fix deposit
ରିଜର୍ଭ ବ୍ୟାଙ୍କ ରେପୋ ରେଟ ବଢ଼ାଇବା ପର ଠାରୁ ଦେଶର ପ୍ରାଇଭେଟ ଏବଂ ସରକାରୀ ବ୍ୟାଙ୍କ ନିଜର ଫିକ୍ସଡ ଡିପୋଜିଟର ସୁଧ ଧରରେ ବୃଦ୍ଧି କରିଛି । ଆଉ ଆଜିକାଲି ଲୋକମାନେ ମଧ୍ୟ କମ୍ ନିବେଶରେ ଅଧିକ ରିଟର୍ଣ୍ଣ ପାଇବାକୁ ପ୍ରୟାସ କରିଥାନ୍ତି । ସେଥିପାଇଁ ସେମାନେ ବିଭିନ୍ନ ସରକାରୀ ଓ ଘରୋଇ ବ୍ୟାଙ୍କର ନୂଆ ନୂଆ ସ୍କିମକୁ ଉତ୍ସୁକତାର ସହିତ ଚାହିଁ ରହିଥାନ୍ତି । ତେବେ ଯଦି ଆପଣମାନେ ନିବେଶ କରିବାକୁ ଚାହୁଁଥାନ୍ତି ତେବେ ଆପଣଙ୍କ ପାଇଁ ଏକ ବଡ଼ ସୁଯୋଗ ଆସିଛି । ଏକ ଘରୋଇ ବ୍ୟାଙ୍କରେ ଆପଣମାନେ ନିବେଶ କରି ଅଧିକ ରିଟର୍ଣ୍ଣ ପାଇପାରିବେ ।
ଦେଶର ପ୍ରାଇଭେଟ୍ ବ୍ୟାଙ୍କ ମଧ୍ୟରୁ ଗୋଟିଏ ଘରୋଇ କ୍ଷେତ୍ରର ଇଣ୍ଡସଇଣ୍ଡ ବ୍ୟାଙ୍କ ପକ୍ଷରୁ ଏହି ଘୋଷଣା କରାଯାଇଛି । ଆପଣମାନେ ଫିକ୍ସଡ ଡିପୋଜିଟ (ଏଫଡି) ଉପରେ ୮.୨୫ ସୁଧ ପାଇ ପାରିବେ । ଏଫଡି ସ୍କିମକୁ ଆକର୍ଷକ କରିବା ଲକ୍ଷ୍ୟରେ ବ୍ୟାଙ୍କ ପକ୍ଷରୁ ସୁଧ ହାର ବୃଦ୍ଧି ଘୋଷଣା କରାଯାଇଛି । ନିକଟରେ ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ରେପୋ ରେଟରେ ବୃଦ୍ଧି କରିଥିଲା । ଏହାପରେ ଦେଶର ବହୁ ବ୍ୟାଙ୍କ ଏଫଡି ଉପରେ ସୁଧହାର ବୃଦ୍ଧି କରୁଛନ୍ତି ।
ବର୍ତ୍ତମାନ ସମୟରେ ଇଣ୍ଡସଇଣ୍ଡ ବ୍ୟାଙ୍କ ଏଫଡି ଉପରେ ୩.୫ରୁ ୭ ପ୍ରତିଶତ ପର୍ଯ୍ୟନ୍ତ ସୁଧ ପ୍ରଦାନ କରୁଛି । ସେହିପରି ବରିଷ୍ଠ ନାଗରିକଙ୍କୁ ୪ରୁ ୭.୫ ପ୍ରତିଶତ ପର୍ଯ୍ୟନ୍ତ ସୁଧ ମିଳୁଛି । ୭ ଦିନଠାରୁ ଆରମ୍ଭ କରି ୬୧ ମାସର ଏଫଡି ଉପରେ ବ୍ୟାଙ୍କ ଏହି ଅଫର ପ୍ରଦାନ କରୁଛି । ତେବେ ୨ ବର୍ଷରୁ ୩ ବର୍ଷ ଓ ତିନି ମାସ ପର୍ଯ୍ୟନ୍ତ ଏଫଡି ଉପରେ ସାଧାରଣ ଜନତାଙ୍କୁ ୭.୫ ପ୍ରତିଶତ, ବରିଷ୍ଠ ନାଗରିକଙ୍କୁ ୮.୨୫ ପ୍ରତିଶତ ସୁଧ ଅଫର କରାଯାଉଛି । ଏହି ନୂଆ ସୁଧ ହାର ଫେବୃଆରୀ ୧୬ରୁ ଲାଗୁ ହୋଇଥିବା ବ୍ୟାଙ୍କର ଅଫିସିଆଲ ୱେବସାଇଟରୁ ଜଣାପଡ଼ିଛି । ଇଣ୍ଡସିଣ୍ଡ ବ୍ୟାଙ୍କ ଅନୁସାରେ ସାତ ଦିନରୁ ୩୦ ଦିନର ମ୍ୟାଚୋର ହେବାକୁ ଥିବା ଏଫଡି ଉପରେ ୩.୫୦ ପ୍ରତିଶତ ସୁଧ ଦରରୁ ସୁଧ ମିଳିବ । ଆଗାମୀ ୩୧ ଦିନରୁ ୪୫ ଦିନରେ ମ୍ୟାଚୋର ହେଉଥିବା ଏଫଡି ଉପରେ ୪.୦୦ ପ୍ରତିଶତ ଦରରେ ସୁଧ ମିଳିବ ।
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…
ଆଇସିସି ଟି୨୦ ବିଶ୍ୱ ସେମିଫାଇନାଲରେ ପ୍ରବେଶ କରି ଇତିହାସ ରିଚିଛି ଆଫଗାନିସ୍ତାନ ଟିମ୍ । ଅଷ୍ଟ୍ରେଲିଆକୁ ହରାଇ ଟି୨୦ ବିଶ୍ୱକପରୁ…
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…