ଶାରଦୀୟ ନବରାତ୍ର ଆରମ୍ଭ ହୋଇଗଲାଣି । ଏହି ସମୟରେ ବହୁ ଲୋକ ଉପବାସ ରଖିଥାନ୍ତି ବା କେବଳ ସାତ୍ତ୍ୱିକ ଭୋଜନ କରିଥାନ୍ତି । ଏହି ସମୟରେ ଯଦି କୌଣସି ସ୍ଥାନକୁ ଯାତ୍ରା କରିବାକୁ ପଡେ ତେବେ ବେଶୀ ଅସୁବିଧା ଭୋଜନକୁ ନେଇ ହୋଇଥାଏ । ଯଦିବା କେଉଁ ଠାକୁ ଯିବାକୁ ପଡେ ତେବେ ବ୍ରତ ଧାରୀ ମାନେ ଘରୁ ନିଜ ନିଜର ଭୋଜନ ଓ ଫଳ ନେଇ ଯାଇଥାନ୍ତି । ତେଣୁ ଏବେ ଭାରତୀୟ ରେଳ ଖାଦ୍ୟପାନୀୟ ଏବଂ ପର୍ଯ୍ୟଟନ ନିଗମ ବା ଆଇଆରସିଟିସି ରେଳ ମଧ୍ୟରେ ଯାତ୍ରୀ ମାନଙ୍କୁ ସାତ୍ତ୍ୱିକ ଭୋଜନ ଥାଳି ଉପଲବ୍ଧ କରିବା ପାଇଁ ନିଷ୍ପତି ନେଇଛନ୍ତି । ଆରସିଟିସି ତରଫରୁ କୁହାଯାଇଛି କି ଟ୍ରେନରେ ଯାତ୍ରା କରୁଥିବା ବ୍ରତ ଧାରୀଙ୍କ ପାଇଁ ସେପରି କୌଣସି ଅସୁବିଧା ହେବ ନାହିଁ । ଏଥର ରେଳବାଇ ଇ-କାଟରିଂ ମେନୁ ତରଫରୁ ବ୍ରତ ଧାରୀଙ୍କ ସ୍ୱତନ୍ତ୍ର ଖାଦ୍ୟପେୟକୁ ସାମିଲ କରାଯାଇଛି ।
ଏହା ସହ ପଢନ୍ତୁ: ଟ୍ରେନରେ ଲାଗିବ ଏଟିଏମ, ଏବେ ଚଳନ୍ତା ଟ୍ରେନରୁ ମଧ୍ୟ ବାହାର କରିବେ ଟଙ୍କା
ରେଳ ବାଇର କିଛି ସ୍ୱତନ୍ତ୍ର ରେଶତୃରାନ୍ଟ ଓ କିଛି ସ୍ୱତନ୍ତ୍ର ରେଳ ଷ୍ଟେସନରେ ହିଁ ଏପରି ଖାଦ୍ୟ ଉପଲବ୍ଧ କରାଯିବ । ଏହି ଭୋଜନରେ ସାଗୁ ଦାନା, କ୍ଷୀର, କୁଟୁର ଅଟା ପ୍ରସ୍ତୁତ ରୁଟି, ସେନ୍ଧ୍ୟା ଲୁଣ, ବିନା ଆଳୁର ତରକାରୀ, ଫଳ ଆଦି ଦିଆଯିବ । ଏହି ଶାରଦୀୟ ନବରାତ୍ର ସମୟରେ ହିଁ ଯାତ୍ରୀ ମାନଙ୍କୁ ଏହି ସ୍ୱତନ୍ତ୍ର ଧରଣର ଖାଦ୍ୟ ଦିଆଯିବ। ଏହି ସମୟରେ ଯାତ୍ରୀ ମାନେ ଇ-କାଟରିଂ ଓ ଫୁଡ ଅନ କାଟରିଂର ଆପ ସାହାଯ୍ୟରେ ପିଏନଆର ନମ୍ବର ଦ୍ୱାରା ଉପଲବ୍ଧ ହୋଇପାରିବ। ଷ୍ଟେସନରେ ପହଂଚିବାର ୨ ଘଣ୍ଟା ପୂର୍ବରୁ ହିଁ ଅର୍ଡର ଦିଆଯିବା ଦରକାର। ଅର୍ଡର ନେବା ପୁର୍ବରୁ ବୁକିଂ ପିଏନଆର ନମ୍ବରକୁ ପ୍ରଥମେ ଧ୍ୟାନରେ ରଖାଯିବ। ପରେ ଯଥା ସମୟରେ ସିଟ ପାଖରେ ଖାଦ୍ୟ ପହଂଚିଯିବାର ବ୍ୟବସ୍ଥା କରାଯିବ । ଯାତ୍ରୀ ମାନଙ୍କୁ ଅର୍ଡର ନେବା ପରେ ନିଜ ନିଜର ପିଏନଆର ନମ୍ବର, ମୋବାଇଲ ନମ୍ବର, ଟ୍ରେନ ନମ୍ବର ଓ ସିଟ ନମ୍ବର ବିଷୟରେ ସୂଚନା ଦେବାକୁ ପଡିବ।
ଜାଣନ୍ତୁ, କେତେ ରହିଛି ଆଜି ସୁନା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି…
ଭଞ୍ଜନଗର: ଭିଜିଲାନ୍ସ ଜାଲରେ ଆରଆଇ । ୭ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ । ଗଂଜାମ…
ବାଲେଶ୍ଵର: ହଟିଲା ଦିନ କର୍ଫ୍ୟୁ, ରାତି କର୍ଫ୍ୟୁ ବଳବତ୍ତର । ବାଲେଶ୍ଵରରେ ଆଜିଠୁ ରାତ୍ରିକାଳୀନ କର୍ଫ୍ୟୁ । ରାତି ୯ଟାରୁ…
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…
ନୂଆଦିଲ୍ଲୀ: ଆଜି ଲୋକସଭା ବାଚସ୍ପତି ନିର୍ବାଚନ । ସ୍ଵାଧୀନତା ପରେ ପ୍ରଥମ ଥର ପାଇଁ ଲୋକସଭା ବାଚିସ୍ପତି ପଦବୀ ପାଇଁ…
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…