ଏଲପିିଜି ଗ୍ୟାସ୍ ସିଲିଣ୍ଡର ନେବା ପାଇଁ ପ୍ଲାନ କରୁଥିବା ଗ୍ରାହକଙ୍କ ପାଇଁ ଆସିଛି ଖୁସି ଖବର । ଏଣିକି ଯଦି ଆପଣଙ୍କ ପାଖରେ ଠିକଣାର ପ୍ରମାଣପତ୍ର ନଥିବ, ତେବେ ବି ଆପଣ ସିଲିଣ୍ଡର କିଣି ପାରିବେ । ସରକାରୀ ଇଣ୍ଡିଆନ୍ କମ୍ପାନୀ ଇଣ୍ଡିଆନ୍ ଅଏଲ୍ କର୍ପୋରେସନ୍ ବା ଆଇଓସିଏଲ ସାଧାରଣ ଲୋକଙ୍କ ସୁବିଧା ପାଇଁ ରୋଷେଇ ଗ୍ୟାସ ଉପରେ ଠିକଣା ବାଧ୍ୟତାମୂଳକ ନିୟମକୁ ସମାପ୍ତ କରିଛି । ଅର୍ଥାତ୍ ଆପଣ ଏବେ ବିନା ଠିକଣା ପ୍ରମାଣପତ୍ରରେ ଗ୍ୟାସ ନେଇପାରିବେ । ତେବେ ଆସନ୍ତୁ ଜାଣିବା ଏହାର ସମ୍ପୂର୍ଣ୍ଣ ପ୍ରକ୍ରିୟା…
ଏହା ପୂର୍ବରୁ, ବିନା ଠିକଣା ପ୍ରମାଣପତ୍ରରେ ଆପଣ ଏଲପିଜି ସିଲିଣ୍ଡର ନେଇପାରୁନଥିଲେ । କିନ୍ତୁ ବର୍ତ୍ତମାନ ଏହି ନିୟମକୁ ପରିବର୍ତ୍ତନ କରାଯାଇଛି । ବର୍ତ୍ତମାନ ଗ୍ରାହକମାନେ ନିଜ ସହର କିମ୍ବା ସେମାନଙ୍କ ଅଞ୍ଚଳ ନିକଟରେ ଥିବା ଇଣ୍ଡେନ ଗ୍ୟାସ୍ ବିତରକଙ୍କ ନିକଟରୁ ୫ କିଲୋଗ୍ରାମର ରୋଷେଇ ଗ୍ୟାସ ସିଲିଣ୍ଡର ଅତି ସହଜରେ କିଣି ପାରିବେ । ଏଥିପାଇଁ କୌଣସି ଜରୁରୀ ଡକ୍ୟୁମେଣ୍ଟ ଆବଶ୍ୟକ ହେବ ନାହିଁ । ସେଠାରେ ଆପଣ କେବଳ ସିଲିଣ୍ଡରର ମୂଲ୍ୟ ଦେଇ ସିଲିଣ୍ଡର କିଣିପାରିବେ ।
ଯଦି ଆପଣ ଗ୍ୟାସ୍ ବଦଳରେ ଅନ୍ୟ କୌଣସି ବିକଳ୍ପ ଚୟନ କରିଛନ୍ତି କିମ୍ବା ଆପଣ ସହର ଛାଡି ଯାଉଛନ୍ତି ତେବେ ଆପଣ ଏହି ଗ୍ୟାସ୍ ସିଲିଣ୍ଡରକୁ ଇଣ୍ଡେନର ବିକ୍ରୟ ସ୍ଥଳରେ ଫେରାଇ ପାରିବେ । ଯଦି ୫ ବର୍ଷରେ ଫେରସ୍ତ କରନ୍ତି, ତେବେ ସିଲିଣ୍ଡରର ମୂଲ୍ୟର ୫୦% ଫେରସ୍ତ ପାଇବେ । ଯଦି ଆପଣ ୫ ବର୍ଷ ପରେ ଫେରସ୍ତ କରନ୍ତି ତେବେ ଆପଣଙ୍କୁ ୧୦୦ ଟଙ୍କା ମିଳିବ ।
ଏହା ବ୍ୟତିତ ଆପଣ ଘରେ ବସି ଗ୍ୟାସ ବୁକ୍ କରିପାରିବେ । ଏଥିପାଇଁ ଆପଣଙ୍କୁ କୌଣସି ସ୍ଥାନକୁ ଯିବାର ଆବଶ୍ୟକତା ନାହିଁ । ଏଥିପାଇଁ ଇଣ୍ଡେନ୍ ଏକ ସ୍ୱତନ୍ତ୍ର ନମ୍ବର ୮୪୫୪୯୫୫୫୫୫ ଜାରି କରିଛି । ଦେଶର ଯେକୌଣସି ସ୍ଥାନରୁ ଆପଣ ଏହି ନମ୍ବରକୁ ମିସ କଲ୍ କରି ଛୋଟ ସିଲିଣ୍ଡର ବୁକ୍ କରିପାରିବେ । ଆପଣ ହ୍ୱାଟ୍ସଆପ ଜରିଆରେ ମଧ୍ୟ ସିଲିଣ୍ଡର ବୁକ୍ କରିପାରିବେ । ରିଫିଲ୍ ଟାଇପ୍ କରି, ଆପଣ ୭୫୮୮୮୮୮୮୨୪ ନମ୍ବରକୁ ମେସେଜ୍ କରିପାରିବେ, ଫଳରେ ଆପଣଙ୍କର ସିଲିଣ୍ଡର ବୁକ୍ ହୋଇଯିବ । ଏହା ବ୍ୟତିତ ଆପଣ ୭୭୧୮୯୫୫୫୫୫ କୁ କଲ କରି ମଧ୍ୟ ସିଲିଣ୍ଡର ବୁକ୍ କରିପାରିବେ ।
ଆମେରିକାର ଲାସ୍ ଭେଗାସ୍ ସହରରେ ଥିବା ଏକ ଆପାର୍ଟମେଣ୍ଟ ପରିସରରେ ଆଖିବୁଜା ଗୁଳିମାଡ କଲା ଦୁର୍ବୃତ୍ତ । ଗୁଳିକାଣ୍ଡରେ ୫…
ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…