ବ୍ୟବସାୟ ଓ ଅର୍ଥନୀତି

ଏୟାର ଇଣ୍ଡିଆ ହେବ କି ଟାଟା ଏୟାର ଇଣ୍ଡିଆ ? କ୍ଷତିରେ ଚାଲୁଥିବା ସଂସ୍ଥାକୁ କିଣିବାକୁ ଆଗ୍ରହ ପ୍ରକାଶ କରିଛି ଟାଟା

କେନ୍ୟୁଜ୍(ବ୍ୟୁରୋ): ରାଷ୍ଟ୍ରାୟତ ବିମାନ କମ୍ପାନୀ ଏୟାର ଇଣ୍ଡିଆକୁ କିଣିବ ଟାଟା । ୬୭ ବର୍ଷ ପରେ ପୁଣି ଥରେ ଏୟାର ଇଣ୍ଡିଆକୁ ନିଜ ଅଧିନକୁ ନେବା ପାଇଁ ଆଗ୍ରହ ପ୍ରକାଶ କରିଛି ଟାଟା। ଏନେଇ ଟାଟା କର୍ତ୍ତୃପକ୍ଷ ଭାରତ ସରକାରଙ୍କ ନିକଟରେ ଏକ୍‌ସପ୍ରେସନ ଅଫ ଇଣ୍ଟରେଷ୍ଟ ବା EOI ଦାଖଲ କରିଛି । ଏହାର ଅର୍ଥ, ଏୟର ଇଣ୍ଡିଆକୁ କିଣିବାକୁ ବିଡିଂ ପ୍ରକ୍ରିୟାରେ ସାମିଲ ହେବାକୁ ଇଚ୍ଛା ପ୍ରକଟ କରିଛି ଟାଟା। ଖୁବଶୀଘ୍ର ଆବଶ୍ୟକ କାଗଜପତ୍ର ସରକାରଙ୍କୁ ଔପଚାରିକ ଭାବେ ପ୍ରଦାନ କରିବେ ।

ଆର୍ଥିକ ସଂକଟ ଦେଇ ଗତି କରୁଥିବା ଏହି ରାଷ୍ଟ୍ରାୟତ୍ତ ବିମାନ କମ୍ପାନୀକୁ ଘରୋଇକରଣ କରିବାକୁ ଯୋଜନା କରିଛନ୍ତି ସରକାର । ୨୦୧୮ରେ ପ୍ରଥମ କରି ସରକାର ଏହି ବିମାନ କମ୍ପାନୀ ପାଇଁ ବିଡିଂ ପ୍ରକ୍ରିୟାରେ ସାମିଲ ହେବାକୁ ଆହ୍ଵାନ କରିଥିଲେ । ହେଲେ ସେତେ ବେଳେ କେହିବି ଏହାକୁ କିଣିବାକୁ ଆଗ୍ରାହ ଦେଖାଇ ନଥିଲେ । ଏବେ ଏହାକୁ କିଣିବାକୁ ଅନେକ ଆଗ୍ରହ ଦେଖାଇଛନ୍ତି । ଏୟାର ଇଣ୍ଡିଆର ଉପରେ ପାଖାପାଖି ୯୦ ହଜାର କୋଟି ଟଙ୍କାର ଋଣ ରହିଛି । ଏହି ପରିପ୍ରେକ୍ଷୀରେ ଏୟାର ଇଣ୍ଡିଆର ଘରୋଇକରଣ ନହେଲେ ଏହି ସେବା ବନ୍ଦ କରିବା ସ୍ଥିତି ଉପୁଜିପାରେ ବୋଲି କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂହ ପୁରୀ କହିଥିଲେ ।

ବର୍ତ୍ତମାନ ଟାଟା ସନ୍‌ସ ସିଙ୍ଗାପୁର ଏୟାରଲାଇନ୍‌ସ ସହ ମିଳିତ ଭାବେ ଭିସ୍ତାରା ଏୟାରଲାଇନ୍‌ସର ପରିଚାଳନା କରୁଛି । ଏୟାର ଏସିଆ ଇଣ୍ଡିଆରେ ଟାଟା ସନ୍‌ସର ୫୧ ପ୍ରତିଶତ ଅଂଶଧନ ଥିବାରୁ ଏହା ମାଧ୍ୟମରେ ଟାଟା ଏୟାର ଇଣ୍ଡିଆ ପରିଚାଳନା ପାଇଁ ଆଗ୍ରହ ଦେଖାଇଛି। ସିଙ୍ଗାପୁର ଏୟାରଲାଇନ୍‌ସ ପୂର୍ବରୁ କ୍ଷତିରେ ଥିବାରୁ ଏୟାର ଇଣ୍ଡିଆ ଅଧିଗ୍ରହଣ ପାଇଁ ଆଗ୍ରହ ଦେଖାଇ ନାହିଁ । ସେପଟେ ଏହା ସଫଳ ହେଲେ ଭାରତର ସର୍ବୋଚ୍ଚ ଉଦ୍ୟୋଗ ଟାଟା ଏୟାର ଇଣ୍ଡିଆକୁ ସହଜରେ ନିଜ ମାଲିକାନାକୁ ନେଇ ପାରିବ । ୧୯୩୨ ଅକ୍ଟୋବରରେ ଟାଟା ଗ୍ରୁପ ଟାଟା ଏୟାର ଲାଇନସ ନାମରେ ଏୟାର ଇଣ୍ଡିଆ ସେବା ଆରମ୍ଭ କରିଥିଲା। ୧୯୫୩ରେ ଏହା ଭାରତ ସରକାରଙ୍କ ଅଧିନକୁ ଯାଇଥିଲା।

