କେନ୍ଦ୍ର ସରକାରୀ କର୍ମଚାରୀଙ୍କ ପାଇଁ ଖୁସି ଖବର। ଯଦି ଆପଣ ବର୍ଦ୍ଧିତ ଦରମାକୁ ଅପେକ୍ଷା କରିଛନ୍ତି, ତେବେ ଆପଣଙ୍କ ଆକାଉଣ୍ଟରେ ଏକ ମୋଟା ଅଙ୍କରେ ଟଙ୍କା ଆସିବାକୁ ଯାଉଛି । ରିପୋର୍ଟ ଅନୁଯାୟୀ, ୧ ଜୁଲାଇରୁ କେନ୍ଦ୍ରୀୟ କର୍ମଚାରୀଙ୍କ ଭତ୍ତା ବୃଦ୍ଧି ବା DA Hike ନେଇ ଏକ ବଡ ଘୋଷଣା କରାଯାଇପାରେ । ତେବେ ଏପର୍ଯ୍ୟନ୍ତ ଡିଏ ବୃଦ୍ଧି ସମ୍ପର୍କରେ ସରକାର କୌଣସି ସୂଚନା ଦେଇ ନାହାନ୍ତି ।
କେନ୍ଦ୍ର ସରକାରୀ କର୍ମଚାରୀଙ୍କ DA ବର୍ଷକୁ ଦୁଇଥର ବୃଦ୍ଧି ପାଇଥାଏ । ଗୋଟିଏ ଜାନୁଆରୀ ଓ ଅନ୍ୟଟି ଜୁଲାଇରୁ ବଢ଼ା ଯାଇଥାଏ । ଜାନୁୟାରୀ ୨୦୨୩ ରେ କାର୍ଯ୍ୟକାରୀ ହୋଇଥିବା ଡିଏ ବୃଦ୍ଧି ଘୋଷଣା ମାର୍ଚ୍ଚ ୨୦୨୩ ରେ ହୋଇଥିଲା । ସରକାର DA କୁ ୪% ବୃଦ୍ଧି କରିଥିଲେ , ଯେଉଁଥିପାଇଁ DA ୪୨% କୁ ବୃଦ୍ଧି ପାଇଥିଲା । ବର୍ତ୍ତମାନ ଜୁଲାଇରେ ଚଳିତ ଆର୍ଥିକ ବର୍ଷରେ ସରକାର ପୁଣି ଡିଏ କୁ ନେଇ ଘୋଷଣା କରିପାରନ୍ତି ।
AICPI ର ଏପ୍ରିଲ୍ ତଥ୍ୟ ଅନୁଯାୟୀ, କର୍ମଚାରୀଙ୍କ ବେତନରେ ୩ ରୁ ୪ ପ୍ରତିଶତ ବୃଦ୍ଧି ହୋଇପାରେ । ଯଦିଓ ଏହା ମେ ଓ ଜୁନ୍ ପାଇଁ ହୋଇଥିବା ଆକଳନ ଉପରେ ମଧ୍ୟ ନିର୍ଭର କରିବ । ଯଦି ମେ ଓ ଜୁନ୍ ପାଇଁ AICPI ଆକଳନ ଠିକ ରୁହେ ତେବେ ୪ ପ୍ରତିଶତ DA ଓ DR ବୃଦ୍ଧି ହୋଇପାରେ ।
କେତେ ବୃଦ୍ଧି ପାଇବ DA :
ଯଦି DA ରେ ୪% ବୃଦ୍ଧି ହୁଏ, ତେବେ କର୍ମଚାରୀଙ୍କ DA ୪୬% ହେବ । ରିପୋର୍ଟ ଅନୁଯାୟୀ, ଏପ୍ରିଲ୍ ପାଇଁ AICPI ସଂଖ୍ୟା ହେଉଛି ୧୩୪.୨ ପଏଣ୍ଟ ଓ DA ସ୍କୋର ହେଉଛି ୪୫.୦୬ ପଏଣ୍ଟ । ମେ ଓ ଜୁନ୍ ମାସରେ ଏହି ସୂଚକାଙ୍କ ୪୬.୪୦ ରେ ପହଞ୍ଚିବାର ସମ୍ଭାବନା ଅଛି । ଏହାର ଅର୍ଥ ହେଉଛି DA ରେ ୪ ପ୍ରତିଶତ ବୃଦ୍ଧି ପ୍ରାୟ ନିଶ୍ଚିତ ରହିବା ର ଆଶଙ୍କା ଅଛି ।
ଫିଟମେଣ୍ଟ ଫ୍ୟାକ୍ଟର୍ ଉପରେ ନିଆଯିବ ନିଷ୍ପତ୍ତି :
