ଆଜିକାଲି ମୋବାଇଲ ଫ୍ରଡ ଏବଂ ହ୍ୟାକିଂ ଘଟଣା ବହୁତ ଦେଖିବାକୁ ମିଳୁଛି । ହ୍ୟାକର ମାନେ ଫୋନ ହ୍ୟାକ କରିବା ପାଇଁ ଦିନକୁ ଦିନ ନୂଆ ନୂଆ ଟେକନିକର ବ୍ୟବହାର କରୁଛନ୍ତି । ଜାଲିଆତିର ଭିନ୍ନ ଏକ ତରିକା ହେଉଛି ଡୁପ୍ଲିକେଟ ସିମ ଯାହା ସାହାଯ୍ୟରେ ହ୍ୟାକର ମାନେ ଆପଣଙ୍କ ବ୍ୟାଙ୍କ ଆକାଉଣ୍ଟ ଖାଲି କରିପାରିବେ । ସେଥିପାଇଁ ଯଦି ଆପଣଙ୍କ ଫୋନରୁ ମୋବାଇଲ ନେଟୱାର୍କ ଅଧିକ ସମୟ ପର୍ଯ୍ୟନ୍ତ କଟିଯାଉଛି ତାହେଲେ ସାବଧାନ ହୋଇଯାଆନ୍ତୁ କାରଣ ଏହି ସ୍ଥିତିରେ ହ୍ୟାକର ମାନଙ୍କ ଦ୍ୱାରା ଡୁପ୍ଲିକେଟ ସିମ ବ୍ୟବହାର କରି ଆପଣଙ୍କ ଆକାଉଣ୍ଟରୁ ପଇସା ଉଠାଯାଇପାରିବ ।
ଯଦି ଆପଣଙ୍କ ଫୋନରେ ଅଧିକ ସମୟ ପର୍ଯ୍ୟନ୍ତ ସିଗନାଲ ଆସୁନାହିଁ ତାହେଲେ ହୋଇପାରେ ହ୍ୟାକରଙ୍କ ଦ୍ୱାରା ଆପଣଙ୍କ ନମ୍ବର ବନ୍ଦ କରାଯାଇ ଡୁପ୍ଲିକେଟ ସିମ ନିଆଯାଉଛି । ଏପରିସ୍ଥଳେ ବିଳମ୍ବିତ ସମୟ ପର୍ଯ୍ୟନ୍ତ ସିଗନାଲ ନରହିଲେ ତୁରନ୍ତ ଆପଣ ନିଜ ମୋବାଇଲ ଅପରେଟରଙ୍କ ସହ ସମ୍ପର୍କ କରନ୍ତୁ ଏବଂ ତାଙ୍କୁ ଏହି ବିଷୟରେ ସୂଚନା ଦିଅନ୍ତୁ ଯାହାଦ୍ୱାରା ଆପଣ ହ୍ୟାକିଂରୁ ବଂଚିପାରିବେ ।
ଏହାବ୍ୟତୀତ ଯଦି ଆପଣ ଫୋନରେ ଅଧା ୟୁଆରଏଲ ଲିଙ୍କ ଆସୁଛି ତାହେଲେ ତାଉପରେ କ୍ଲିକ କରନ୍ତୁ ନାହିଁ । କମ୍ପ୍ୟୁଟରରୁ ଫୋନ ଚାର୍ଜ କରିବା ସମୟରେ Only Chargingର ଅପ୍ସନକୁ ଚୁଜ କରନ୍ତୁ ଏବଂ Remember Passwordର ଅପ୍ସନ ଉପରେ କେବେବି କ୍ଲିକ କରନ୍ତୁ ନାହିଁ । ସାର୍ବଜନିକ ୱାଇଫାଇରେ ପଇସା ଲେଣଦେଣ କରନ୍ତୁ ନାହିଁ । ଏହାସହିତ ଯଦି ଆପଣଙ୍କ ଫୋନ ଗରମ ହୋଇ ଆପେଆପେ ରିବୁଟ ହୋଇଯାଉଛି ତାହେଲେ ଏହା ମଧ୍ୟ ଫୋନ ହ୍ୟାକ ହେବାର ଏକ ଲକ୍ଷଣ ଅଟେ । ଯଦି ଆପଣଙ୍କ ଫୋନ ହ୍ୟାଙ୍ଗ ହେବାପରେ ସ୍ୱିଚ ଅଫ ହୋଇଯାଇଛି ଏବାଂ ଆଉ ସ୍ୱିଚ ଅନ ହେଉନାହିଁ ତାହେଲେ ଏହା ମଧ୍ୟ ହ୍ୟାକିଂର ଏକ ଲକ୍ଷଣ ।
ହ୍ୟାକର୍ସ ଦ୍ୱାରା କୌଣସି ବ୍ୟକ୍ତିର ମୋବାଇଲ ଡାଟା ହ୍ୟାକ କରି ବ୍ୟାଙ୍କ ଖାତାର ସମସ୍ତ ସୂଚନା ହାସିଲ କରାଯାଇପାରେ । ଏହାପରେ ହ୍ୟାକର ଜାଲ୍ ଆଇଡି ବନାଇ ଡୁପ୍ଲିକେଟ ସିମ ହାସିଲ କରିଥାନ୍ତି । ଆଉ ତାପରେ ଆପଣଙ୍କ ବ୍ୟାଙ୍କ ଆକାଉଣ୍ଟର ପାସୱାର୍ଡ ବଦଳାଇ ଦେଇଥାନ୍ତି । ଡୁପ୍ଲିକେଟ ସିମରେ ଓଟିପି ମିଳିଯାଇଥାଏ ଯାହାପରେ ହ୍ୟାକର୍ସ ମାନେ ଆକାଉଣ୍ଟରୁ ପଇସା ବାହାର କରିଦେଇଥାନ୍ତି ।
ଯଦିଓ ବର୍ତ୍ତମାନ ହ୍ୟାକର୍ସ ମାନଙ୍କ ଦ୍ୱାରା ଏପରି କରିବା ଏତେ ସହଜ ହେବନାହିଁ କାରଣ ଏବେ ବିଏସଏନଏଲ ଏବଂ ଅନ୍ୟ ଅପରେଟର ମାନଙ୍କ ଦ୍ୱାରା ଡୁପ୍ଲିକେଟ ସିମରେ 24 ଘଣ୍ଟା ପର୍ଯ୍ୟନ୍ତ ମେସେଜର ସୁବିଧା ରହିବ ନାହିଁ ଓ ଏହାଦ୍ୱାରା ହ୍ୟାକର୍ସ ପାସୱାର୍ଡ଼ ବଦଳାଇ ଓଟିପି ହାସିଲ କରିପାରିବେ ନାହିଁ । ଏହିଭଳି ହ୍ୟାକିଂ ଉପରେ ଲଗାମ ଲଗାଯାଇ ପାରିବ ।
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…
ଆଇସିସି ଟି୨୦ ବିଶ୍ୱ ସେମିଫାଇନାଲରେ ପ୍ରବେଶ କରି ଇତିହାସ ରିଚିଛି ଆଫଗାନିସ୍ତାନ ଟିମ୍ । ଅଷ୍ଟ୍ରେଲିଆକୁ ହରାଇ ଟି୨୦ ବିଶ୍ୱକପରୁ…
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…