ଜରିମାନା ସହ ଯିବାକୁ ପଡ଼ିବ ଜେଲ୍, ଯଦି ଟ୍ରେନ୍‌ ଯାତ୍ରା ବେଳେ କରନ୍ତି ଏହି ୫ ଭୁଲ୍‌

ଦୂର ଯାତ୍ରା ପାଇଁ ଟ୍ରେନ୍ ଯାତ୍ରାକୁ ସମସ୍ତେ ପ୍ରାଧାନ୍ୟ ଦିଅନ୍ତି। ଆପଣ ମଧ୍ୟ ଅନେକ ଥର ଟ୍ରେନରେ ଯାତ୍ରା କରିଥିବେ । କିନ୍ତୁ ଆପଣ ଜାଣନ୍ତି କି ଟ୍ରେନରେ ଯାତ୍ରା ସମୟରେ ଏପରି ୫ ଟି ବଡ଼ ଅପରାଧ ଅଛି ଯାହାକୁ ଭୁଲରେ କେବେବି କରିବା ଉଚିତ୍ ନୁହେଁ, ନଚେତ୍ ଜରିମାନା ସହିତ ଆପଣଙ୍କୁ ଜେଲ୍ ଯିବାକୁ ମଧ୍ୟ ପଡିପାରେ । ଆସନ୍ତୁ ଜାଣିବା କ’ଣ ରହିଛି ସେହି ୫ଟି ବଡ଼ ଅପରାଧ। ଯଦି ନଜାଣିବେ ଆପଣ ବି ସଂକଟରେ ଫସି ଯାଇପାରନ୍ତି।

ରେଳ ପରିସରରେ ଜିନିଷପତ୍ର ବିକ୍ରି କରନ୍ତୁ ନାହିଁ

ରେଳ ପରିସରରେ ବିନା ଅନୁମତିରେ ଜିନିଷପତ୍ର ବିକ୍ରି କରିବା ଏକ ଦଣ୍ଡନୀୟ ଅପରାଧ । ଏହା କରି ରେଳବାଇ ଅଧିନିୟମର ଧାରା ୧୪୪ ଅନୁଯାୟୀ ଆପଣଙ୍କ ବିରୋଧରେ ଏକ ମାମଲା ରୁଜୁ ହୋଇପାରିବ । ଦୋଷୀ ପ୍ରମାଣିତ ହେଲେ ଆପଣଙ୍କୁ ୧ ବର୍ଷ ପର୍ଯ୍ୟନ୍ତ କାରାଦଣ୍ଡ ଏବଂ ୨ ହଜାର ଟଙ୍କା ପର୍ଯ୍ୟନ୍ତ ଜରିମାନା ଦେବାକୁ ପଡିବ ।

ୱେଟିଂ ଟିକେଟ୍ ବାତିଲ ହେଲେ ଯାତ୍ରା କରନ୍ତୁ ନାହିଁ

ଯଦି ଆପଣ ଅନଲାଇନରେ ଏକ ୱେଟିଂ ଟିକେଟ୍ ନେଇଛନ୍ତି ଏବଂ ଏହା ବାତିଲ ହୋଇଯାଇଛି, ତେବେ ଆପଣ ଏହା ସହିତ ଯାତ୍ରା କରିପାରିବେ ନାହିଁ । ଏପରି କରୁଥିବା ସମୟରେ ଯଦି ଟିଟିଇ ହାତରେ ଧରାପଡନ୍ତି, ତେବେ ବିନା ଟିକେଟରେ ଯାତ୍ରା କରୁଥିବା ଅଭିଯୋଗରେ ଯାତ୍ରାର ସମ୍ପୂର୍ଣ୍ଣ ଭଡା ସହିତ ୨୫୦ ଟଙ୍କା ଜୋରିମାନା ଲାଗିଯିବ । ଏହା ସହିତ ଟିଟିଇ ଆପଣଙ୍କୁ ପରବର୍ତ୍ତୀ ଷ୍ଟେସନରେ ମଧ୍ୟ ଓହ୍ଲାଇ ଦେଇପାରେ ।

