ସାରା ଦେଶକୁ ବର୍ତ୍ତମାନ୍ ୨୧ ଦିନ ପାଇଁ ଲକ ଡାଉନ୍ ଘୋଷଣା କରିଦିଆଯାଇଛି । ଯେଉଁ କାରଣରୁ ଲୋକମାନେ ଏବେ ନିଜ ଘରୁ ବାହାରକୁ ବାହାରି ପାରୁନାହାଁନ୍ତି । ଏପରିସ୍ଥଳେ ଆପଣ ନିଜର କାର ଓ ବାଇକର ବ୍ୟବହାର ମଧ୍ୟ କରିପାରୁ ନାହାଁନ୍ତି । ତେବେ ଏତେ ଦିନ ପର୍ଯ୍ୟନ୍ତ ଗୋଟିଏ ସ୍ଥାନରେ ବାଇକ୍ କିମ୍ବା କାର ରହିବା ଦ୍ଵାରା ଅନେକ ସମସ୍ୟା ଦେଖାଦେଇପାରେ । ଅଟୋ ଏକ୍ସପର୍ଟଙ୍କ କହିବା ଅନୁଯାୟୀ ଅଧିକ ସମୟ ପର୍ଯ୍ୟନ୍ତ ଗୋଟିଏ ସ୍ଥାନରେ କାର ରହିବା ଦ୍ଵାରା ସବୁଠାରୁ ବଡ ସମସ୍ୟା ବ୍ୟାଟେରୀକୁ ନେଇ ହୋଇଥାଏ । ଏହାସହିତ ହ୍ୟାଣ୍ଡବ୍ରେକରେ ମଧ୍ୟ ସମସ୍ୟା ଦେଖାଦେଇଥାଏ । ତାହେଲେ ଆସନ୍ତୁ ଜାଣିବା ଏହି ସମୟରେ କିପରି କରିବେ ନିଜ ଗାଡିର ସୁରକ୍ଷା ।
ଏକ୍ସପର୍ଟଙ୍କ କହିବା ଅନୁଯାୟୀ ଲମ୍ବା ସମୟ ପର୍ଯ୍ୟନ୍ତ ଗାଡିର ବ୍ୟବହାର ନକରିବା ଦ୍ଵାରା ଏହାର ବ୍ୟାଟେରୀ ଡାଉନ୍ ହୋଇଯାଇଥାଏ ଅର୍ଥାତ୍ ସମ୍ପୂର୍ଣ୍ଣ ଭାବେ ଡେଡ୍ ହୋଇଯାଏ । ଯାହାଦ୍ୱାରା ଆପଣ ନିଜର କାରକୁ ଷ୍ଟାର୍ଟ କରିପାରିବେ ନାହିଁ । ଏଥିପାଇଁ ଆପଣଙ୍କୁ ନିଜର ବ୍ୟାଟେରୀ ଡିସକନେକ୍ଟ୍ କରିବାକୁ ପଡିବ ଅର୍ଥାତ୍ ୱେୟାରକୁ ହରାଇବାକୁ ପଡିବ ।
ତେବେ ଏଥିପାଇଁ ଆପଣ ପ୍ରଥମେ ନିଜ କାରର ବୋନଟ ଖୋଲି ଏହାର ଟର୍ମିନାଲକୁ ଟିକିଏ ଢ଼ିଲା କରିଦିଅନ୍ତୁ ଆଉ ତାପରେ ବ୍ୟାଟେରୀର କନେକ୍ସନକୁ ହଟାଇ ଦିଅନ୍ତୁ । ଯେତେବେଳେ ଆପଣଙ୍କୁ କୌଣସି ସ୍ଥାନକୁ ଯିବାକୁ ହେବ ପୁଣିଥରେ ଏହାକୁ କନେକ୍ଟ କରିଦିଅନ୍ତୁ । ତେବେ ବ୍ୟାଟେରୀର କାମ ଆପଣଙ୍କ କାରକୁ ଷ୍ଟାର୍ଟ କରିବା ହୋଇଥାଏ ।
ଏହା ବ୍ୟତୀତ ଏକ୍ସପର୍ଟଙ୍କ କହିବା ଅନୁଯାୟୀ ଅଧିକ ସମୟ ପର୍ଯ୍ୟନ୍ତ ଗାଡି ନଚାଲିବା ଦ୍ଵାରା ବ୍ରେକ୍ ସମ୍ବନ୍ଧୀୟ ସମସ୍ୟା ମଧ୍ୟ ଦେଖାଦେଇଥାଏ । କାରକୁ ଯଦି ଅଧିକ ଦିନ ପର୍ଯ୍ୟନ୍ତ ହ୍ୟାଣ୍ଡ ବ୍ରେକ୍ ଲଗାଇ ଛାଡିଦିଆଯାଏ ତାହେଲେ ବ୍ରେକ୍ ପ୍ୟାଡ ଜାମ୍ ହୋଇଯିବାର ସମ୍ଭାବନା ରହିଥାଏ ଅଥବା ଯେପରି ଡ୍ରମ୍ ବ୍ରେକ୍ ସହିତ ହୋଇଥାଏ । ବ୍ରେକ୍ ଶୁ ଡ୍ରମରେ ଅଟକି ଯାଇପାରେ । ସେଥିପାଇଁ ଆପଣଙ୍କୁ ନିଜ କାରର ହ୍ୟାଣ୍ଡବ୍ରେକ୍ ହଟାଇ ଦେବା ଆବଶ୍ୟକ । ତେବେ ଗାଡିର ଆଗ ଏବଂ ପଛ ଟାୟାର୍ ନିକଟରେ ଇଟା ରଖିବା ନିହାତି ଜରୁରୀ ଯାହାଦ୍ୱାରା କାର ଆଗକୁ ଯିବନାହିଁ ।
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…
ନୂଆଦିଲ୍ଲୀ: ଆଜି ଲୋକସଭା ବାଚସ୍ପତି ନିର୍ବାଚନ । ସ୍ଵାଧୀନତା ପରେ ପ୍ରଥମ ଥର ପାଇଁ ଲୋକସଭା ବାଚିସ୍ପତି ପଦବୀ ପାଇଁ…
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…