ବେକାର ଯୁବକଙ୍କ ପାଇଁ ପୁଣି ଖୁସି ଖବର। ଅନେକ ସମୟ ବ୍ଯବଧାନ ପରେ ବନରକ୍ଷକ ପାଇଁ ପାଖାପାଖି ୧୨୧୮ଟି ପଦବୀରେ ଭର୍ତ୍ତି ପ୍ରକ୍ରିୟା ଆରମ୍ଭ ହେବାକୁ ଯାଉଛି । ବନ ବିଭାଗ ଭର୍ତ୍ତି ନିୟମାବଳୀରେ ସଂଶୋଧନ କରି ଏହି ପଦବୀ ପୂରଣ ପାଇଁ ପ୍ରସ୍ତୁତି ଜୋରଦାର ଚାଲିଛି। ସେହିଭଳି ଅଧିନସ୍ଥ ସେବା ଚୟନ ଆୟୋଗ ମଧ୍ୟ ନିଜ ତରଫରୁ ସମସ୍ତ ପ୍ରସ୍ତୁତି ଚଳାଇଛନ୍ତି । ସେମାନଙ୍କ କହିବାନୁଯାୟୀ, ବନ ବିଭାଗ ପକ୍ଷରୁ ଶାରୀରିକ ପରୀକ୍ଷାର ମାପଦଣ୍ଡ ପୁରା କରିବା ମାତ୍ରେ ହିଁ ଏହି ପଦବୀରେ ଭର୍ତ୍ତି ହେବା ଆରମ୍ଭ ହେବ।
ବନରକ୍ଷକ ଭର୍ତ୍ତି ପାଇଁ ପାଖାପାଖି ୧.୮୦ ଲକ୍ଷ ଯୁବକ ଆବେଦନ କରିଥିଲେ। ଏଥିପାଇଁ ମଧ୍ୟ ବନ ବିଭାଗ ଭର୍ତ୍ତି ପ୍ରକ୍ରିୟା ଆରମ୍ଭ କରିଦେଇଥିଲେ । କିନ୍ତୁ ଏଥିରେ ନିୟମିତକରଣ ମଧ୍ୟସ୍ଥତା କରିବାକୁ ଏହି ମାମଲା ଉଚ୍ଚ ନ୍ଯାୟାଳୟରେ ପହଞ୍ଚିଗଲା। ବନ ବିଭାଗ ସୂତ୍ରରୁ ଜଣାପଡିଛି ଯେ, ଏବେ ନ୍ଯାୟାଳୟରୁ ଏହି ମାମଲାକୁ ସଫଳତାର ସହ ନ୍ଯାୟ ମିଳିସାରିଛି। ଏଥିରେ ଉତ୍ସାହିତ ହୋଇ ବନବିଭାଗ ଏହା ଦ୍ବିତୀୟ ସମସ୍ଯା ସମାଧାନ ପାଇଁ ଆଗକୁ ପାଦ ବଢାଇଛି। ଦ୍ବିତୀୟ ସମସ୍ଯା ହେଉଛି, ବନ ବିଭାଗରେ ଭର୍ତ୍ତି ନିୟମାବଳୀରେ ଲିଖିତ ପରୀକ୍ଷା ପୂର୍ବରୁ ଶାରୀରିକ ପରୀକ୍ଷା ହେବାର ନିୟମ ରହିଛି। ଏଥିରେ ୧.୮୦ ଲକ୍ଷ ଯୁବକ ଶାରୀରିକ ଦକ୍ଷତା ପରୀକ୍ଷା ନେବାକୁ ପଡିବ। ଏହି ସମସ୍ଯାକୁ ଦୃଷ୍ଟିରେ ରଖି ବନ ବିଭାଗ ଏବେ ଏହି ନିୟମାବଳୀରେ ସଂଶୋଧନ କରିବାକୁ ଚାହୁଁଛି। ଏହି ସଂଶୋଧନରେ କେବଳ ଶାରୀରିକ ପରୀକ୍ଷା ପୂର୍ବରୁ ଲିଖିତ ପରୀକ୍ଷା ଦେବାକୁ ପଡିବ ବୋଲି କୁହାଯାଇଛି। ଏପରି ହେଲେ ବନ ବିଭାଗ ପକ୍ଷରୁ ବନରକ୍ଷକ ପାଇଁ ଭର୍ତ୍ତିରେ ଆଉ ବେଶୀ କିଛି ସମସ୍ଯା ଉପୁଜିବ ନାହିଁ।
ବିଭାଗରେ ଜମା ରହିଛି ୪.୫ କୋଟି ଟଙ୍କା :
ବନ ବିଭାଗରେ ପରୀକ୍ଷା ଶୁଳ୍କ ବାବଦରେ ୪.୫ କୋଟି ଟଙ୍କା ଜମା ରହିଛି। ପାଖାପାଖି ୩ ବର୍ଷ ପୂର୍ବେ ଏହି ଭର୍ତ୍ତି ପ୍ରକ୍ରିୟା ରଦ୍ଦ ହୋଇଥିଲା। ଏବେ ଆବେଦନ କରସାରିଥିବା ଯୁବକ ଏବେ ଅପେକ୍ଷାରେ ରହିଛନ୍ତି।
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…