ରେଳ ଟିକେଟ୍ ଦଲାଲି କରୁଥିବା ଧରାପଡିଲେ

ରେଳବାଇରେ ଟିକେଟ୍ କେବଳ ପ୍ରାଧିକୃତ କାଉଣ୍ଟର କିମ୍ବା ପ୍ରାଧିକୃତ ଏଜେଣ୍ଟ ମାଧ୍ୟମରେ ବିକ୍ରି ହୋଇପାରିବ । ଯଦି କୌଣସି ବ୍ୟକ୍ତି ବିନା ଅନୁମତିରେ ରେଳ ଟିକେଟ ବିକ୍ରି କରୁଥିବା ଦେଖିବାକୁ ମିଳିବ, ତେବେ ରେଳ ଆଇନର ଧାରା -୧୪୩ ଅନୁଯାୟୀ ଆପଣଙ୍କୁ ଗିରଫ କରାଯାଇପାରେ । ଯଦି ଦୋଷୀ ସାବ୍ୟସ୍ତ ହୁଅନ୍ତି, ତେବେ ଅଭିଯୁକ୍ତଙ୍କୁ ୧୦,୦୦୦ ଟଙ୍କା ଜରିମାନା ଏବଂ ୩ ବର୍ଷ ଜେଲଦଣ୍ଡ ମିଳିପାରେ ।

ଟ୍ରେନର ଛାତ ଉପରେ ଯାତ୍ରା କଲେ ଜରିମାନା

ଟ୍ରେନରେ ଯାତ୍ରା କରିବା ସମୟରେ ଛାତ ଉପରେ ବସି ଯାତ୍ରା କରିବା ବେଆଇନ । ଯଦି ଜଣେ ଯାତ୍ରୀ ଟ୍ରେନର ଛାତ ଉପରେ ଯାତ୍ରା କରୁଥିବାର ଧରାପଡେ, ତେବେ ରେଲୱେ ଆକ୍ଟର ଧାରା -୧୫୬ ଅନୁଯାୟୀ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ । ଏଭଳି ପରିସ୍ଥିତିରେ ୩ ମାସ ଜେଲଦଣ୍ଡ ଏବଂ ୫୦୦ ଟଙ୍କା ପର୍ଯ୍ୟନ୍ତ ଜରିମାନା ଦେବାକୁ ପଡିବ । ତେଣୁ ଟ୍ରେନ୍ ଯାତ୍ରାରେ ଏପରି ଭୁଲ୍ କରନ୍ତୁ ନାହିଁ ।

ବିନା ଅନୁମତିରେ ଅନ୍ୟ କୋଚରେ ଯାତ୍ରା କରନ୍ତୁ ନାହିଁ

ଟ୍ରେନରେ ଆପଣଙ୍କୁ ସେହି କୋଚରେ ଯାତ୍ରା କରିବା ଉଚିତ, ଯେଉଁଥିପାଇଁ ଆପଣ ଟିକେଟ୍ ନେଇଛ । ଯଦି ଆପଣ ଏହା ନକରି ଏକ ଉଚ୍ଚ ଶ୍ରେଣୀ ବିଭାଗରେ ଯାତ୍ରା କରୁଥିବା ଦେଖିବାକୁ ମିଳେ, ତେବେ ରେଳ ନିୟମ ଅନୁଯାୟୀ ଆପଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ । ଏପରି ପରିସ୍ଥିତିରେ ଆପଣଙ୍କୁ ଦୀର୍ଘ ଦୂରତା ପାଇଁ ସମ୍ପୂର୍ଣ୍ଣ ଭଡା ଏବଂ ୨୫୦ ଟଙ୍କା ଜରିମାନା ଆଦାୟ କରାଯାଇପାରେ ।

ତେବେ ରେଳ ନିୟମ ଅନୁଯାୟୀ ଆପଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ । ଏପରି ପରିସ୍ଥିତିରେ ଆପଣଙ୍କୁ ଦୀର୍ଘ ଦୂରତା ପାଇଁ ସମ୍ପୂର୍ଣ୍ଣ ଭଡା ଏବଂ ୨୫୦ ଟଙ୍କା ଜୋରିମାନା ଆଦାୟ କରାଯାଇପାରେ ।