ସୂଚନା ଅନୁସାରେ ସରକାର ଶୀଘ୍ର କର୍ମଚାରୀଙ୍କ ପାଇଁ ଫିଟମେଣ୍ଟ ଫ୍ୟାକ୍ଟର୍ ସମ୍ବନ୍ଧରେ କିଛି ପରିବର୍ତ୍ତନ କରିପାରନ୍ତି । ବର୍ତ୍ତମାନ ଫିଟମେଣ୍ଟ ଫ୍ୟାକ୍ଟର୍ ୨.୫୭ ରହିଛି ଓ କର୍ମଚାରୀମାନେ ଏହାକୁ ବୃଦ୍ଧି କରିବାକୁ ଦାବି କରୁଛନ୍ତି । ଯଦି ସରକାର ଏହାକୁ ୩.୬୮ ଗୁଣକୁ ବୃଦ୍ଧି କରନ୍ତି, ତେବେ କର୍ମଚାରୀଙ୍କ ମୂଳ ଦରମାରେ ସିଧାସଳଖ ୮୦୦୦ ଟଙ୍କା ବୃଦ୍ଧି ହେବ ଓ ଏହିପରି ସେମାନଙ୍କର ବେସିକ ସେଲାରି ୧୮୦୦୦ ରୁ ୨୬୦୦୦ ଟଙ୍କାକୁ ବୃଦ୍ଧି ପାଇବ ।
କେତେ ବୃଦ୍ଧି ପାଇବ ଦରମା?
ଯଦି ବେସିକ ପେ ରେ ୪୬% ରେ ପହଞ୍ଚେ, ଏହାର ଅର୍ଥ ହେଉଛି କର୍ମଚାରୀ ବେତନ ପ୍ରାୟ ଦେଢ ଗୁଣ ବୃଦ୍ଧି ପାଇବ । ଯଦି ଜଣେ କର୍ମଚାରୀଙ୍କ ବେସିକ୍ ଦରମା ୪୦,୦୦୦ ଟଙ୍କା, ତେବେ ଏହା ୪୨ ହଜାର ହେବ । ଯଦି ଏହା ୪ ପ୍ରତିଶତ ବୃଦ୍ଧି ହୁଏ, ତେବେ ମୋଟ DA ୪୬ ପ୍ରତିଶତ ବଢିବ। ଏହାର ଅର୍ଥ ହେଉଛି DA ରେ ୧୬୦୦୦ ଟଙ୍କା ବୃଦ୍ଧି ହେବ । ଅର୍ଥାତ୍ ଜୁଲାଇରୁ ବର୍ଦ୍ଧିତ ଦରମା ୫୮,୪୦୦ ଟଙ୍କା ହୋଇଯିବ।
ଜଳେଶ୍ବର (କେନ୍ୟୁଜ): ଟ୍ରକକୁ ଧକ୍କା ଦେଇ ଜଳିଗଲା ଆମ୍ବୁଲାନ୍ସ । ରୋଗୀ ସମେତ ୪ ଜଣ ଆମ୍ବୁଲାନ୍ସ କର୍ମଚାରୀ ଗୁରୁତର…
ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ। ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…
ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…
ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…
ମେଷ: ଆଜି ଆପଣଙ୍କ ପାଇଁ ଦିନଟି ମିଶ୍ରିତ ରୂପେ ଲାଭଦାୟକ ରହିବ । ପାରିବାରିକ ସମ୍ପର୍କ ମଧୁର ହେବ ।…
ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ମୌସୁମୀ ଋତୁରେ ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ। ଜଳସମ୍ପଦ ବିଭାଗର ବରିଷ୍ଠ…