍ରିଗେଟର୍ସ(ଓଲା ଏବଂ ଉବେର) ପାଇଁ ନୂଆ ଗାଇଡଲାଇନ ଜାରି କରିଛନ୍ତି। ଏହା ଅଧୀନରେ କେନ୍ଦ୍ରୀୟ ମୋଟର ବାହନ ନିୟମ, ୧୯୮୯ରେ ସଂଶୋଧନର ପ୍ରସ୍ତାବ ରଖାଯାଇଛି। ଯେଉଁଥିରେ ବାହନ ମାଲିକ ପଂଜୀକରଣ ପ୍ରମାଣ ପତ୍ର(RC) କୌଣସି ଜଣେ ବ୍ଯକ୍ତିର ଚୟନ କରିପାରିବେ।
ମନ୍ତ୍ରଣାଳୟ ଏକ ବୟାନରେ କହିଛି, ବାହନ ପଞ୍ଜିକରଣ ସମୟରେ ନାମାଙ୍କନ ସୁବିଧାକୁ ସାମିଲ କରିବାକୁ ପ୍ରସ୍ତାବ ଦିଆଯାଇଛି। ଯଦି ବାହନ ମାଲିକଙ୍କ ପରଲୋକ ହୋଇଯାଏ, ତେବେ ଏମିତି ସ୍ଥିତିରେ ନୋମିନ ନାମରେ ଗାଡ଼ିକୁ ପଂଜୀକୃତ କରିପାରିବେ। ଏହା ସହିତ ମନ୍ତ୍ରଣାଳୟ ଏକ ଡ୍ରାଫ୍ଟ ନିୟମ ଜାରି କରିଛନ୍ତି। ଏହି ନିୟମ ଅନୁସାରେ, ଏବେ ଭିଟେଣ୍ଟ ବାହନର ନୂଆ ରେଜିଷ୍ଟ୍ରସନ ପାଇଁ ୨୦ ହଜାର ଟଙ୍କା ଦେବାକୁ ହେବ। ଏହା ସହିତ ଦ୍ବିତୀୟ ଥର ରେଜିଷ୍ଟ୍ରସନ କରିବା ପାଇଁ ୫ ହଜାର ଟଙ୍କା ଦେବାକୁ ପଡ଼ିବ। ଗାଇଡଲାଇନ ଅନୁସାରେ, ଏବେ ଏଗ୍ରିଗେଟର୍ସଙ୍କୁ ରାଜ୍ଯ ସରକାରଙ୍କ ଠାରୁ ଲାଇସେନ୍ସ ନେବା ଜରୁରୀ ।
ନିୟମ ମୁତାବକ, ଏଗ୍ରିଗେଟର ବସ୍ ଭଡା ଠାରୁ ୫୦ ପ୍ରତିଶତ କମ୍ ପଇସା ଚାର୍ଜ କରିବାର ଅନୁମତି ରହିଛି। ସେହିପରି ଯଦି କେହି ଭଡ଼ା କ୍ଯାନସେଲ କରିଦିଏ, ତେବେ ଟୋଟାଲ ଭଡାର ୧୦ ପ୍ରତିଶତ ଦେବାକୁ ହେବ। ଯାହା ଜଣେ ରାଇଡର ଏବଂ ଡ୍ରାଇଭର ପାଇଁ ୧୦୦ ଟଙ୍କାରୁ ଅଧିକ ହେବ ନାହିଁ। ଡ୍ରାଇଭରକୁ ଏବେ ଭଡ଼ା ବାବଦରେ ୮୦ ପ୍ରତିଶତ ଭଡ଼ା ଏବଂ କମ୍ପାନୀକୁ ୨୦ ପ୍ରତିଶତ ମିଳିବ । କେନ୍ଦ୍ର ସରକାର ଏଗ୍ରିଗେଟର ରେଗୁଲେଟ୍ କରିବା ପାଇଁ ଗାଇଡଲାଇନ ଜାରି କରିଛନ୍ତି। ଯାହାକୁ ରାଜ୍ଯ ସରକାର ପାଳନ କରିବା ଅନିବାର୍ଯ୍ଯ ଅଟେ ବୋଲି କୁହାଯାଇଛି ।
ଗ୍ରାହକଙ୍କ ସୁରକ୍ଷା ପାଇଁ ଏହିପରି ପଦକ୍ଷେପ ନେଇଛନ୍ତି ସରକାର । ଏହା ପୂର୍ବରୁ ଏଗ୍ରିଗେଟରମାନଙ୍କ ପାଖରେ କୌଣସି ଗାଇଡଲାଇନ ନଥିଲା। ଏବେ ଏହି ନିୟମ ଗ୍ରାହକଙ୍କ ସୁରକ୍ଷା ଏବଂ ଡ୍ରାଇଭରଙ୍କ ହିତ ପାଇଁ ପ୍ରସ୍ତୁତ କରାଯାଇଛି। ଯାହା ସମସ୍ତ ରାଜ୍ଯରେ ଲାଗୁ ହେବ।
ମେଷ: ଆଜିର ଦିନ ଭଲରେ କଟିବ । ଉତ୍ତମ ସ୍ୱାସ୍ଥ୍ୟ ପାଇଁ ବ୍ୟାୟାମ ଜାରି ରଖନ୍ତୁ । କୌଣସି ନୂଆ…
ଭୁବନେଶ୍ୱର : ଭାରତୀୟ ହକି ଟିମର ପ୍ରାୟୋଜକ ଆଉ ୩ ବର୍ଷ ବୃଦ୍ଧି କରାଯିବ। ହକି ଇଣ୍ଡିଆ ସହ ଆଲୋଚନା…
ବାଲେଶ୍ଵର : ବାଲେଶ୍ଵର ଜିଲ୍ଲାପାଳଙ୍କ ସାମ୍ବାଦିକ ସମ୍ମିଳନୀ । ବାଲେଶ୍ବର ସହରରେ କର୍ଫ୍ୟୁ ପରିସ୍ଥିତି ଉପରେ ସାମ୍ବାଦିକ ସମ୍ମିଳନୀ ।…
ଭୁବନେଶ୍ୱର : ପିସିସି ସଭାପତିଙ୍କୁ କାଳିମାଡ଼ । କଂଗ୍ରେସ ଭବନରେ ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼। ଆଜି କଂଗ୍ରେସ…
ଲମତାପୁଟ : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ବ୍ୟକ୍ତିଙ୍କ ମୃତ୍ଯୁ । ମୃତ ବ୍ୟକ୍ତି ଜଣକ ଲମତାପୁଟ ବ୍ଲକ…
ଅଗ୍ରସର ହେଲା ମୌସୁମୀ । ଓଡ଼ିଶାର ୨୪ଟି ଜିଲ୍ଲାକୁ ଛୁଇଁବା ସହ ଅଧିକ ଅଗ୍ରସର ହେଉଛି ଦକ୍ଷିଣପଶ୍ଚିମ ମୌସୁମୀ ବାୟୁ…