KNews Bureau

Recent Posts

ତାଜା ଅପଡ଼େଟ : ଜାଣନ୍ତୁ ଆପଣଙ୍କ ସହରରେ ପେଟ୍ରୋଲ ଦର ବଢିଛି ନା କମିଛି ?

ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୦ ଟଙ୍କା ୯୨ ପଇସା ରହିଥିବା ବେଳେ ଡିଜେଲ ଦାମ୍ ପ୍ରତି ଲିଟର ପିଛା…

8 mins ago

ଟି-ଟ୍ବେଣ୍ଟି ବିଶ୍ବକପ୍ : ସୁପର-୮ରେ ଭାରତର ଦ୍ବିତୀୟ ବିଜୟ, ବାଂଲାଦେଶକୁ ୫୦ ରନରେ କଲା ପରାସ୍ତ

ଟି-ଟ୍ବେଣ୍ଟି ବିଶ୍ବକପ୍ ରେ ବାଂଲାଦେଶକୁ ହରାଇ ସୁପର-୮ରେ ଭାରତର କ୍ରମାଗତ ବିଜୟ । ବାଂଲାଦେଶକୁ ୫୦ ରନରେ ପରାସ୍ତ କରି…

16 mins ago

ସ୍ଥିର ରହିଛି ସୁନା ଦର, କିଣିବାକୁ ଚାହୁଁଛନ୍ତି କି ଆଜି ହିଁ ନେଇ ଆସନ୍ତୁ

ଆଜି ସ୍ଥିର ରହିଛି ସୁନା-ରୂପା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି ତେବେ…

32 mins ago

ବାରିପଦା ବସ ଷ୍ଟାଣ୍ଡରେ ହଣାକଟା ଘଟଣା: ଉଭୟ ପକ୍ଷରୁ ୧୦ ଜଣଙ୍କୁ ଗିରଫ କରିଛି ପୋଲିସ୍

ବାରିପଦା (କେନ୍ୟୁଜ): ବାରିପଦା ଘରୋଇ ବସଷ୍ଟାଣ୍ଡରେ ହଣାକଟା ଘଟଣାରେ ପୋଲିସର ଆକ୍ସନ । ଦୁଇଟି ପୃଥକ ପୃଥକ ମାମଲା ରୁଜୁ…

41 mins ago

ବାଲେଶ୍ବରରେ ସ୍ବାଭାବିକ ହେଉଛି ସ୍ଥିତି : ସକାଳ ୫ଟାରୁ ରାତି ୯ଟା ପର୍ଯ୍ୟନ୍ତ କର୍ଫ୍ୟୁ କୋହଳ

ବାଲେଶ୍ବର (କେନ୍ୟୁଜ): ବାଲେଶ୍ବରରେ ସ୍ବାଭାବିକ ହେଉଛି ସ୍ଥିତି । ପୌରପାଳିକାର ବିଭିନ୍ନ ଅଞ୍ଚଳରେ କୋହଳ ହେଉଛି କର୍ଫ୍ୟୁ । ଆଜି…

50 mins ago

ଟ୍ରକକୁ ଧକ୍କା ଦେଇ ଜଳିଗଲା ଆମ୍ବୁଲାନ୍ସ, ରୋଗୀ ସମେତ ୪ ଗୁରୁତର

ଜଳେଶ୍ବର (କେନ୍ୟୁଜ): ଟ୍ରକକୁ ଧକ୍କା ଦେଇ ଜଳିଗଲା ଆମ୍ବୁଲାନ୍ସ । ରୋଗୀ ସମେତ ୪ ଜଣ ଆମ୍ବୁଲାନ୍ସ କର୍ମଚାରୀ ଗୁରୁତର…

1 hour ago